إسكريبت لا اريد أن ينتهي بقلم احلام عاصم

شبيه الشئ مبيأذيهوش.
تقصدي إني غدار
ابتسمت و أنا بسيب السکينه على الرخامه حاشا لله أنا قولت كده
تحبي أساعدك في حاجة طيب
وقفت مكاني أستوعب جملته فجاوب على سؤالي من قبل ما أسأله أخدت أجازة ف فاضي ها تحبي أكملك تقطيع البصل إلي تعب عينيك ده
لمعت فكرة إنتقاميه في دماغي ف أتلفت بسرعه أحب جدا.
أتكلم و هو مغمض عينيه بۏجع و دموعه مغرقه وشه أنا داخل على عشرة كيلو بصل كفايه.
بصيت على شكله فصعب عليا ضحكت و أنا بأخد من قدامه حلة البصل إلي قطعها خلاص كدا ده إنتوا رجالة شكائه بكائه بصحيح.
طيب أساعدك في إيه تاني
الأول أغسل وشك عشان عيونك و البصل و بعدها غير على الچرح و بعدها أقعد مكانك متتحركش عشان مش ناقصه لخمه هي.
ده أنا كنت عايز أساعدك.
و أنا مستغنيه عن خدماتك.
أبتسم و هو بيحاوطني بإيده إلي ثبتها على الرخامه بس أنا مقدرش استغنى.
أتوترت أنا و بحاول أبعد طب وسع كده البصله هتتحرق.
هتبطلي تهربي إمتى
أنا 
حتى عيونك بتهرب مني مخصماني دي ولا مره عملتيها.
ما هو الصبر نفذ.
طب قوليلي إيه إلي يخليك متهربيش
لما أطمن.
مكنتش مطمنك
بصيت في عيونه لاء.
بصلي بحزن و بعد و بعدها رجع بصلي بعتاب و بعدين دخل الأوضة
مين يعتاب مين
منكرش إني زين كان حد كويس زوج مثالي بس مش الزوج إلي كنت رسماه فى خيالي مكنتش عايزه حد وقته كله لشغله عشان يوفرلي حياة في طبقه اجتماعيه مريحة قد ما كنت عايزه واحد يجي بعد شغله ينام على رجلي و هو بيحكيلي عمل إيه في يومه مكنتش عايزه حد يأكل إلي يتحط قدامه و هو ساكت قد ما كنت عايزه واحد يفضل يناكف فيا إني السلطة ناقصه ملح و الرز المرة دي معجن و البطاطس محروقة و بعدين لما يلاقيني اتعصبت و هشيل الأكل من قدام يمسك كف إيدي و يبوسه و هو حاطط خده عليه و بيقولي إنه راضي يأكل أي حاجة طالما عاملاها كفوفي كنت عايزه واحد لما تضيق بيه الدنيا يجي يفرد دراعتي و يترمي في حضڼي واحد يشاركني وجعه الكلام إلي شغال تفكيره و مش قادر يقوله قصاد حد واحد يوريني ضعفه و هو مطمن إنه عمره ما هيصغر في نظري أبدا كنت عايزه واحد يطمني بس يطمني!.
كنت معديه من قصاد الأوضة فلفت نظري أنه مش عارف يغير على الحړق لنفسه دخلت بهدوء و أنا بنكشه مش عيب يبقى دكتور بحجمك مش عارف يغير على حړق بسيط ذي ده!
بصلي بطرف عينه فقعدت جمبه و أخدت الغيار منه و بدأت ألفه على إيده بشويش كان بيبصلي ما بين اللحظة و التانيه فرفعت عينيا فمسكته متلبس أضايقت ليه من كلامي
إنت شايفه إنه عادي أسمع من مراتي إني فشلت اطمنها و عادي مضايقش
لاء شايفه إنك تعترف بأخطائك عشان تعرف تصلحها فى علاقتك الجديدة.
علاقتي الجديدة
مهو أكيد بعد الانفصال هتجرب مره كمان مش معقوله تفضل عمرك كله لوحدك.
يعني إنت ناويه تعملي كده ناويه تتجوزي تاني
أكيد ما أنا مش هترهبن يعني.
رمى علبة الأسعافات الأولية إلي كانت ما بينا و هو بيقوم و بيضرب إيده في الحيطه بكل قوته جريت عليه و أنا بمسك إيده إنت مچنون كنت هتكسر إيدك.
أحسن ما أكسر دماغك.
سحب إيده و خد الجاكيت بتاعه وخرج حطيت دماغي