اسكريبت( وأحرص على قلبي لانك فيه ) بقلم جنة جابر

محتاجه دعم نفسي هقولك حاجه هي كان نفسها جدا امبارح انها تكون بتعرف تمشي علشان تحضر ولاده بنتها كان عندها حافز انها ترجع تتعالج  
طب ممكن تقعدي تسمعي منها اكتر  
سكت بتفكير وكأنه بيحسب اولوياته  
و انا هحاول افضي نفسي يعني هرجع بدري شويه من الشغل  
وقفت حاول تقعد معاها وقت اكتر ولو لقيت دكتور تاني ياريت تبلغني علشان نقدر نحفزها من تاني اكيد فيه امل  
ابتسم فعلا الدكاتره قالولي كدا بس المشكله كانت فيها
ان شاء الله هترجع احسن من الاول عن اذنك  
لفيت وجيت امشي  
شكرا  
لفيتله  
العفو طبعا  
انتي خريجه ايه
ابتسمت بيأس ثانويه عامه عن اذنك
سيبته ودخلت كملت شغلي عرفت انه فيه سبوع في اخر الاسبوع للنونو وان انا معزومه عيلتي كمان معزومين بسأل نفسي هما يا ترا هيقولوا للناس ايه بنتنا بتخدم! ولا ايه!
ايه اللي انتي لبساه ده 
فستان شيفون مبطن وخماري! ايه الغريب 
الالوان ولفه الخمار اوفر  
اوفر ازاي يعني يا ماما وبعدين مامت ادهم هي اللي جابتلي الفستان و  
وهي دي امك انتي مالك قلبك بقا على العيله دي اوي لتكون طلعت امك وسابتك عند المسجد وانا اللي جبتك وحرمتك من اهلك مثلا روحي غيري الفستان ده والبسي الوانك العاديه يا أنين بلاش تلفتي الناس ليكي  
بس انا مبلفتش الناس ليا! 
لا الفستان مش داخل عقلي وخلاص  
ماما
كانت بتنقيلي لبس تاني وعادي وهي عطيالي ضهرها  
ممم  
قربت منها  
انتي مش ناسيه حاجه من ساعه ما جيتي 
بصتلي بطرف عينيها هكون ناسيه ايه مثلا 
انك تاخديني في حضنك تسأليني انا عامله ايه وكأنك ناسيه انا هنا ليه! وكأني مبعدتش
بصتلي اوي وخدتني في حضنها وطبطبت على راسي بحنان  
انا اسفه يا حبيبتي بس الفستان فعلا وكأنك حد من العيله مش عايزين كلام كتير  
سيبك من الفستان دلوقتي هغيره ركزي معايا انا بنتك  
عايزه ايه يا انين 
انا بدأت احوش وهاخد كمان حقي من عمي بعد ما الوصايه تتشال من عليا  
مسكت وشي ركزي دلوقتي في انك تقعدي هنا أطول وقت ممكن علشان لو اتطردتي هيجوزك على طول والله اعلم المره دي لمين او هيرمينا في الشارع!
ادتني الفستان التاني اللي خرجته من دولابي وخرجت
في حته تانيه خالص تحت تحديدا في الجنينه كان ادهم واقف بيتابع العمال وبيأكد على كل حاجه وبيستقبل المعازيم و في الاخر أخد كوبايه عصير من ويتر و وقعد على كرسي بعيد بيحاول ياخد نفسه وعينه بتمشط المكان اهلها إجوا بس هي منزلتش! هو ذات نفسه بيسأل نفسه لو حد من الناس سألهم انين هنا ليه هيقولوا ايه!
من بعيد كانت مرات رمضان واقفه متابعه ادهم وعرفت انه إبن العمده وفكرت في فكره ومالت على رمضان تقوله فكرتها المسمومه وأخيرا والدة انين دخلت الجنينه واختلطت مع المعازيم وكأنها طبيعيه بإتفاق من رمضان طبعا
مرات رمضان قربت على ادهم ووقفت قدامه  
أفندم حضرتك عايزه حاجه 
الصراحه هتعبك معايا طالبه من حضرتك خدمه صغيره انا زي امك  
طبعا اتفضلي  
أنين مجننانا انا وعمها في إجراءات دخولها الكليه واحنا عايزينها تكمل كليتها حتى ولو ڠصب عنها وهي رافضه علشان متتقلش علينا بس مفيش قدامنا غير الڠصب ابوها الله يرحمه كان عايز كدا  
ابتسم اه عنيده شويه طيب وانا مطلوب مني اساعدك ازاي
هنديك شويه اوراق حتى بناخدها معانا في مكان حيث انها لو وافقت تمضي عليهم علشان دخولها الكليه وكدا و  
اتعدل اكتر وقاطعها 
قصدك اني امضيها عليها يعني  
ده من بعد اذنك طبعا
افرد إكتشفت
لا مش هتكتشف البركه في حضرتك مۏت والدها مأثر عليها ولما لقت شخص تساعده زي حاله مامتك قالت اما تساعدها علشان تنسى حزنها بس لما تدخل الكليه احنا واثقين انها هتتكيف وتقتنع انها كدا بتفرح باباها  
طيب وانا موافق هاتيلي الورق في اي وقت  
ثانيه واحده زي ما قولتلك بناخد الورق معانا في اي حته هجيبهالك من العربيه
وقف وهو بيعدل بدلته  
طيب خدي وقتك وانا تحت امرك
ابتسمت بمسكنه ومن جواها انتصار وراحت لجوزها تفرحه انها قدرت تقنعه لانه على عماه وميعرفش اي حاجه! سواء عن المرتب اللي بياخدوه من ورا شغلانتها والعلاقه القويه اللي وسعت شغلهم و لا حتى عن جوازها والوصيه!
