روايه وقعت في حب خادمتي بقلم فرح القصاص مكتملة الجزء التاني
عندي بيت امي انا وانتي هنروح نقعد فيه هو بعيد اووي عن هنا يعني اخوكي وصاحبه مش هيوصلو لينا خالص.
جهاد بحزن
بس انتي ذنبك ايه تسيبي بيتك عشاني انا هرجع عنده وو..
نورا پحده
ترجعي فين يا بت انتي ده اخوكي جابلك واحد حيوان للبيت والله واعلم هيعمل ايه اكتر من كده وبعدين مش انتي بتقولي انك مالكيش غيري بعد ربنا انا بقي اعتبرتك بنتي فيلا بقي روحي اعملي زي ما قولتلك..
حاضر يا طنط نورا هروح اجيب حاجتي من هناك..
_ وقامت فعلا جهاد وراحت شقة اخوها وجابت حاجتها وقبل ما تطلع من اوضتها افتكرت اللي حصل بالليل واتملت عيونها دموع بحزن وقالت لنفسها...
جهاد
كابوس مجرد كابوس وهنسااه واكيد هقدر اكمل حياتي بعد كل اللي حصل
ده اكيد هقدر..
_ فضلت تقول لنفسها كده لحد ما وصلت بيت نورا القديم وكان بيت بسيط جدا ونورا قالتلها اول ما دخلوو..
انا كلمت الحج المنشاوي واخدتلك اذن النهارده عشان نروق الشقه دي..
جهاد
انا اسفه بس الشقه دي قديمه اووي وكمان عايزين شهر عشان ننضفها..
نورا
همتك معايا وهنخليها ولا الثريا وبعدين احنا هنظبطها لما ناجر الشقه التانيه وانتي تشتغلي هنبقي نعمل اللي نفسنا فيه..
ابتسمت نورا وهي بتحضنها وردت عليها
ده انا اللي بشكرك انك بقيتي ماليه عليا حياتي يا جهاد..
بقلم_الكاتبه_رحاب_القاضي
_وتاني يوم الصبح في بيت جميله..
كانت قااعده بتفطر وقالت لمامتها..
جميله
برضو عمي ما قالكيش هو جاي عايزك في ايه..
فريده
لا ما قالش بس تفتكري هو ممكن يكون جاي خلاص عشان نقسم وكل حد ياخد ورثه..
مين عمي احمد ليه القيامه قامت يا ماما عمي احمد لو الجنيه كله من جيبه بيزغرت..
ضحكت فريده وقالت
ههههه طيب كفايه اكل يلا وروحي علي شغلك عشان ما تتاخريش..
جميله
لا لسه ما شبعتش ولسه بدري.
فريده
يا بت كفايه احنا علي الصبح بطنك هتوجعك وترجعي ټعيطي..
جميله بغيظ
جرا ايه يا ماما هي كانت بطني اشتكتلك مثلا..
عمار
انا تحت يلا عشان هنروح مع بعض الشركه..
فريده بخبث
اسمه ايه اللي خلي ضحكتك من الودن للودن يا جوجو..
جميله قفلت الفون بسرعه وقالت
هاا لا ده جروب الشغل وكده انا همشي بقي عشان ما اتأخرش..
فريده
انتي مش لسه جعانه اقعدي كملي اكلك انا لهزر معاكي..
لا شبعت وبعدين هفطر مع فيروز في الشغل تاني..
ابتسمت فريده وقالت
طيب وابقي هاتي فيروز معاكي النهارده عشان تتعرف عليا وعلي اختك..
طلعت في الوقت ده ايتن وقالت
هي مين دي اللي اتعرف عليها...
فريده پحده
انتي ايه اللي طلعك من اوضتك يا بت خشي ذاكري..
ايتن بغيظ
رايحه الحمام يا ماما والله وراجعه تاني..
ضحكت جميله وقالت
ههههه ياااه ده الحمد لله وعديت مرحلة الثانويه دي..
فريده
امشي انتي كمان علي شغلك انتي لسه واقفه..
ايتن غمزتلها وقالت
ابقي سلميلي علي عمو عمار يا جوجو...
_ مشيت جميله بسرعه ونزلت تحت لقيت عمار واقف بعربيته قدام بيتها ركبت جنبيه بسرعه وقالت..
جميله
والله العظيم انت ناوي ټفضحني وتخلي ماما تعملني كفته امشي بسرعه بقي..
عمار ببرود
لا مش همشي بصراحه فرصتي وهستغلها..
جميله بقلق
تستغل ايه ماما لو طلعت البلكونه وشافتك هتخلي يومك ويومي اسود..
عمار
ده ياريت عشان اخطبك منها رسمي واخلص.
جميله بغيظ
لا وانا عليا ايه انا هنزل اخد عربية ماما وانت خليك قاعد براحتك..
عمار بجديه
بصي يا جميله انا هكبر دماغي وهبرر هروبك من انك تحكي اللي بينا لمامتك هو انك خاېفه من رد فعلها مش حاجه تاني واتمني ما تكونش في حاجه تاني ومخبياها عليا...
