روايه ملاذي الآمن كامله بقلم نوري

لحد النهاردة مبخلش عليا بمعلومة ولا نصيحة وكان دايما واقف في ضهري
راوية سامي طول عمره كدة يحب يساعد غيره من غير حتى ما يطلب والد سيف ونور الله يرحمه كان بيحبه اوي وبيعتبره اعز أصدقاءه 
_ ربنا يرحمه يارب
راوية عرفتيها اوضتها يا نور
نور من بدري يا حبيبتي وعجبتها كمان
راوية معلش يا بنتي إننا خلناكي تضطري تسيبي بيتك واهلك عشان تراعيني في الفترة دي
_ متقوليش كدة حضرتك دة واجبي وإن شاء الله تقومي بالسلامة في اقرب وقت 
نور إن شاء الله
فضلنا نتكلم معاها لحد ما خلصت أكل قيست نبضها وضغطها من تاني واديتها العلاج طلبت من نور تجيبلها المصحف ف سيبناها على راحتها ونزلنا
نور سبحان الله أول مرة تبقى فايقة نوعا ما وتقعد تتكلم كدة وتخلص أكلها كانت على طول يا حببتي مش قادرة ومش عايزة تاكل ولا كانت بتتكلم كدة
_ اسمعي يا نور انا لما جيت هنا كان عشان أنها رافضة تقعد في المستشفى وحابة تكون في بيتها و وسطكم يعني المفروض يكون محاوطها جو تاني خالص لكن اللي شوفته الكام ساعة دول ومن كلامك واضح إن مفيش فرق بين وجودها هنا والمستشفى بالعكس مفيش حاجة بتحصل غير أنها تصحى تاكل بالعافية وتاخد الأدوية وترجع تنام يعني زي ما كان هيحصل هناك بس برعاية افضل لكن طالما هي حابة وجودها هنا يبقى لازم نغير الروتين دة 
نور عندك حق بس نغيره ازاي
_ لازم تقوم من السرير مينفعش تفضل نايمة طول الوقت كدة
نور ايوا بس الدوا بينيمها ڠصب عنها
_الدوا دة اصلا مش هتستمر عليه دة لفترة قليلة بس عشان يظبط حاجة معينة في القلب وبعدة كدة مينفعش تاخده كله هيتغير ف مش هيكون ليه تاثير عليها تاني وبعدين مؤشراتها واشاعتها بتقول إنها في تحسن مستمر
نور ايوا يا ليلى بس هي اصلا بترفض أنها تتحرك من مكانها
_ ما دة بقا جزء من دوري لازم اخليها تتحرك وتمارس حياتها بشكل طبيعي مريض القلب مش طول الوقت بيبقى ملازم السرير صحيح الحركة الكتير والمبالغ فيها بتبقى غلط لكن برضو لازم يمارس حياته عادي وانتي وهمتك معايا بقا
نور ياريت بجد يا ليلى نفسي اشوف ماما قدامي زي الأول وأحسن كمان 
_ إن شاء الله هتبقى بخير
ماميييي
دخل من الباب ولد صغير يجري على نور اول ما شافته شالته على رجليها وفضلت تبوس فيه
نور يا روح قلبي انت
زياد انا جبت جون النهاردة
نور حبيبي اشطر واحد في الدنيا تعالى سلم على طنط ليلى
مدلي ايده مع ابتسامة لطيفة على وشه
زياد اذيك يا طنط انا زياد
_ اذيك يا كابتن زيزو
زياد لسة مبقتش كابتن بس خالو سيف بيقولي اني لما اكبر هبقى زي الكباتن الكبار اللي بشوفهم في التليفزيون
_ بكرا تبقى احسن منهم كمان باين عليك شطور
زياد شكرا يا طنط ليلى
_ لا بلاش طنط دي قولي يا ليلى
بص لمامته يشوف رد فعلها ف هزت ليه راسها الټفت يبصلي من تاني واتنقل يقعد بيني وبينها
زياد هو انتي عيزانا نبقى صحاب
_ طبعا يا حبيبي
زياد طب خلاص انا مش هقولك يا طنط بس مش هقولك يا ليلى برضو
نور اومال هتقولها اية يا زيزو
زياد هقولها يا لولا 
نور اشمعنا بقا
زياد عشان هي قالتلي هنبقى صحاب وانا بحب انادي صحابي بدلعهم
_ اية السكر دة اللهم بارك انت تقول اللي انت عايزه يا روحي 
نور طب قولي يا سيدي خالو فين
انا اهو يا نور كان معايا مكالمة برا
اااة جيه اللي هيعكنن عليا مش فاهمة ازاي دة يبقى ابن الست البشوشة اللي فوق وأخو نور السكرة دي بجد
نور تعالى شوف زياد وليلى انسجموا مع بعض ازاي بقوا أصحاب خلاص
وهي الدكتورة جاية هنا تكون صداقات ولا تشوف شغلها اية اللي مقعدك هنا
_ افندم
متهيألي كلامي واضح ومتهيألي كمان إنك المفروض تكوني فوق مع والدتي ومتسبيهاش لحظة لما من اول يوم وانتي سيباها وقاعدة هنا اومال بعد كدة هتعملي اية لو مش قد اللي انتي جاية عشانه يبقى اتفضلي ارجعي مطرح ما جيتي
مقدرتش اسكت اكتر من كدة على طريقته معايا قومت وقفت بكل عصبية و وقفت قدامه
_ اسمع أما اقولك بقا انا مسمحلكش