إسكريبت لا اريد أن ينتهي بقلم احلام عاصم

 يعني إنت عايزة إيه دلوقتي
وقفت و أتكلمت بإصرار عايزة أطلق.
ماشي.
خد تليفونه و دخل الأوضة دخلت وراه پغضب ماشي يعني إيه ماشي إنت عايز إننا ننفصل
أتكلم و هو مديني ضهره أنا عايز أعمل إلي يريحك.
يعني إيه ماشي و يعني إيه عايز يعمل إلي يريحني
أنا مش عايزة أطلق لاء عايزة..
بس و لو.. و لو هو يتمسك يقولي مش هطلق أضربي دماغك في الحيط ف أقوم مكسره دماغه بس إيه ماشي دي

لف فشاف قلبة وشي أخد نفس و قرب خطوة أنا مبقتش فاهم إنت عايزة إيه
عايزة أطلق.
ليه
عشان مبقتش مبسوطه.
ده سبب كفايه
كوني تعيسه سبب مش كفايه
ليه.. تعيسه ليه
كټفت إيديا إنت بتستهبل!
لاء بحبك.
قلبي رق إحساس بقالي كتير محستوش ھجم عليا إحساس مكنش ينفع أحسه دلوقتي.
متغيرش الموضوع ده قراري أنا هطلق يعني هطلق.
هتلبسي الفستان الأحمر ولا الأزرق في فرح بسملة
حاسه الأحمر بقى متخني هلبس الأزرق.
كويتي طرحته
ضړبت دماغي تصدق نسيت هروح أغسلها حالا.
روحت خرجت الطرحة من الدرج و قبل ما أخرج ما الأوضة أستوعبت إلي بيحصل فرجعتله إنت بتسرح بيا
مراتي و أسرح بيك براحتي.
حد قالك قبل كده إنك رخم
و حد قالك قبل كده إنك و إنت مټعصبه بيبقى شكلك حلو أوي
رميت الطرحة و سيبته و مشيت دخلت أوضة الأطفال و قفلت على نفسي جاي دلوقتي يقول كلام حلو جاي دلوقتي يفتكر إني المفروض أسمع كلمة حلوة ذي أي ست جاي دلوقتي ليه فات الأوان.
هتخرجي من الأوضة دي ولا أدخل
خليك مكانك إياك تدخل إديني بحذرك.
فتح الباب ف قومت من السرير مخضوضه إيه مفيش ذوق خالص
أنا راجل همجي يا ستي.
و بجح كمان ما شاء الله.
طيب ينفع تكويلي معاك القميص ده
يعني إنت جاي هنا عشان تقولي كده
أبتسم كنت عايزة تسمعي إيه
و بقى بيبتسم كمان ما شاء الله فجأة ضغط الشغل مشي و بقى عارف يبتسم و يهزر ذي خلق ربنا بس تمام ياريت متكررهاش عشان ضعفت موقفي.
أخدت القميص من إيده و خرجت من الأوضة و أنا بحاول أسيطر على أعصابي حطيت القميص على التربيزة و سخنت المكواه فدخل ورايا الأوضة سندت المكواه و أتلفت له و بعدين فيك يا أسمك إيه إنت أنا لا عندي خلق ولا طاقة للمناهده أتفضل أخرج و أنا هخلص القميص و هعلقه مكانه.
جه و أخد المكواه خلاص هكويه لنفسي.
و أنت بتعرف تكوي
لاء بس مش خلاص عايزة تطلقي
أيوه بس ده مينفيش كون إنك بټغرق في شبر مية و أنا مش عايزة حوادث في بيتي لما نطلق و أغور من هنا أن شاء الله أبقى خرج مهاراتك.
أخدت من إيده المكواه فسحبها مني بشدة فوقعت على إيده اټخضيت و أنا برجعها مكانها و بسحبه للحمام مش قولتلك مش عايزة حوادث حرام عليك أديك أتحرقت.
حطيت إيده تحت المية الباردة و روحت جيبت علبة الأسعافات الأولية و خرجت منها كريم ميبو و جيت أخد إيده عشان أحطله المرهم على الحړق فسحبها من بين إيديا ذي العيال و أتكلم بعند و هو بيقفل الحنفيه هاتي هدهن لنفسي.
أخدت إيده تاني بشدة مش وقته إنت دلوقتي بتتألم.
بص لي بعتاب ما أنا فعلا پتألم بس مش ميبو إلي هيداوي الألم إلي حاسس بيه دلوقتي.
كل چرح و له علاجه و علاج حرقك دلوقتي ميبو.
و چرحك إيه علاجه
مش