جميله بهدوء
طيب ممكن نمشي الاول وانا هبقي افهمك كل حاجه بس لا ده وقته ولا مكانه يا عمار..
عمار بهدوء
خليها يا عموري مش عمار واما همشي علي طول..
جميله ابتسمت وقالت
والله الحاجات دي بتطلع لوحدها يعني مش بايدي..
عمار بهدوء
براحتك خالص خليكي بخيله عليا براحتك وانا علي قلبي زي العسل برضو....
_ ضحكت هي بهدوء وبعدين اخدها وراحو الشركه واول ما وصلو هناك جميله قالتله..
جميله
خلي كل واحد فينا يدخل لوحده هيكون احسن معلش.
اتنهد عمار بضيق وقالها
انتي تعرفي اني ما بحبش اسوق العربيه وجيت بيها عشانك الصبح وبقول حاضر علي كل اللي عايزااه بس لامتي بقي انا هيفضل يتقالي لا يا جميله..
جميله
وللمره
التانيه بقولك ان لا ده وقته ولا مكانه يا عمار..
عمار بضيق
ما انا هتجنن بصراحه منين بتحبيني ومنين مش عايزه حد يعرف باللي بينا.
جميله پحده
الله ما انا قولتلك بعدين نتكلم ولا انت اكمنك واقف قدام الشركه بتاعتك هتستقوي عليا ولما كنا قدام بيتنا مشيت علي طول..
بصلها عمار پغضب وقال
مش عايز افهم حاجه يا جميله..
_ قال كلامه ونزل من العربيه وهي نزلت ورااه ودخلت الشركه وهي مدايقه ووقفها مهاب وقالها.
مهاب
كويس انك جيتي يا جميله ها عملتي ايه في الموضوع اللي قولتلك عليه..
_ في الوقت ده كان واقف عمار عند الاسانسير وبصلهم پغضب وبعدين طلع فوق وهو مدايق جدا وقابلته فيروز وقالت..
فيروز
حمد لله علي سلامة حضرتك يا عمار بيه..
عمار پحده
بلغي جميله لما تطلع تجيلي علي طول..
فيروز
حاضر.. هجيب لحضرتك القهوه ولا فطار..
عمار وهو داخل مكتبه
لا مش عايز حاجه.
دخل مكتبه وبعد شويه جات جميله وقالت
صباح الخير..
فيروز
صباح النور هو انتي مزعله عمار بيه في حاجه..
جميله بحزن
تؤتؤ هو اللي مزعلني..
فيروز
ايه الثقه دي علي العموم ادخلي هو عايزك..
جميله بقلق
هو كان متعصب اووي..
فيروز
اوووي اول مره في حياتي اشوفو كده..
جميله بقلق
طيب تعالي ادخلي معايا..
فيروز
هو انا ناقصه ادخلي وانا لو لقيتك اتاخرتي جوه هعمل نفسي جايه اقولو مواعيد النهارده وادخل..
جميله بقلق
اووف بقي هات العواقب سليمه ياارب.. استرها معانا يااارب..
_دخلت جميله وكان هو واقف عند الشباك وشكله فعلا مدايق وقبل ما تتكلم جميله هو قال..
عمار
مهاب كان عايزك في ايه ومش دلوقتي بس المره اللي فاتت كمان..
جميله بهدوء
موضوع كده هو محلفني ما اقولش عليه لحد..
عمار بصلها پحده وقال
انطقي يا جميله والا والله هببقي اخر يوم ليه هنا..
جميله بضيق
هي ايه الطريقه دي لا علي فكره انا مش بحب كده ومش بحب حد يزعقلي.
عمار بعصبيه
طيب ما تقولي كان عايز منك ايه وانا مش هزعقوالمفروض اصلا ان من غير ما اسأل انتي تيجي وتحكيلي..
جميله بضيق
احنا لسه ما بقاش بينا حاجه رسمي عشان تتعامل معايا كده علي فكره وحتي لو كان مش من حقك..
عمار قرب منها بغضي وهي ىجعت لورا وقال پغضب
والله العظيم لو ما اتعدلتي يا جميله لاكون رايح لاامك وقايلها كل حاجه..
جميله ابتسمت پخوف وقالت
كده برضو يا عموري ده انا حتي اهو كنت جايه اقولك بس اوعدني الاول ما تقولش لحد..
عمار پحده
اخلصي يا جميله الواد ده كان عايز منك ايه..
جميله بصوت واطي
معجب بفيروز وعايزني افاتحها في موضوع انه يروح يخطبها..
عمار ابتسم وقال
احلفي..
جميله بغيظ
بقيت مبسوط دلوقتي انت لما فتنتلك علي الواد..
عمار راح قعد علي مكتبه وقال
طبعا وبعدين مدام الموضوع بعيد عن حبيبتي يبقي ما يخصنيش..
_ ابتسمت جميله وهو كلم فيروز وقالها تدخل وجميله برقت وقالتله..
جميله
اوعي تكون هتقولها والله ازعل منك يا عمار..
دخلت فيروز وقالت
تحت امرك يا عمار بيه..
