اسكريبت( وأحرص على قلبي لانك فيه ) بقلم جنة جابر
يوصله ومفيش غيري بتبقي فاضيه في الوقت اللي حضرتك بتصحي فيه فبتطلب مني القهوه صح كدا
الله ينور عليكي
بص في ساعته انا اتأخرت و دي هتبقى اخر مره اشرب قهوه سيئه كدا ولو مبتعرفيش تعمليها خلي داده فتحيه تعلمهالك اخر النهار سلام
سحب المفاتيح وخرج من البيت كالعاده متعصب حسيت للحظه انه بيتنفس قهوه بيدمن قهوه عارفه انا الناس دي لو مخدوش قهوه يتعصبوا على خلق الله طب وانا ذنبي ايه الله!
نطيت من مكاني من الفزع يا ربي بيطلع منين ده!
كنت نازله اجيب مايه عطشانه
إممم
عن إذنك
اتحركت من مكاني ودخلت المطبخ شربت ورجعت طلعت السلم لحد اوضتي وهو خرج من البيت
إلا تنصروه فقد نصره الله إذ أخرجه الذين كفروا ثاني اثنين إذ هما في الغار إذ يقول لصاحبه لا تحزن إن الله معنا فأنزل الله سكينته عليه وأيده بجنود لم تروها وجعل كلمة الذين كفروا السفلى وكلمة الله هي العليا والله عزيز حكيم [سورة التوبة الآية]
دخلت حطيت راسي على المخده والشيخ بيكمل قرأه وانا بنعس براحه وامان لحد ما روحت في النوم بصوته الهادي حبيت الصوت حبيت المسجد اللي هنا
حضرتك بتكلمني انا
أه تعالي ورايا
خرجت ورا العمده للجنينه لقيت عمي يوسف وعمي رمضان قاعدين بالفعل
عامله ايه يا انين
كويسه
طيب
كان سؤال من باب المجامله وبس وبدأوا يتكلموا عن الراتب وانهم هما اللي هيستلموه وانا واقفه بسمع بصمت ومن جوايا احلامي بتتهد هاخد ٥ جنيه بالمعني ده ومش هكمل تعليم!
ها ولا حاجه يا ست الكل
اكيد شايله هم حاجه يا انين
حسيت وكأنها إشارة إني اخرج كل اللي في بالي خصوصي بعد اللي حصل انهارده من عمامي
انا تعبت كل ما احاول اعمل حاجه بتتعقد من الجهه التانيه
طبطبت على ايدي اهدي بس واحكيلي براحه حصل إيه
اتنهدت شويه مشاكل بس متشغليش بالك
كنت واقفه قدام القناه وانا بردد وراهم
قناه المجد للقرآن الكريم قرآن يتلى أناء الليل وأطراف النهار ( لفيتلها) بحبها اوي
ضحكت وطلبت مني اروحلها لحد ما وصلت لطرف السرير وقعدت قدامها
خرجتلها المشط و لقيتها بتشاور على رأسها
فكيلي الطرحه و سرحيلي شعري ممكن
إبتسمت اكيد ممكن
قعدت وبدأت اسرحلها شعرها كان بيقع بغزاره بين إيدي علشان الادويه اللي بتاخدها وصحتها اللي في النازل
أعذريني انا شعري بيقع كتير
ولا يهمك يا ست الكل
هتعمليلي إيه بقا
فكرت شويه وقولتلها ضفيرتين
ضحكت عيله صغيره انا اياك
لا بس مفيش مانع نستمتع شويه مش كدا
هزت راسها وسكتت الباب خبط وهي اذنت انه يتفتح ودخل ادهم واتفاجئ بمسكتي لشعر مامته و تنح
خش متنحش كدا
شاور ناحيتي وهو بيتقدم ناحيتها هي بتعمل ايه
طبطبت علي ايدي بتسرحلي شعري حبيبي
باس راسها وقعد علي الطرف التاني وانا خلصت ضفيرتها بسرعه ولمېتها بتوكه وطلعت وانا سمعاه بيقول
بس ايه القمر ده يا ست الكل
ضحكت بكاش من يومك
مسكت سله الغسيل كويس وانا ببتسم رايحه ناحيه اوضه الغسيل وبدأت اغسل وانشر لحد ما خلصت ودخلت المطبخ كانت داده فتحيه بتشيك على المطبخ بعد ما نضفته
عايزه شاي ممكن ولا هيزعقوا
ضحكت اكيد ممكن تعالي اقعدي ونعمل كوباتين كمان
زودوا تالته
سمعت صوته وهو داخل المطبخ بيقول كدا
داده انا مېت من الجوع
ليه يا ابني مشبعتش من الغدا
جوعت تاني
إبتسمت طيب ارتاح انت وانا هجيبلك الاكل تاني
شاورلها بتأكيد وكوبايه الشاي
شاور ناحيتي وعلميها القهوه بتتعمل ازاي علشان المره الجايه مزعلهاش واتنرفز وانا مبحبش كدا انتي عرفاني اوعي تفكري تخليها هي اللي تعمل الشاي لما تعلميها الاول تعمله تبقي تعمله
قال اللي قاله وخرج وداده فتحيه اڼفجرت في الضحك وهي بتخرج الاكل من التلاجه
طفل
بصيتلها هو مين
أدهم هيكون مين
اه
التفتت وهي بترص الاكل مبتعرفيش تعملي قهوه بجد
قومت بإنفعال لا بعرف بابا الله يرحمه كان بيحبها وعمامي كمان مش عارفه انا كل ما باجي اعملهاله بيحصل حاجه مره ملح مره تقع مره تتاخر مره تفور مره متطلعش بوش بقالي اسبوعين هنا وفيه حاجه غريبه بجد!
