إسكربيت (حكايه إيلول) بقلم مريم منصور
ديله علشان كلنا خبزينه وعجنينه سوا.
- مش ناسي اني اتربيت هنا ولا هقدر انسى الفضل اللي شوفته لكن بكره اللي بشوفه هنا.. الدنيا والعالم كله بيتطور من حوالينا ولسه انتم علي حالكم لسه ماتغيرتوش ولا حاولتوا تتغيروا.
- ونتتغير ليه حد شكالك!
- الشكوي باينه زي الشمس والتعب مصاحب الملامح ومش محتاجة حد يجي ويقول لأن انا عارف وانت عارفه وكلنا عارفين وفاهمين بأن هنا مافيش حقوق..ومازال التعليم مش معترف بيه ولسه العيال الصغيره مستمر هالكها في الغيط ولسه شغل الغيبه والقالوالقويله بتعملوه لسه الخبث في البيوت ومعشش في قلوب الحريم اللي بتسلط اجوازاتهم ينهبوا ورث بعض ده يا شيخه حتى جواز البنات القاصر لسه بيتعمل بالرغم من القوانين والقضايا اللي ناقشت مصېبه كبيره زي دي ولسه العقول زي ما هي وقليل اوي اللي بيعرف ينجد من الجهل ده.
ضحك بأستهزاء
- بس سمموا بدنك بالكلام وبصمولك بالعشره انك عنستي خلاص وقطر الجواز فاتك ويمكن داس عليك هو ده فكرهم وهو ده اللي بيتقال ليك ولغيرك سواء من كبير في العمر زي ستي او جدي..
رجع بصلي بتساؤل وقرب خطوه
- لكن تقدري تقوليلي ليه بنت في العشرينات زيك يعني نفس جيلك وعاصرت التغير اللي بيحصل من حواليها ولسه بتفكر زيهم! مبررها ايه علشان هي كمان تقلل من اي بنت قررت عدم الجواز في السن ده! تقدري تقوليلي ليه في بنات في الأعداديه شاغلين بالهم بالجواز وبتجهيزاته! وليه اصلا في امهات بتخش على بناتها اللي ميفقهوش اي شئ في الحياه بالفوط وملايات السرير مسميات الجهاز بدل ما تخش بالكتب والكشاكيل! ده نهيكي عن الاولاد اللي عمرهم بيروح هدر في الارض والسقي والعزق وكتير من ده لكن تقدري تجاوبيني وتقوليلي ذنب البنت اللي قبلت بالجواز قبل سن العشرين وهي مش فاهمه حقيقه الواقع اللي مستنيها! ويوم ما اټصدمت بالواقع المر وفاقت منه ومش في ايدها غير حل الطلاق لكن ماعرفتش علشان في نظر الدوله هي متجوزه بعقد عرفي فبضطر تصبر وتستحمل لحد ما تتم السن القانوني ويا عرفت تطلق وتاخد كامل حقوقها ويا معرفتش والأغلبية بيعشوا قهر الاحتمال التاني..
- وماسكه في اللي بيتعلم وبيروح الجامعه وهم بيتعدوا على الصوابع وجيل بحاله بيضيع من الفكر غلط وما بقولش ان الواعي يمشي ولا يسيب كل حاجه وراهه بس هنا في غلط كبير ومهما الزمن يطول عمره ما بيتعالج ولا بيتداوى.
- وعارف! عمره ما يتعالج لأن دي عيشتنا وهي دي حياتنا ارضنا وحالنا ومالنا احنا اللي لازم نراعيه و دي عيشه الفلاح ومن غيره مش هتقدروا تعيشوا ولا تأكلوا نفسكم احنا السبب واحنا اللي عملناكم والفلاح هيخلف فلاح علشان يحصد ارضه ويراعيها مش هيروح يجيب غريب يوالي ارضه وماله ولا بعد ما يربي ابنه ويعلمه ويكبره يفوته ويتنك ويتعالي على عيشته! دي تراتيب ربك واحده وهي دي حكمته ابن الفلاح هيفضل علي نهج أبوه وارض هتتسلم من ايد لأيد وأصول شغلانتهم بيعلموها لكل جيل علشان يفضلوا سايبين اثرهم وخيرهم سابق ومغرق الكل.
