اسكريبت( وأحرص على قلبي لانك فيه ) بقلم جنة جابر

الارض فهي هتبقي بتاعتنا البت دي مش هتمضي ڠصب عنها عن التنازل واهي وصيه ابوها انه اللي يتجوزها هو اللي ياخد الارض يعمرها وكدا استني شويه و هتتنازل بطريقتنا وبعدين احنا الوصيين عليها  
هديت شويه متأكد من كلامك دي لو بلغت البوليس هنروح في داهيه! 
هتصرف متقلقيش
خرجت و روحت السوق بدأت انقي ليهم الفاكهه اللي طلبوها و ورايا غفير بيحاسب البياعين انا مليش اني امسك فلوس في ايدي احاسب بيها بيخافوا اخد منها حاجه لنفسي انا بخدمهم وبس
لمحت بعيني وانا ماشيه في الشارع شايله انا والغفير الفاكهه بتعب مكتب شرطه وبدأت افكر لو دخلت اشتكيتهم هيقولوا اهلها والاهم الدليل قدام الناس مبينين قد ايه بيحبوني طب والارض مليش اني اتكلم فيها الا لما اتم ال ٢ سنه لان عمي وصي عليا واملاكي مؤقتا معاه!
رجعت البيت وكنت محضره شنطتي من قبلها بيوم مستنيه اليوم اللي بعده وانا جوايا الف سؤال وسؤال يا ترا بيت العمده هيبقي اسوء! ولا ارحم!
انتي هاتيلي قهوه  
باين اسوء!
نعم ! 
ها لا ولا حاجه  
طيب روحي حضري القهوه وهاتيها على الجنينه  
حاضر ومشيت من قدامه
دخلت المطبخ خصوصي اتجاه داده فتحيه شخصيه طيبه وسمحه في نفسها كدا مريحه في التعامل ومن ساعه ما دخلت البيت ده وهي بتعاملني كأني بنتها
فيه واحد كدا طلع من اوضته بيقولي عايز قهوه  
كانت بتحضر الفطار اكيد ده ادهم  
سندت على الرخامه ومين ادهم ده 
إبن العمده  
هزيت راسي بتفهم اهااا  
مدت إيدها بصنيه فطار روحي انتي للهانم الكبيره فوق وفطريها وانا هعمله القهوه  
ماشي
خدت منها صنيه الفطار وطلعت بالفعل لحد اوضه زوجه العمده وكنت لسه بخبط الباب وسمعت صوت خفيض بيإذنلي بالدخول لقيته في وشي
كان جاي ناحيتي وهو بيعدل زرار ايده وبيتأكد انه لابس الساعه مظبوط وانا ايدي علي مقبض الباب ولسه بفتحه  
فين القهوه انا مستعجل  
بصيت ورايا ليه قولت لداده فتحيه وقالتلي اطلع الفطار لمامت حضرتك وهي هتحضرها  
كنت لسه هدخل بس وقفني بكلامه  
استغفر الله وانا طالبها منك بقالي تلت ساعه يعني المفروض تكون جهزت بقالها على الاقل عشر دقايق  
بس  
قاطعني بإنفعال لو عايزها من داده فتحيه كنت قولتلها هي اصلا مشغوله بالفطار اللي بيتحضر و عقبال ما تخلصه هتتأخر وانا اتأخر بصي انا مش مضطر اشرحلك اصلا خلاصه الموضوع ( ابتسم بإصفرار وهو بيأكد علي كل كلمه) بعد كدا لما اطلب منك حاجه تعمليها ومتقوليش لحد تاني يعملها مكانك  
ااا
ملحقتش اتكلم او ابرر كان مشي من قدامي ونزل على السلم دخلت اوضه زوجه العمده وانا مصدومه من تصرفه ده وسمعت رزعه باب البيت وصلتني خلتني انتفض ده مچنون! اكيد مچنون!
بصي انا اسف على إنفعالي الصبح ده مكنش قصدي  
عيوني وسعوا وانا بتأكد انه اكيد مچنون ومحتاج دكتور نفسي شاتان بين النهار والليل وشاتان بين ادهم الصبح وادهم بليل  
لا مفيش حاجه  
متزعليش اسف مره تانيه
ابتسمت وهو مشي وانا كملت تحضير ادويه مامته وجنبي داده فتحيه بتغسل المواعين وبمجرد ما خرج إبتسمت
هو ده ادهم لما بيغلط بيتأسف عن غلطه الحمدلله انه مش متأثر بشباب اليومين دول اللي بيغلطوا ويكابروا  
هزيت راسي وانا مشغوله كويس ربنا يهديه
طلعت اديت لمامته الادويه وكنت لسه هخرج وقفتني  
خليكي لحد ما انام ممكن  
اكيد ممكن  
انتي اسمك ايه بقا يا قمر 
إبتسمت أنين  
اه الۏجع كله او الفرح كله او الهدوء والعقل (بصتلي) حبيته  
شكرا  
ادهم كان بيزعق الصبح ليه 
يعني علشان القهوه  
اكيد علشان شغله ادهم مختلف عن والده كتير سواء طريقه التفكير او الشخصيه عمتا يعني مثلا مش عايز يمسك العموديه بعده  
اه  
وانتي بتدرسي ايه يا انين  
إبتسمت بحزن ثانويه عامه  
ماشاءالله خلصتيها يعني 
اه  
و هتدخلي كليه صح! 