فضلت تضحك على كلامي لحد ما دمعت وسمعت صوته
خلصتي
بصيت ورايا لقيته واقف مربع ايده وساند علي التلاجه بيرفع حواجبه وبعدها اتعدل وقرب
مش يمكن العيب منك انتي مش من القهوه اكيد حاجه شاغله بالك (وجه كلامه للداده) داده خلصتي ولا لسه
ابتسمت اه يا حبيبي عملتلك سندوتشات خفيفه
احسن شئ تسلم ايدك
خد منها الصنيه ولسه هيخرج وقف ولف تاني بيأكد
تعلميها القهوه ومتنسيش كوبايه الشاي بتاعتي
حاضر يا حبيبي
جزيت على سناني وهزيت رجلي بضيق وبصيت لداده فتحيه اللي بتهرب بعيونها بعيد وبتحاول تبطل ابتسام بس مقدرتش
اضحكي اضحكي جت عليكي يعني
ضحكت وقامت تعمل الشاي واديتهولي اوديهوله الجنينه علمتني القهوه وكأني معرفهاش وبعد يوم متعب طويل اتجهت لفرشتي نمت عليها
صحيت نص الليل على صوت العمده وصوت ادهم واصوات متداخله فتحت الباب وطلعت اشوف فيه ايه لقيتهم بيجروا يمين وشمال
ادهم بصلي ورفع عيونه
روحي لماما وطمنيها
هزيت راسي و روحت لأوضه زوجه العمده وقعدت قصادها كانت بتدعي وبتقرأ قرآن وبس اتضح انه ليها بنت كمان متجوزه وبتولد
كان نفسي اروح معاهم المستشفي
بكرا تخفي و ترجعي احسن من الاول
تفتكري
اكيد طبعا لازم يكون عندك اراده نابعه من جواكي
بس انتي مش هتسبيني صح
مسكت ايدها مش هسيبك
تاني يوم كانت رغد اخت ادهم جت البيت بالبييي بتاعها نقلوا مامتها على كرسي متحرك علشان تشوف البيبي و حسيتها فرصه اكلم اي حد بخصوص مامت ادهم ورغبتها في انها تتعافى
لو سمحت عايزه اكلم حضرتك في موضوع
كان قاعد بيشرب قهوته اللي عملتها ولاول مره تطلع مظبوطه
اقعدي قدامي واحكي
شكرا
سحبت كرسي بمسافه كافيه وقعدت
هو ممكن تجيبوا دكتور علاج طبيعي يبدأ مع مامت حضرتك
ابتسم بسخريه انتي مفكراني مجبتلهاش
مش قصدي كدا بس ممكن يكون العامل النفسي اقوى من العامل الجسدي بمعني حضرتك دلوقتي طول النهار في الشغل و رغد مش هنا مع مامتها تدعمها العمده وديما بين الاراضي و شغله محدش فاضي يسمعها يمكن كانت محتاجه حد يسمعها ويقوي الاراده عندها!
قطب جبينه مع كل جمله بقولها كان بيتعدل اكتر
بس هي عمرها ما جابت سيره انها عايزه تتعالج بالعكس كل ما ادخلها او اجيبلها دكتور ترفض بحجه انها راضيه بقضاء الله وبس
طبعا لازم كلنا نكون راضين بقضاء الله بس مامت حضرتك غير
