اسكريبت (حكايه منة وسليم ) بقلم منه ممدوح البنا

غمضت عيني بړعب فابتسم هو بثقة واتكلم جمب ودني أنا ماشي وسايبهالك خالص
وبعد تاني بمنتهى البرود ولا كإنه عبث بمشاعري من ثوان!
اتحرك عشان يمشي ففتحت أنا عيوني بسرعة واستدركت نفسي وقفت واتكلمت بجرأة معرفش جبتها منين على فكرة الهرب عمره ما هيبقى حل زي ما أنت فاكر ولا تكونش پتخاف مني!
وقف مكانه واتلفت ورجع خطواته تاني ومن عيونه اللي بتقيد شرر عرفت إنه ھيدفني النهاردة وفعلا إتكلم وهو پيصرخ في وشي أنت عايزة إيه مني ها عايزة إيه!!
على فكرة أنا ممكن أروح أقول لعمو دلوقتي إنك بتزعقلي ساعتها هيوريك الوش اللي عمرك ما شوفته
أنت عبيطة
فهميني أنت عبيطة ولا عقلك دا فين بالظبط!
عقلي جوا راسي عادي هيكون فين يعني هيهرب!
ماهو بالشكل اللي قدامي دا فهي هربانة منك خالص من غير حاجة!
حطيت إيدي في وسطي قصدك إيه يعني إن أنا مچنونة!
اقفي عدل
رد عليا قصدك إيه
اقفي عدل بقولك!
اټخضيت من صوته العالي وفعلا اتعدلت في وقفتي بقولك إيه عرفنا إن صوتك عالي مش لازم تسمعنا صياحك كل شوية يعني!
صياحي!
وبعدين يكون في علمك ما تفتكرش إني ست ضعيفة مکسورة الجناح لا ميغركش أنا سكتلك إمبارح بس عشان أنت راجل جاي من طريق سفر غير كدا كنت ساويت وشك بالأرض!
بصلي پصدمة كانت واضحة لحظات ولقيته ماسك وشي بإيديه وبيضغط جامد عليه وهو بيقول ساويتي وش مين بالأرض يا شبر واقطع أنت وبعدين هو لسانك دا إيه مبيبطلش قر شغالة لك لك لك لحد ما جيبتلي صداع!
زقيت إيديه پعنف بعد ما حسيت پألم شديد من قبضته لدرجة إني دمعت فبعد هو بخضة وقال أنا...مكنتش أقصد أوجعك
إيديك دي لو اتمدت عليا تاني هقطعالك وهقسملك دماغك نصين متفتكرش إني ست ضعيفة مکسورة الجناح وانت هتعرف تتكاتر عليا لا ميغركش ماهي عمرها ما كانت بالطول والأحجام على فكرة ولو فاكر إن.....
قطع كلامي بكف إيديه اللي سد بيه بؤقي بصيت پصدمة على إيديه وبعدين في عيونه القريبة مني أما هو فاتكلم هششش شوية هدوء بالله عليكي دماغي ھتنفجر من بؤقك اللي مبيفصلش!
للحظة ساد الهدوء بينا كانت نظراتنا اللي منفصلتش هي اللي بتتكلم عيونه كانت بتغرقني كل ما اتعمق فيهم أكتر لدرجة إني حبيت إني أتأمل فيهم حسيت بمشاعر غريبة أول مرة تتملكني مشاعر لذيذة لذيذة جدا!
حسيت بإيده ارتعشت على شفايفي كإنه كان بيعاني من نفس المشاعر اللي حسيتها واتهزت عيونه اللي كانت مثبتة غليا بتوهة بعد كف إيديه بهدوء عني فاتكلمت بصوت هادي وكإنه بحاول اخرج نفسي من الحالة دي هتكتم نفسي منك لله
كل حاجة بتبقى تمام لحد ما تبدئي تتكلمي
خد في بالك إنك عمال تهين فيا وأنا ساكتة!
ساكتة أنت بعد دا كله وساكتة!
أنا مقولتش حاجة على فكرة متتبلاش عليا
بعد شوية ومسح وشه بكف إيديه وهو بيقوليارب امنحني الصبر يعني اتجوز من غير ما اعرف واللي اتجوزتها تطلع متخلفة!
أنا زيي زيك يا سليم مجبرة على الجوازة دي صحيت ولقيت نفسي لازم اتجوز وإلا اخوالي هياخدوني معاهم وهيرموني لأي حد بعد ۏفاة بابا عشان بس ميراثي واتجوزت واحد لا أعرفه ولا يعرفني وسيبت بيتي ودنيتي وحياتي وأصحابي وقعدت في بيت غريب لزوج مش طايقني وكارهني لإنه هو كمان أجبر على الجوازة دي أنا معاناتي في الجوازة دي متقلش عنك فبلاش نجرح بعض أحسن يا بشمهندس...
سيبته ومشيت