سرحت الله اعلم  
ابتسمت بتطبطب علي ايدي ممكن اخلي العمده يتكفل بتعليمك مقابل رعايتي هيوافق بس انتي عايزه تكملي  
انفعلت بحماس اكيد عايزه بس  
قطبت جبينها بإستفهام  
بس إيه  
لا ولا حاجه  
خلاص هكلمه  
لالا متكلميهوش انا مش حابه اكمل تعليم  
ليه بس مش من شويه قولتي عايزه تخشي كليه وتشتغلي بيها (طبطبت على راسي) في زمننا الحالي لازم البنت يكون معاها شهاده علشان محدش يقدر يكسرها بكلمه ودلوقتي انا نعست بس وعد هكلم العمده  
شكرا لحضرتك بس علشان خاطري بلاش تكلميه وتصبحي على خير  
وانتي بخير
خرجت من عندها وانا عندي راحه نفسيه رهيبه هاديه و عاقله تخيلتها بتزعق كتير او غيره سبحانه يسبب الاسباب علشان ارتاح لولا قرار الجواز مكنتش هنا ولا مرتاحه مع اشخاص كدا!
بتفكري في إيه 
ها ولا حاجه  
طيب يلا علشان اوديكي لاوضتك  
حاضر
طلعت ورا دادا فتحيه للدور الاخير من البيت كانت اوضه صغيره بس نضيفه وفيها سرير مريح وتسريحه صغيره ودولاب وكأنها مش اوضه خدامه كأنها اوضه حد من العيله مثلا
ايه رأيك
حلوه جدا  
عجبتك يعني
اكيد عجبتني  
طيب تتهني بيها ان شاء الله ( شاورت على شنطتي جوا الاوضه) جبتلك شنطتك هنا  
تعبتك معايا  
لا يحبيبتي ولا تعب ولا حاجه الخدم كلهم مشيوا وانا هروح محتاجه حاجه 
ثانيه انتي مش عايشه هنا! 
ضحكت لاء طبعا انا ليا جوزي وبيتي واولادي كمان  
بجد تخيلت حضرتك يعني عايشه هنا  
لما بيحتاجوني ببات اه غير كدا برجع بيتي  
اه ماشي  
لو احتاجتي حاجه رني عليا
إن شاء الله
قفلت وراها الباب وانا حاسه بيأس تخيلت انها الشخص اللي هيونسني في البيت! قفلت على نفسي زي ما متعوده بالمفتاح ودخلت الاوضه بدأت ارص حاجتي وبعدها نمت
القهوه 
جاهزه  
ماشي
كان داخل الجنينه وانا داخله البيت وسألني السؤال وجاوبت ودخلت المطبخ جبتله قهوته وخرجت للجنينه واديتهاله
لفيت ضهري وهو ارتشف منها رشفه وكنت ماشيه  
استني  
لفيت
نعم  
ايه اللي انتي عملاه ده 
قهوه  
متأكده  
اه ! 
طب دوقيها كدا  
لا مبشربش مكان حد 
انا قولت تدوقيها يعني تدوقيها
مسكت الفنجان وخدت رشفه بعدها كحيت كتير اكتشفت اني حطيت ملح بدل السكر من الاستعجال الله مهو اللي عايز حاجته تجهز اوام
اسفه هجيب واحده تانيه  
مسح وشه بعصبيه شكلي هتعود اشرب قهوه من برا 
وقف واخد مفاتيحه  
يكون احسن  
رفع ايده ورا ودنه وكأنه مسمعش ! او سمع ربنا يستر  
إيه 
إيه مقولتش حاجه! 
طيب يا  
أنين  
يا أنين بكرا القهوه تجيبها ومعاها السكر وانا احطه اتمني المره دي ميكونش فيها غلطه  
ما تطلبها من الخدامين التانين
طلعت تلقائي مني انا طول عمري بعمل قهوه حلوه وعمامي وبابا كان بيحبها جدا متلخبطتش كدا يمكن علشان كنت بعملها بتأني
معاكي حق وعلشان كدا هوضحلك (اتكلم ما بين سنانه) احنا عندنا ٤ بيساعدونا وانتي الخامسه كان فيه قبلك واحده هي اللي بتعملي القهوه واتطردت ماعلينا من السبب  
قاطعته بتفكير والاربعه ليه مش واحده منهم تعمل القهوه ولا حتى داده فتحيه  
تلاته بينضفوا البيت اول ما نصحي فمش فاضيين وداده فتحيه والباقي التانين بيعملوا الفطار والغدا في نفس الوقت علشان احنا بنتغدي بدري الساعه ٢ يعني  
كملت كلام بتفكير وكأني وصلت للي عايز