روايه وقعت في حب خادمتي بقلم فرح القصاص مكتملة الجزء التاني

اللي وقفت جنبك وخليتك تبطل تقعد في المقاپر ورجعتك للخياه يا عم العفريت وفي الاخر رايح تشتغل عند عمار المنشاوي. ..
عز الدين 
الشغل ما فيهوش مصالح وانا عايز شغل بمرتب كويس وعمار فلوسه حلوه اووي اجيلك انت واخد النص ليه...
يوسف
معاه حق انا لو عمار المنشاوي عرض عليا اشتغل عنده سوري يا صاحبي انا هخلع...
عز الدين 
استني بس انا عايز اتأكد من حاجه هو انت طلقت بجد يا يونس..
يونس بضيق
غلطت نفس غلطتك بس انا هلحق نفسي..
عز الدين 
تعرف انا ما شوفتش حد متربي غير يوسف والواد لو شااف بنت عينه ما بتترفعش من الارض حتي لو كانت مين..
يونس
ده كان اكتر حد متربي في الحته كلها من صغره ومازال بس لو فكر يعملها هنفخه ده متجوز اختي. 
يوسف 
ومن غيرك اصلا انا مش واطي عشان اخون ثقة مراتي فيا..
بص يونس وعز الدين لبعض وهو ضحك وقال
هههههههه طبعا لو قولتلكم اني ما اقصدش حد فيكم مش هتصدقوني..
قام يونس وقال
حظك اني مش فاضيلك بس هسيبك مع عز هو هينكد عليك بأعتبار يلا سلام..
_ طلع يونس من مكتبه وراح لدارين اللي كانت لسه طالعه من مكتبها وقالها...
يونس
فاضيه ولا ايه..
دارين بصت في الساعه بتاعتها وقالت
امم مش اووي بس ماشي هتوديني فين بقي..
عمار ابتسم وقال
المكان اللي انتي عايزاااه النهارده تطلبي براحتك..
دارين 
بصراحه انا نفسي مفتوحه لاي مكان وبجد مبسوطه جدا انك ما خسرتش يوسف لانه صاحب جدع بجد...
يونس بهدوء
وانتي

بنت جدعه اووي المهم تعالي وانا هوديكي مكان علي ذوقي نتعشي..
بقلم_الكاتبه_رحاب_القاضي 
_ وفي بيت شهد كانت قااعده جميله وشهد بيتكلمو دخلت عندهم ايتن وهي بتكلم مروان وبتقول..
ايتن 
طيب اتعشيت..
مروان
لا ماليش نفس وبابا قالي هيتعشي بره.
ايتن 
طيي عشان خاطري كل اي حاجه..
مروان 
مع اني ماليش نفس بس عشانك هاكل حاضر..
ايتن 
اوكي هخلص مذاكره واكلمك بااي..
قفلت معاه وشهد قالتلها
شوفتي اهو انا واختك اكبر منك بس ما نعرفش نتسهوك زيك كده..
جميله 
عشان احنا بنرتبط برجاله مش عيال زي السخطه بتاعها....
ايتن بغيظ 
بقي كده طيب روحي بس شوفي عموري بتاعك فين اصله بيتعشي بره النهارده..
جميله بثقه
قالي انه بيتعشي مع عز الدين النائب الجديد بتاع الشركه ومعاهم واحد تاني مش فاكره اسمه..
شهد 
برافو مسيطره يا بت. 
ايتن 
بقولكم ايه بما ان ماما معاها العيال تعالو ناكل ايسكريم ونيجي بسرعه..
شهد 
لا لا انا مستحيل اطلع واسيب ولادي. 
_ وبعد شويه قدام محل ايسكريم حلو جدا وقفت جميله بالعربيه بتاعتها وقالت..
جميله 
انزلي يلا يا ايتن هاتيلنا هناكل في العربيه احسن..
ايتن 
اوكي هجيبلكم علي ذوقي..
شهد بقلق
طيب بسرعه عشان الولاد..
