إسكريبت( دعاء و وائل ) بقلم خلود ناجي

انا اسف بس انا مش قادر اتقبلك كزوجة انا فعلا اسف بجد يادعاء اتمني تفهميني
حاولت ابتسم واسيطر علي نفسي مفيش مشكله ياوائل عن اذنك
مش فاهمة ليه عمل كده دخلت اوضة النوم وبكيت كتير كتير جدا هو بيحب واحدة تانية وهي اتجوزت ومش قادر ينساها طيب ذنبي ايه انا ليه جوزي يكون قاعد معايا وسرحان وبيفكر في غيري هو بيكون بن خالتي هو من محافظة وانا من محافظة كل واحد فينا كان طريقه غير التاني لحد مالقدر جمعنا وجه طلب أيدي مكنتش بحبه في الأول بس تعامله وطريقته جذبتني شخص كويس جدا فاهم دينه وشخصيته جذابة مثقف وفاهم في مجاله مش عشوائي محترم وذوق ودا واضح في تعامله وكلامه مع الغريب بيحب الرياضة جدا وبيعشق لعب الكورة والتنس والطايرة شخص رياضي وهادئ جدا مش عصبي بس عيبه انه عنيد جدا ومش بيغير رايه الا الشديد القوي كمان علاقته سيئة جدا بوالده ومفيش بينهم تعامل لدرجة أنه محضرش فرحنا ومستفز كمان وتقيل جدا في كلامه هو مدير تنفيذي في شركة استيراد وتصدير ومستقل من سنين هو شخص في نظري مثالي جدا ومفيش اي سبب يخليني ارفضه اتخطبنا 6 شهور كنت بلاحظ انه مشغول وكلامه قليل بس دايما يجيب هدايا ويعوض غيابه وقلة كلامه كنت بسكت وابرر غيابه أنه مشغول في الشغل كان دايما ساكت عمري حتي ماحسيت اني مخطوبة انا عارفة وفاهمة ضوابط الخطوبة كويس بس كان دايما في احساس جوايا انه مش متقبلني بس بس كان عقلي بينفي كده وانا دايما مشغول كفاية اهتمامه وأنه مقدر انه مقصر معايا اتجوزنا ومر أسبوع وهو اصر انه ينام في أوضة الأطفال وقتها اتفاجات بس سكتت ومتكلمتش مر الوقت وكنت بلاحظ انه بيتجنبني نزل الشغل من تالت يوم مش بياكل معايا ولو اتجمعنا مرة بيفضل ساكت ولو فتحت حوار بيرد علي قد السؤال لو حبيت اقعد معاه بيتحجج انه مشغول او نعسان علاقتي باخواته كويسة وعلاقتي بطنط كويسة برضوا يعني مفيش حاجة تخليها يضايق مني تعبت من بروده وهروبه فواجهته وقالي الحقيقة انه كان بيحب بنت من 3 سنين وهي زميلته في الشغل ومش قادر يحب غيرها وعدني انه هيقضي حياته كلها معايا وهنكون عايلة وهيحترمني بس مش هيقدر يحبني وقتها سكتت وابتسمت رغم قهرتي وۏجعي وقتها حسيت اني مش كافية لدرجة أنه حب واتعلق بغيري واهان قلبي ونفسي بانه مش هيقدر يحبني عيطت كتير كتير جدا واتعصبت وكسرت الموبيل بس قررت احرر طاقتي وشغلت ميوزك وفردت شعري وسبته وحطيت ميكاب وبدات ارقص بليه وشرقي وهندي وكوري وكل أنواع الرقص انا عصبية جدا بس بعرف اتخلص من عصبيتي بالطريقة دي تعبت جدا وقعدت في الأرض دموعي خلصت وطاقتي نفذت بس بس ۏجع كبريائي وقلبي لسه زي ماهو بالعكس كمان بيزيد خدت دش ومشطت شعري وحاولت انام بس من التفكير هتجنن الفجر اذن صليته وقريت ورد اليوم والحمد لله كان 4 أجزاء مع تفسير صفحة كاملة ونص ساعة استغفار والأذكار بما فيهم أذكار الصباح الشمس طلعت ودعيت ربنا كتير يساعدني وييسرلي اموري انا اتولدت في بيئة كويسة والحمد لله اهلي بذلوا كل جهدهم في تربيتي وأني اطلع سوية نفسيا وعندي دين وصاحبة قرار اهلي ناس عادية مش ملتزمين اوي بس في نفس الوقت بيتقوا ربنا في كل حاجة انا اه بسمع اغاني بس بحاول اقللها