- انا ما تعالتش ولا اتكبرت على ابويا يا أيلول عشان تلقحي بالشكل الهزيل ده!.. بالعكس كل الفضل بنسبه له ولولا هو اللي قالي اتعلم وفي كل مره كنت بلحقه وبروح وراه على الارض بنيه المساعده كان يزعقلي ويقولي الايد دي اتخلقت علشان تمسك قلم مش تمسك فاس ولا منجل ويوم ما تتفنن وتتعلم حاجه يبقى على ورق ملموس مش على تراب كان بيقولي ويوم ما تدرس شيء يبقى بذرتها وتعبها عليه علشان تجنيه وهي فاهمه واثقه من نتيجه زرعها وانا مؤمن بيك وبعقلك وعايزك احسن واحد ومحقق اللي ماعرفتش احققه.. قالها وما زال بيقولها انا ما لقيتش اللي يوجهني صح ويفهمني بس انت لقيت فأوعي تبخل على نفسك واسعي وسيبها لربك.
- ماكنش قصدي تفهم كده بس انت على الاقل لقيت اللي يقولك لكن غيرك ملقاش فما تحملش ولا تلوم.
- و بالله عليك مش حرام كل جيل يطلع زي اللي قبله مافيش حد واعي كفايه علشان يوعي الباقي! كل اللي طلبه على الاقل يبقى في كل بيت اب واعي كفايه او ام و بكره يوعوا عيالهم وعيالهم يوعوا اللي بعدهم وكذلك هي دايره ومحتاجين نكمل حلقاتها بالشكل الصح مش بالفراغ ده..
- ومعاك حق الفلاح لازم يعلم اصول مهنته لعياله لأن هو ده اثره وورثه بس مش من الطبيعي اني اجيب خمس ولاد ولا اربعه مثلا طالعين بنفس النهج والفكر متخيله
مش من الطبيعي لو عندي بنت ولا ثلاثه اجوزهم قبل السن القانوني واستثمرهم في كده متخيله كميه العبث! ده اكبر اثبات بأن كل جيل لسه واقف زي اللي قبله بل واسوء.
- وما دام بنطلع واحد ولا اتنين فاهمين بيمشوا ويفوتوا الجهل وراهم ليه من غير ما يصلحوه
- لأن مافيش امل لسماع النصيحه مش العمل بيها.
عقدت حواجبي بعدم اقتناع
- دي حجه ما برضو هناك في مصر اللي عايز يتقدر بيطلع علي الغرب واللي عايز فلوس بيطلع علي الخليج بالرغم المفروض انكم تفيدوا هنا الاولانتم بتضحكوا على نفسكم ولا علينا! كل واحد عايز ينفذ بجلده واهم حاجه مصلحته اما الباقي واخدينهم كبري لأجل توصلوا اللي بعده.
اتنهد بضيق
- انت ليه بتقوحي! ليه مصممه على عنادك ده
وقبل ما ارد عليه عمتي اتدخلت
- نهار طين علينا يا ولاه الليله زمنها اتفضت وانتم عاملني مكتب مناقشه!
بصتلي - وانت اتهدي شويه علشان مبركش عليك..يلا بينا يا سيف.
استجاب لطلبها ومشيوا فقعدت جنبها بتساؤل
- هو مين الصح يا ستي احنا ولا هو
الجميع في القاع وجميعنا مستسلمون
- الحلو رايح فين
شاورت بعيوني على الصينيه
- رايحه اودي الأكل للجماعه.
- قايمه بدري مش النهارده مش عوايدك.
- وانت مش عوايدك تطلعي الصبح تكنسي قدام البيت
رفعت اكتفها - حكم القويامي مصحياني من النجمه.
- زيي ابويا من الصبح شغال يرن علشان الفطار يجيلهم.
- صدقي لمحتهم وهم رايحين الغريبه كان معاهم سيف.
- ما هو السبب لازم نودي الفطار بدري علشانه قال ايه يا حبه عيني ما تعشاش امبارح وانا مال امي واحد ونام من غير ما ياكل ذنبي ايه!
ضحكت بصوت عالي
- تحسي اكنك اخذتي ورقه النصيب اللي بتيجي مره واحده في العمر دي ومن بختك طلع اسمه فكل حاجه في حياتك بتتمحور حوالينه.
- من بختي المنيل والعجيبه بيوصوني على ترمس الشاي بالنعناع علشان حضرته بيحبه ويرضى عنا.
- وهو فين الترمس ده
ضغطت على اسناني بغيظ
- هيجي مع ستي وعمتي اصل هيجوا الغيط وهيعملوا جو شاعري اسري وسط كيزان الدره علشان حضرته مفتقر اللمه دي.
- مش ستك منعت تروح الارض لأنها