جميله 
بقولك ايه الولاد مع ماما شوفي نفسك بقي شويه حرام عليكي بجد...
نزلت ايتن وجميله قالت
بقالك اد ايه ما خرجتيش بالليل كده تشمي هوا..
شهد بسخريه
من لما خلفت الولاد وخلاص بقي مكاني البيت والولاد وبس. 
جميله بقلق
تفتكري عمار هيبقي كده..
شهد ابتسمت وقالت
لا لا ما اظنش عمار مختلف جدا عن يو...
_ سكتت فجأه لما لقيت يونس واقف بعربيته علي مسافه منهم ومعاه دارين وهما بياكلو ايسكريم وبيضحكو مع بعض واتملت عيونها دموع وقالت لجميله..
شهد 
ممكن نمشي بسرعه اندهي لايتن انا مش عايزه حاجه..
جميله بعدم فهم 
طيب في ايه يا بنتي ما احنا كنا كويسين. 
شهد بحزن
انا مش كويسه يا جميله ارجوكي خلينا نمشي والا انا هنزل وامشي لوحدي..
جات ايتن في الوقت ده وقالت
ايه مالكم في ايه..
جميله بجديه 
ما فيش حاجه بس هنمشي وما تسأليش ليه..
_ مشيت جميله بسرعه وهي مش فاهمه حاجه وكانت شهد عيونها علي يونس اللي كان واقف مع دارين اللي نظراتها ليه باين فيها جدا انها بتحبه..
_وعند يونس كان واقف معاها بره محل الايسكريم وهو مبسوط وقالها..
يونس
حلو اووي المكان ده هبقي اجيب شهد والولاد ان شاء الله...
دارين بحزن
انت هترجعلها ولا ايه..
يونس
يعتبر اتفقنا اننا هنرجع انا حياتي من غيرها مالهاش لازمه وهبقي اخليها تتعرف عليكي..
دارين بدموع
هو انت للدرجه دي بتحبها..
يونس بجديه
شهد خلتني اتأكد ان مش لازم تكون هي اول حب عشان تاخد قلبي كله لانها ما كانتش اول حب بس قدرت تبقي اخر حب في حياتي وده مش اي واحده تقدر تعمله شهد مختلفه عن اي واحده مستحيل اشوف اي ست بعدها زي ما بشوفها او اشوف واحده احسن منها. 
دارين بۏجع 
اومال ليه خونتها اكيد في حاجه ناقصه بينكم..
يونس بضيق
النقص كان مني انا بس لانها كانت مدياني كل حاجه ما قصرتش انا اللي قصرت معاها حتي في واجبي مع ولادي كنت سايبه ليها..
دارين بدموع
ممكن نمشي معلش انا تعبت..
يونس 
حاضر يلا بينا..
_ تفتكرو شهد هتعمل ايه معاهوايه نهاية حب دارين اللي من طرف واحد ليه
بقلم_الكاتبه_رحاب_القاضي 
_ وفي بيت عماد.. 
كان قاعد قدام التلفزيون والباب خبط فقام فتح واتفاجئ لما لقي قدامه عزيز اللي ابتسم وقال..
عزيز
ايه رئيك في المفجأه دي يا عمده..
عماد بقلق
عزيز بيه ااا انت جاي ليه عندي..
دخل عزيز وقفل الباب وقاله
هو مش انا طلبت منك اختك وقولتلك كمان هجيلك بنفسي..
عماد بضيق
بس اختي مش كده دي اا..
قاطعه عزيز پحده وقال
هو زكريا المنشاوي بيديك كام وانا هديك

اكتر منه فقولي بقي هي فين ولا اقولك اقعد انت وانا هعرف بنفسي...
_جه يدخل جوه بس عماد مسكه من دراعه وقال پغضب..
عماد 
مش هتدخل مش هبيعها تاني ولو قربت منها هه..