دخلت الجنينه بس مرضيتش البس فستان تاني ونظرات مامت ادهم خلتني احس انه قرار صح قربت عليها وشاورت اميل عليها
زي ما توقعت شكلك زي البدر قمر يا أنين  
ده من ذوقك  
اقعدي معايا
انا هقف جنبك وبس اعذريني مش هقدر اقعد هيقولوا ايه 
يقولوا اللي يقولوا انتي بقيتي زي بنتي
ابتسمت واصريت اني اقف جنبها عمي رمضان سلم عليا ورجع اختلط بين المعازيم ورغد نزلت وبدأت مراسم كأي سبوع بيحصل لأي نونو
شيلو البيبي ل مامت ادهم واختلطوا بين المعازيم  
انين شيليها علشان ايدي وجعتني  
من عنيا حاضر
شيلت البيبي وضميتها حجمها كان صغيور اوي وكانت حفله على قد بساطتها على قد ما كانت حلوه ومبهجه
قهوه حضرتك يا أستاذ ادهم  
تسلمي
ابتسمت وكنت همشي بس وقفني غريب انه هو اللي يطلب يتكلم معايا الصبح بدري كدا جايز بخصوص مامته!
حط قدامي ورق وقلم  
إمضي يلا وبدون أي نقاش
قلبي دق پخوف رهيب معرفش مصدره بس هو طمني بإنه ورق بخصوص شغلي هنا بس من امتا الخدامه ليها ورق! 
وبعد ما مضيت ينفع اعرف بخصوص ايه 
هتعرفي وقتها يلا شوفي وراكي ايه! 
طيب
مشيت وانا قلبي قلقان وطلعت قعدت مع مامت ادهم و راسي في حته تانيه!
مالك 
مفيش بس قلقانه  
من ايه
صدقيني معرفش مصدر القلق ده  
ان شاء الله خير متقلقيش
حاضر
أكلتها وكملت شغلي طول اليوم واخر الليل تحديدا نزلت اتمشى شويه في الجنينه بشم هوا
على فكره بباكي في مكان احسن من هنا  
لفيت على الصوت ولقيته ابتسمت  
طبعا في مكان احسن  
يبقي المفروض كل ما تفتكريه تدعيله مش تكتئبي  
معاك حق  
وعلشان معايا حق خشي اعمليلي قهوه يلا
فضل يسقف بتحفيز انه امشي بسرعه وهو بيقولي بسرعه بسرعه بضحك حسيت انه للحظه اننا اطفال ايه يا عمو مش كدا!
داده فتحيه دخلت عليا وفي ايدها تليفون اخدته منها وانا بشاور على القهوه
دي قهوه ادهم  
ماشي بس ردي على عمك  
قطبت جبيني وحطيت الفون على وداني وانا قلبي بيدق پعنف  
الو  
اللعبه خلصت يا أنين  
قطبت جبيني وانا مش فاهمه قصده ايه  
قصدك ايه
الارض بقت بإسمي وخلص الموضوع
إنت بتقولي ايه 
بقولك اللي حصل الارض بقت بإسمي  
سندت على الرخامه قدامي پصدمه وداده فتحيه كانت شايله القهوه مستغربه ملامحي المنقبضه  
انت بتهرج  
قولي لادهم شكرا بقا واه تعالي خدي امك من عندنا بقا علشان منطردهاش بقله الذوق وياريت تمشي من مكانك ده كمان علشان متطرديش انتي كمان يلا سلام حبيبه عمك
قفل المكالمه وانا مصدومه روحي بتتسحب مني بالبطئ وقعت في الارض وداده فتحيه من الخضه وقعت فنجان القهوه اتكسر وقعدت جنبي على الارض
أنين مالك ردي عليا عمك قالك ايه
كنت مغيبه مسهمه
هو عمل كدا ليه ليه
يا حبيبتي فهميني مين وحصل ايه!
ادهم كان داخل پخوف