روايه ملاذي الآمن كامله بقلم نوري
لأوضة مامتها دخلنا ولقيته قاعد جمبها وقفت مكاني وحاولت اتحكم في اعصابي عشان حالتها متسوئش
راوية تعالي يا حببتي قربي
قعدت انا ونور جنبها من الناحية التانية مسكت أيدي ف بصيتلها
راوية القمر زعلان مننا
_ لا أبدا محصلش حاجة
راوية انا سمعت كل حاجة من هنا حقك عليا وسيف هيعتذرلك كمان
كان بيبص لمامته پصدمة وكأنها فاجأته غمض عيونه وحاول يتحكم في أعصابه وبعدين بصلي كنت حاسة أنه عايز يخبطني بحاجة لا مش حاسة انا متأكدة
_ حصل خير
نور خلاص صافي يا لبن
_ ايوا بس بعد اذنكم ميعلقش على اللي بعمله تاني
يا صبر ايوب
نور خلاص بقا هتفضلوا ناقر ونقير كدة
انا رايح على اوضتي هتعوزي حاجة يا ست الكل
راوية سلامتك يا حبيبي
بصلي بطرف عينه وبعدين خرج اوف أخيرا كان كابس على نفسي بشكل الټفت لمامته اللي كانت بتقاوم النوم
_ اية رأي حضرتك تقعدي معانا شوية
_ لا تنامي اية دي السهرة صباحي ونور هتنزل تعملنا سندوتشات وعصير دلوقتي مش كدة ولا اية
نور من عنيا فوريرة
_ اومال فين زيزو يا نور هاتيه يقعد معانا
غمزتلها بعيني أنها تسرع عشان نعمل اللي اتفقنا عليه معاها ف خرجت تجري قومتها بشويش تقعد على السرير وسندت ضهرها على مخدة مريحة
_ مقولكيش بقا على زيزو بقا صاحبي خلاص
_ بس جميل بجد
راوية انتي اللي تتحبي
_ شكرا بجد دة من زوق حضرتك
قعدت اتكلم معاها وافتح مواضيع عشان متنامش وتفضل صاحية شوية وجت نور وزياد ومعاها سندوتشات وكوبايات عصير لينا كلنا كنت متأكدة إن وجود زياد هيساعدني اكتر ودة اللي حصل فعلا كان مبسوط أنها قاعدة معاه زي الأول ومش نايمة زي كل يوم ودة خلاه هو كمان يحكيلها كل اللي حصل معاه في غيابها عنه والقعدة بقت بينهم بس وفضلت انا ونور نتفرج عليهم ونبتسم عدى وقت لا بأس به ف محبتش اضغط عليها اكتر من كدة اديتها الدوا وغطيتها عشان تنام وترتاح و وصيت الممرضة اللي معاها لو حصل اي حاجة ترن عليا تصحيني خرجت و ورايا نور وهي شايلة زياد اللي كان في سابع نومة
_ تعبت اية بالعكس دنا لسة معملتش حاجة لسة التقيل جاي ورا
نور بجد أنا مبسوطة باللي قدرتي تعمليه النهاردة ولو لجزء بسيط بجد شكرا ليكي
_ متقوليش كدة يا نور دة واجبي
نور تصبحي على خير يا حببتي
_ وانتي من اهل الخير
دخلت اوضتي واتجهت للسرير افرد جسمي عليه مسكت موبايلي اللي كنت سايباه هنا من اول اليوم لقيت كم مكالمات ومسدچات من منة رهيبة اكيد قلقت عليا لما مردتش من الأول اتصلت بيها وطبعا اول ما فتحت صړخت في وداني
_ يا بنتي اهدي اهدي انا كويسة لازم ټصرخي يعني
منة قلقت عليكي يا اللي ما عندك ډم فينك كل دة ومش بتردي ليه
_ انا كويسة الحمد لله وبعدين هيكون مين اذاني يعني
منة اټخضيت عليكي وافتكرت ادهم جيه في سكتك تاني
قلبي اتقبض اول ما نطقت اسمه
منة يا عيوني مټخافيش إن شاء الله مش هيقرب ناحيتك تاني ولو حصل وظهر بلغي عنه
_ ربنا يستر
منة متقلقيش قوليلي بقا عملتي اية النهاردة
_ اة على اللي حصل واللي عملته لو احكيلك مش هتصدقي بجد
منة اية احكي بسرعة
_ تدفعي كام
منة يا بت متثيريش فضولي يا بت احكي
_ فاكرة البني آدم قليل الزوق اللي وقعت عليه القهوة في المستشفى
منة ابو الفصادة دة ماله
_ تخيلي إن هو يطلع ابن الست اللي جاية اعالجها
منة اية بتهزري قولي انك بتهزري بجد
_ والله ما بهزر
منة وعملتي اية
_ في الأول اټصدمت بس سكت قولت اكيد مش هتخانق معاه في بيته بس هو اللي اټخانق
منة قالك اية اللي عايز قص لسانه دة
حكيتلها كل اللي حصل من اول اليوم لحد الخناقة اللي حصلت من شوية
منة اة يا ابن ال..... مقولتليش ليه كنت جيت اديته على