مسكه عزيز من هدومه وقال
اياك تفكر تهددني عشان انت ليك عندي كتير ولو قلبت عليك مش هتتحمل اول قلم يا عماد فأقعد هنا هادي وما تعمليش دوشه حلو الكلام..
_سكت عماد پخوف وعيونه اتملت دموع وعزيز فضل يفتح في اوض الشقه كلها لحد ما فتح اوضة جهاد اللي كانت نايمه وهي متغطيه باللحاف ولابسه بجامه بسيطه وهاديه وحاضنه المخده وشكلها فعلا زي الاطفال..
ابتسم عزيز بطريقه مريضه ودخل وقفل الباب وهي صحيت وبصت للباب وفاكرااه عماد بس اټصدمت لما شافته واقف قدامها وهو بيبصلها بطريقته المريضه فصړخت پخوف وقالت..
جهاد 
انت مين وعايز مني ايه..
عزيز بخبث
تؤ تؤ مالوش حق عماد يخبي الجمال ده كله عننا..
جهاد پخوف وبكاء
عمااااد ياا عمااااد الحقني...
_ وبره كان عماد قاعد علي الكنبه بيعيط وخاېف يروح وينقذ اخته من عزيز وفجأه الباب خبط اتنفض پخوف ليكون حد من الجيران جاي علي صوتها وهي بتصوت قام بهدوء وقال من غير ما يفتح الباب..
عماد
مم مين..
زكريا
انا زكريا افتح ولو مش هينفع هستناك تحت...
_فتح عماد بسرعه الباب وفي الوقت ده سمع زكريا صوت جهاد وهي بتصوت وقال بقلق..
زكريا
هو في ايه..
عماد مسح دموعه وقال
عزيز جوه سماح قالتله ان جهاد راحتلك وو..
زكريا پغضب
وقال..
عزيز 
في ايه حد يدخل كده
مسكه زكريا من هدومه ولكمه في وشه وقال
ورحمة امي لو شوفتك بس قريب منها تاني او حتي جيبت اسمها علي لسانك هتبقي انت ضحيتي الجديده يا عزيز..
عزيز بقلق
في ايه يا زكريا ما كنتش اعرف انها تخصك..
زكريا پحده 
واهو عرفت ياروح امك فتسمع الكلام احسنلك وتغور من هنا يلا...
_بص عزيز لجهاد اللي كانت قاعده علي السرير بټعيط وخاېفه جدا فزكريا لكمه في وشه تاني وقاله..
زكريا 
نزل عينك ياااه ولا افهك كلامي بطريقه تاني..
عزيز پغضب
ماشي اوعي عشان امشي..
_ بعد عنه زكريا وعزيز مشي وزكريا بص لجهاد بحزن علي حالتها وقال بقلق..
زكريا 
هو حد قرب منك بعدي..
بصتله بدموع وڠضب وقالت
اتفو عليك يا حقېر..
_وقامت بسرعه وطلعت بره وقالت لعماد اللي كان باصص للارض بحزن...
جهاد بدموع
انا اخواتي ماټو انا ماليش حد انت واخواتك مش اهل ولا سند...
_ قالت كلامها وطلعت من عندهم وراحت شقة نورا وزكريا كان واقف عند باب الاوضه وقال لعماد...
زكريا بجمود
هي هتروح فين روح هاتها..
عماد بحزن
جارتنا قاعده لوحدها وهي بتروح عندها.. واقسم بالله انا المره الوحيده اللي عملت كده فيها لما بعتهالك بس ما كنتش ناوي ادخلها الطريق ده تاني والله..
زكريا اتنهد بضيق
لا راجل وسيد الرجاله كمان ياروح امك ابقي لما لما تحتاج فلوس قولي ومالكش دعوه بيها وقولها ترجع الشغل هي بالصدفه طلعت شغاله عند ابويا في المطعم...
_ قال كلامه وسابه وطلع وبص لشقة نورا بضيق وندم وبعدين مشي.. 
