اسكريبت (حكايه منة وسليم ) بقلم منه ممدوح البنا

إيه الكلام اللي حضرتك بتقوله دا يا بابا يعني أسافر سنتين أرجع ألاقيني متجوز وأنا معرفش!!
مكانش قدامي حل تاني صدقني منة بنت كويسة جدا وهتحبها مش زي ما إنت فاكر
هو إيه اللي كويسة!
أنا لا أعرفها ولاعايز أعرفها مش معنى إني عاملك توكيل إنك تستغل الوضع دا وتدبسني في جوازة لمجرد رد جيميل لصاحبك على حسابي
سليم! إتأدب وأنت بتكلمني!!

كنت قاعدة بعيد عنهم بتابع كلامهم بمنتهى الانكسار مكنتش مبسوطة من الوضع اللي أنا فيه نهائي ولا كنت راضية عن الجوازة دي ومرة واحدة من شهرين لقيتني بقيت زوجة شخص معرفش عنه غير اسمه ويمكن كام صورة متعلقين ليه في البيت اللي نقلت فيه جديد بعد المشاكل الكبيرة اللي حصلت ليا بعد ۏفاة بابا فوقت على صوته الخشن العالي وهو بيقول أنا آسف يا بابا بس اللي حضرتك بتقوله مفيش بني آدم يتحمله اللي حصل دا دمر حياتي وكل الحاجات اللي كنت بخططلها.
مسحت بكف إيدي دموعي اللي كانت سابقاني على وشي من كرامتي اللي بتتهان قدامي وقومت قربت منهم لحد ما وقفت جمبه بالظبط وهنا ظهر فرق الطول بينا اللي مكانش قليل نهائي واللي خلاني أحس برهبة اكتر مبصش ليا ولا إداني اهتمام وكأني مجرد هوا أما باباه هو اللي بصلي بابتسامة مليانة أسف وقال يا بنتي...
متقولش حاجة يا عمو أنا متفهمة كل اللي بيحصل
كل حاجة هتتحل و...
قاطعته وقولت بقوة كنت بحاول أمثلها أنا اسفة بجد يا عمو أنا سبب المشاكل اللي بتحصل بينكم دي فعشان الخلاف بينكم ما يكبرش أكتر هرجع على البيت القديم وسليم ابن حضرتك يطلقني بهدوء وكأني مكنتش موجودة.
المرادي اتلفتلي وعيونه مليانة شرر وصړخ في وشي هو إيه اللي اطلقك هو الموضوع بقى ماشي على هواكي دلوقتي! أتجوزك وأطلقك من غير ما يكون فيه بني أدم هو اللي مسئول عن تصرفاته ولا خلاص مبقاش ليا رأي عروسة ماريونت بتحركوها زي ما أنتوا عايزين!!
الحقيقة صوته العالي خلاني اټرعبت واتكلمت بسرعة وأنا مغمضة عيوني عشان مبكيش مقصدش أنا...
أنت تخرسي خالص ومسمعلكيش صوت!
سكت ومقدرتش أتكلم أكتر من كدا رغم إن كان جوايا كمية كره ليه من أسلوبه معايا بس عطيته الحق لإن مفيش بني آدم طبيعي هيبقى هادي لو في مكانه..
سليم لو عليت صوتك على البنت تاني أو أذيتها بأي كلمة صدقني هتشوف مني وش عمرك ما تتخيله!
أنا ساكتلك لحد دلوقتي ومتحمل أسلوبك ده عشان صدمتك مش أكتر إنما مش معنى ده إنم تتمادى!
وأنت مفيش حاجة اسمها طلاق ومسمعكيش تقولي كدا تاني مفهوم!
بتهددني عشانها يا بابا!
واكسر رقابتك كمان! ولا تكونش فاكر عشان كبرت وبقيت اطول مني مرتين يبقى خلاص مبقاش ليك كبير!
يعني إيه مش فاهم يعني حضرتك غلطان في حقي وبتهددني!!
سليم!!
لمحته وهو بيضم قبضة إيديه بمنتهى الڠضب بصلي بنظرات مليانة كره وقالحاضر يا بابا حاضر
خلص كلامه وخرج من الأوضة بعد ما فتح الباب ورزعه پعنف خلاني اتنفضت وأنا ببلع ريقي بأعصاب مشدودة ولحظة ما خرج وريحته راحت من الأوضة قدرت ارتاح وأخد نفسي بشكل طبيعي بعد ما كان وجوده طابق على أنفاسي وموترني بشكل كبير مسحت بكف إيدي على وشي كطريقة عشان اقلل الضغط والتوتر وقعدت بإنهاك جمب باباه..
متزعليش يا بنتي سليم عاقل جدا ومبتطلعش منه العيبة بس الموضوع صعب عليه شوية.
ابتسمت عشان اخفف عنه الذنب عارفة يا عمو ومقدرة دا ولو مكنتش مقدرة وضعه كنت ساويت وشه بالأرض عادي.
جملتي الأخيرة خلته