حكايه (ميرا وياسين) كامله بقلم الشيماء محمد

ليه وافقتي 
نطق الجملة بعد ما كتبنا الكتاب من شوية ويادوب المأذون قال بارك الله لكما وبارك عليكما وجمع بينكما في خير ولقيته بياخدني من إيدي في وسط الناس وبيستأذن نقعد أنا وهو على إنفراد وفجأة لقيت نفسي هنا قاعدة أنا وهو في الجنينة الصغيرة إلي ورانا بيتنا وعاملة زي التلميذ إلي مستني عقابه عدا وقت معرفش قد إيه بجد! لحد ما نطق الجملة ديه وقطع بيها الصمت إلي كان محاوطنا..رفعت عيني ليه بعد ما قال الجملة لأنه راسي صدعت من كتر ما بصيت في الأرض من ساعت ما جينا وعشان أشوف ملامحه وهو بيتكلم معايا يا ترى زعلان ومضايق ولا ملامحه هادية!

وزي ما توقعت ملامحه هادية وقاعد مريح ضهره على الكرسي وحاطط إيده على جمب وشه اتكلم لما لقاني ساكتة ومش معاه خالص كأني في عالم تاني وقال بصوت عالي شوية عشان يفوقني أنا سألتك سؤال مش محتاج كل التفكير ده كله أعتقد!
فوقت على نبرة صوته ورديت بهدوء هتفرق معاك الإجابة
رد بعد ما طلع قدام وسند إيده على رجله وقالي أه هتفرق جدا هيفرق معايا أعرف السبب إلي خلاك توافقي بواحد كان متجوز قبل كده لا ومعاه طفل عنده ٤ سنين ايه إلي يخلي واحدة أول مرة تتجوز تقبل بالوضع ده
ابتسمت بهدوء لأنه رغم إنه إتجوز وخلف بس ولا مرة أخد باله من عيني إلي بتلمع أول ما تشوفه وإلي عمرها ما بقت مطفية غير بعد ما أتجوز رديت عليه وقولتله كلمة واحدة بس فرصة كويسة.
قالي وهو بيقف وبدأت العصبية تبان عليه فرصة!! يعني شيفاني إني فرصة كويسة وبس!!
رديت عليه بهدوء أنت فرصة كويسة لأي حد يا بشمهندس مروان أي بنت هتوافق على حضرتك اه مستغرب إنه أنا أول مرة أتجوز ووافقت بس إيه العائق إلي يخليني موافقش عشان عندك طفل يعني! أعتقد لو حضرتك شايف إني مصلحش أكون جزء من تربية ابنك مكنتش هتوافق برضوا
بس ممكن نعكس السؤال وبدل ما يكون ليا يبقا ليك وأسألك أقولك إشمعنا أنا!
اټصدم من سؤالي وقعد بعد ما كان واقف واتنحنح وقالي عشان والدتي هي إلي رشحتك وكمان عيلتنا تعرف عيلتك من زمان وأنا صاحب كريم أخوك وزي ما قولتي أكيد هتقدري تكوني جزء من تربية ابني.
سكت وأنا بهز راسي على المحادثة التقيلة من ناحيتي وناحيته وكل واحد فينا بيقول كلام هو أصلا بيحاول يقنع نفسه بيه إنه صح لأنه كل واحد فينا مخدش الإجابة إلي تريحه.
ولتاني مرة يقطع الصمت بس المرادي كان شكله هيقول كلام مهم اتنحنح وقال بصوت هادي ميرا
بصتله أول ما نطق إسمي وافتكرت لما كان بيناديني وأنا صغيرة بحكم إنه كان صاحب كريم أخويا كان في فرق ٥ سنين بينا هو كان شايفني صغيرة وأنا كنت شيفاه فارس أحلامي ورغم إنه مكنش في حاجة من ناحيته تخليني أتعلق بيه ومع ذلك اتعلقت بيه وجدا هو وكريم أخويا دخلوا كلية الهندسة سوار واتخرجوا سوا وبعدها كل واحد شاف طريقه لحد ما من خمس سنين بالظبط عرفت إنه خطب!
بعدها بكام شهر اتجوز وسافر ومن بعدها اتقطعت الأخبار بالنسبالي لكن كان دايما يكلم كريم أخويا ومن سنة ويمكن أقل عرفت إنه زوجته اټوفت ورجع هو وابنه هنا ابنه عنده ٤ سنين واسمه ياسين ومن فترة فجأتنا والدته بزيارة وعرفت إنها طالبة إيدي لأبنها وفهمتنا ظروفه ووافقنا ويمكن هما وافقوا عشان هو فرصة لا