_ تفتكرو ايه اللي هيحصل 
بقلم_الكاتبه_رحاب_القاضي
رواية موضوع عائلي الجزء الثاني البارت 12بقلم رحاب القاضي 
موضوع_عائلي
الجميله والشعر الابيض 
_البارت ال 12.. 

_اكثر الاماكن المحببه لقلبي تلك التي تحمل ذكرياتي.. وخيباتي
في مكان هادي علي البحر كان واقف زكريا ووقفت ورااه بهدوء وما قالتش اي حاجه وبعظين قربت منه ووقفت جنبيه وقالت..
دارين
هو انت لسه بتيجي هنا..
زكريا بصلها وقال
المفروض انا اللي اسألك ايه اللي بيجيبك هنا
دارين بسخريه
هو انت يعني كنت كتبت المكان ده بأسمك..
زكريا بجمود
بس المكان ده انا اللي جيبتك فيه زمان المكان ده كان اكتر مكان بنقعد فيه لما كنتي بتحبيني او انا كنت فاكر انك بتحبيني..
دراين بحزن
معاك حق انا كنت مرتبطه بيك عشان كنت زكريا المنشاوي وقتها رجل الاعمال المشهور وكنت فاكره برضو اني بحبك بس انا ما كنتش بحبك يا زكريا عشان انا عرفت يعني ايه حب لما شوفته هو..
زكريا بنبره متألمه
يونس الصاوي..
بصتله بتوتر وهو ضحك بسخريه وقال
ههههههه لا ما تستغربيش كده ده طوب الارض عارف انك بتحبيه وبتجري وراه وهو ولا معبرك بس عيب تبصي لواحد متجوز..
مسحت دموعها وقالت 
مطلق هو مش متجوز دلوقتي...
اتنهدت پبكاء وقالت
بس برضو مش بيحبني الكل خد باله اني بحبه وهو لا انا سيبت كل حاجه عشانه بقيت اعمله كل اللي يطلبه مني وبتعب عشان اعمله والله وبرضو مش شايفني في الاخر بيقولي شكرا انتي زميله وصديقه وبس وبكل بجاحه يجي ويكلمني عليها هي واد ايه بيحبها خلاني اشكش في نفسي هو انا وحشه وما اتحبش طيب..
زكريا بهدوء
بالعكس انتي تتحبي اووي يا دارين بس انتي غبيه وعمرك ما هتلاقيه بيحبك عشان هو بيستغلك وبس..
_ قال كلامه وكان هيمشي بس هي مسكت ايده بسرعه وقالت پبكاء..
دارين 
انت مش هتقولو حاجه صح انا مش عايزاه يعرف حاجه..
سحب ايده من ايدها وقال
لا مش هقول عشان افضل شايفك موجوعه كده ديما..
ابتسم بشماته وتابع كلامه
عشان اشوفك في نفس الموقف اللي انا كنت فيه من سنين لما سبتيني عشان ما بقيتش شريك عمار وافلست...
_وسابها واخد عربيته ومشي وهي قعدت علي الكنبه الخشب القديمه اللي موجوده هناك وفضلت علي حالها كده وقت كبير وبعدين قامت ومشيت..
بقلم_الكاتبه_رحاب_القاضي 
_ وتاني يوم الصبح في بيت الست نورا.. 
دخلت اوضتها وكانت جهاد نايمه من امبارح من لما جات وهي بټعيط وخاېفه من اقرب مالها وهو اخوها واتخبت عندها وفضلت خاېفه وبتتنفض بړعب لحد ما نامت ابتسمت نورا بحزن علي شكلها الطفولي وقرب منها وقالت..
نورا
جهاد.. جهاد قومي يا حبيبتي..
فتحت جهاد عيونها الخضرا بهدوء وقالت
في ايه..
نورا
ما فيش حاجه بس عايزاكي تروحي تجيبي حاجتك كلها من شقة اخوكي هو لسه نازل من شويه..
قعدت جهاد وقالت بقلق
هو اكيد مش هيخليني اقعد عندك..
نورا 
ده لو احنا اصلا قعدنا هنا انا