عمار بجديه
بصي يا فيروز عزالدين ريان هيمسك منصب نائب مدير الاداره مكان زكريا وطبعا هو جديد وانا عايز حد يكون ثقه معاه اعرف كل حاجه بيعملها مش هنخونه في حاجه بس زيادة امان..
فيروز
تمام يا عمار بيه بس المكتب هنا يعني جميله هتبقي لوحدها..
عمار بهدوء
انا هتصرف ما تقلقيش المهم روحي تابعي بقي اللي قولتلك عليه وسيبي كل حاجه تخص مكتبي لجميله.
فيروز
حاضر.. بعد اذن حضرتك...
طلعت فيروز وجميله قالتله
انت لو ناوي تخليني امسك المكتب لوحدي يبقي بتحلم انا لسه والله بتعلم وكل يوم بكتشف حاجات جديده..
عمار بهدوء
طبيعي انا نفسي لحد النهارده لسه بتعلم حاجات جديده وهفضل كده ديما عشان ابقي التوب.
جميله
ماشي يا عم نجيب سويرس
انا مش هبقي اد المسؤليه دي..
عمار
عارف وعشان كده هيبقي معاكي زكريا اخويا لحد ما الاقي سكرتيره كويسه وامشيكم انتو الاتنين..
جميله پحده
نعمم هتمشيني!..
عمار بخبث
طبعا مش هنتجوز وممكن وقتها اخليكي سكرتيره خاصه بس في البيت..
اتكسفت جميله وطلعت من عنده ولقست فيروز يتجمع في حاجتها عشان هتمشي..
جميله
ساره مكاتب هتقطعي بيا..
ضحكت فيروز وقالت
هو انا مهاجره ده انا هبقي في المكتب اللي جنبك.. المهم ما تعرفيش عمار بيه هيجيب مين تساعدك..
جميله
لا هيجيب زكريا اخوه تقريبا عايز يعلمه الشغل وكده..
فيروز پصدمه
يعلم مين يا جميله زكريا بيه كان نائب رئيس مجلس الاداره هنا بصراحه كلنا هنا بنحب زكريا بيه وبندايق من تصرفات عمار بيه معاه..
جميله بضيق
مش عارفه بقي المهم بعد الشغل هنروح سوا ابقي قولي لمامتم عشان ما تقلقش عليكي..
فيروز بسخريه
لا انا ماما ما بتقلقش عليا هي ممكن تقلق علي اخويا انما انا مستحيل..
جميله غمزتلها وقالت
بلاش طيب البوز ده وانتي رايحه عند الكراش..
ضحكت فيروز وقالت
بس يا رخمه وتعالي بقي اوريكي الحاجات المهمه اللي كانت معايا..
بقلم_الكاتبه_رحاب_القاضي
_في بيت صبري..
رجعت شهد من الكورس بتاعها واتفتجيت لما لقيت يونس قااعد مع يوسف ابنها ولما شافها قام وقال پغضب....
يونس
كنتي فين وازاي تخرجي وتسيبي الولاد لوحدهم..
شهد بهدوء
كنت مكان ما كنت فين يزن يا يوسف..
يوسف
قالي انه نايم يا ماما وما رضيش يسلم علي بابا..
يونس پحده
كنتي فين يا شهد..
شهد بجمود
وانت مالك مش من حقك تسألني عن اي حاجه بعيد عن ولادك...
يونس بعصبيه
ده اللي هو ازاي يعني ان شاء الله وبعدين مش احنا اتفقنا انك هتفكري في رجوعنا.
شهد ببرود
بطلت افكر ومش هرجع...
مسكها من ايدها جامد وقال پحده
بطلي ام طريقتك دي وانا مش لعبه في ايدك يا شهد..
طلعت زهره وقالت بقلق
صلو علي النبي انت وهي الواد واقف بينكم خاېف..
سحبت شهد ايدها من يونس وقالت بنبره عاليه
بص لشكل ابنك وهو خاېف عليا منك ومن همجيتك اهو انا عشانه مش هرجعلك مش هسيبه يتعقد زي اخوه بسببك ومش هرجعلك عشان انت راجل واطي وخاېن وعمرك ما هتتغير روح للي خونتني معاها او اللي خونتني معاهم هما شبهك انما انا وولادي مش شبهك وايااك تفكر تدخل في حياتي يا يونس..
يزن پبكاء
مم مش تخليه يي يجي تامي..
_شالته شهد وحضنه وراحت قعدت علي سريرها وحضنت ولادها وقالت لنفسها بنبره مهزوزه..
شهد
مش هعيط عليك يا يونس مش هخليك توجعني تاني ولا توجع ولادي وزي ما كنت راكني في حياتك وډافني بالحيا انا هخليك ما تشوف غيري وټندم علي كل اللي عملته فيا ده..
يوسف
ماما انتي بتكلمي مين انا خاېف..
بكلم نفسي يا ابن الهبله تعالو نجيب بيتزا ونروح ناكلها مع الواد اسر ونرخم عليه..
دخل اسر وقعد جنبيهم وقال
وانا جيتلك بنفسي وبعدين بتحضني ولادك من غيري..
شهد
مع انك بقيت طويل زي الشحط بس تعالي انا اصلا عندي
