روايه ملاذي الآمن كامله بقلم نوري

أبدا انك تكلمني بالطريقة دي لو مش هتعرف تتعامل معايا بزوق يبقى بلاها تتعامل اصلا
انا مشوفتش بجاحة كدة بجد يعني مقصرة من اول يوم ومش عاجبك كلامي كمان 
نور يا سيف ميصحش كدة
_ ما تحترم نفسك يا جدع انت الله معدش غير واحد زيك اللي يعلمني شغلي
مش لما تبقي شايفة شغلك الأول انتي جاية هنا عشان تراعي الست اللي فوق دي لحد ما تقوم بالسلامة وتبقى كويسة لكن اقولك .. انا اصلا مش بالعك من اول ما جيتي ومش عارف ازاي دكتور سامي يرشح واحدة زيك انا هتصل بيه اخليه يبعت واحدة غيرك تكون بتشوف شغلها بجد
_ أعلى ما في خيلك اركبه قال يعني انا اللي طايقة اتعامل معاك اوي دة انت واحد غريب لا تطاق بجد معرفش مستحملينك ازاي
نور يا ليلى .. يا ليلى استني بس
سيبتهم وطلعت على الأوضة الم حاجتي اللي لسة رصاها وامشي بني آدم قليل الزوق بجد ومتعجرف فاكر نفسه مين عشان يكلمني بالاسلوب دة إن ما عرفته مقامه بجد مبقاش انا
نور ليه كدة يا سيف اية الطريقة اللي بتعاملها بيها دي
انتي حسابك معايا بعدين يا نور ازاي تبقي عارفة أنها سايبة ماما فوق وتسكتي لا وكمان مقعداها معاكي وعمالين تتسايروا ولا كأن في واحدة لازملها رعاية واهتمام
نور يا أخي ما تدي فرصة لحد يتكلم بقا هي البنت لحقت اصلا دي مكملتش يوم بحاله حتى ومع ذلك مسابتش ماما وطلعتلها واديتها الدوا وقاسيتلها كل حاجة دي كمان ماما النهاردة وقت غداها قعدت تتكلم معاها ومعايا على غير العادة وكانت فايقة شوية عن كل مرة وباين أنها حباها اوي مكنش له لزوم بجد اللي انت عملته دة أبدا
سكت ومردتش عليها مش لأني غلط لا لكن عشان اللي قالته عن ماما لو طلع صح و وجودها هيجيب نتيجة ولو بنسبة صغيرة هضطر استحمل عشان خاطرها المهم انها تقوملي بالسلامة من تاني سابتني واقف مكاني وطلعت ليها فوق طلعت انا كمان ودخلت لماما اطمن عليها ولحسن الحظ لقيتها صاحية
حببتي عاملة اية دلوقتي طمنيني عليكي
صدقت وقفلت المصحف اللي كانت مسكاه طبعت بوسة على ايدها ف طبطبت عليا
راوية انا بخير يا حبيبي انت كويس
بخير طول ما انتي كويسة بجد
راوية كنت بتتخانق مع جميلة ليه
بصيتلها بأستغراب
مين جميلة
راوية الدكتورة
اسمها ليلى
راوية منا عارفة بس من اول ما عيني شافتها وانا بقولها يا جميلة لأنها زي القمر
قمر بالستر
ضحكت وخبطتني في كتفي بخفة
راوية متتشاكلش مع البنت وسيبها في حالها وبعدين انا حابة وجودها هنا
انتي لحقتي يا ماما
راوية في ناس تحبها من اول ما تشوفها كدة وهي منهم
اومال انا محبتهاش ولا نزلتلي من زور ليه 
راوية مين عالم مش يمكن تحبها بعدين
_ مستحيل دة من رابع المستحيلات بجد
راوية فكرتني بأبوك الله يرحمه المهم ناديها هي ونور
انا مليش دعوة بيها
راوية متتعبنيش بقا يلا عشان خاطري
اتنهدت وقومت من جمبها في اتجاهي لأوضتها
نور يا ليلى اهدي بقا تعبتيني كل ما أشيل الهدوم من الشنطة ترجعي تحطيها تاني 
_ انا مش هقعد هنا دقيقة واحدة 
نور يا ستي حقك عليا انا انا عارفة إن سيف زودها معاكي لكن معلش امسحيها فيا
_ وانتي ذنبك اية ثم إنه إنسان معندوش زوق نهائي وانا يستحيل اقعد معاه في مكان واحد
نور والله اخويا سيف دة مفيش اطيب منه هو بس عصبي شوية
بصيتلها بعصبية ورميت الهدوم من ايدي
نور شويتين تلاتة
ضحكت وقعدت على السرير ف جت قعدت جمبي
نور ايوا كدة اضحكي حقك عليا انا بجد متزعليش انا عارفة أنه مكنش ينفع يكلمك كدة هو بس بيقلق على ماما اوي ومبيستحملش يشوفها پتتوجع
_ انا فاهمة ومقدرة خوفه عليها لكن برضو هو غلطان
نور صدقيني أنا عارفة وبعتذرلك بجد
_ متعتذريش يا نور انتي ملكيش ذنب
نور طب .. هو انتي هتمشي بجد
كانت بصالي وعيونها مليانة رجاء اني ممشيش عشان مامتها اتنهدت وطبطبت على ايديها
_ متقلقيش مش همشي واسيب مامتك
نور بجد
_ بجد
الباب خبط ودخلت منه نفس الست اللي فتحتلي الباب الصبح
نور هانم الست راوية عايزة حضرتك في اوضتها انتي والدكتورة
نور حاضر يا دادة جايين
اتحركنا