إسكريبت النصيب بقلم بسمله محمد

بتنهيده  
يا بنتي انا مش عايز اجبرك علي حاجه واللي فات ماټ وانا مش باقيلك العمر كله عليز اطمن عليك قبل ما ربنا يفتكرني ريحيني وخليني اطمن عليك 
ربنا يديك طولة العمر يا بابا ويخليك لينا بس انا لسه عند رأي او علي الاقل مش الفتره د 
اتنهد بابا ورد عليا بيأس لم فشل يقنعني  
مش هقول غير ربنا يهديك يا بنتي ويقدملك اللي فيه الخير يارب يرزقك ب ابن الحلال 
قومت وسبته ولوهله فكرت في كلامه لي مديش نفسي فرصه تانيه واخوض تجربه تانيه بس انا مبقاش فيا لا حيل ولا طاقه لدا وفي نفس الوقت حابه اجرب نفضت الافكار دي من دماغي وصليت المغرب وقعدت مسكت تلفوني شويه 
عدي 3 شهور علي الموقف دا وانهارده بابا بعتلي تاني وانا بصرحه خاېفه جدا وبدور علي حجه مناسبه لان انا اخر مره وعدته وعارفه ان اللي هيتكلم فيه انهارده اكيد عريس 
دخلت قعدت جنبه وبدأ كلام معايا في مواضيع عامه وبعدين قالي بجديه وصرامه بعض الشئ  
في عريس يا نور وقبل ما تتكلمي انا عطيت للراجل كلمه ومستحيل ارجع فيها دا مش اول مره يتقدم وبسبب حضرتك كنت بأجلها وهو مصر وانا مش عارفه اعمل معاه اي اقعدي مع الراجل وصلي استخاره وان مرتحتيش ابقي ارفضي بس علي الاقل تكوني شوفتيه 
رديت يتنهيده  
حاضر يا بابا اللي تشوفه 
لاقيته ابتسم وملامح وشه بان عليها الراحه و رد  
ربنا يكملك بعقلك يا بنتي بكره بليل انشاء الله هيجي ولو حصل قبول هيجيب اهله ويتقدم رسمي 
تمام يا بابا  
صراحه طريقة كلام بابا خوفتني واطريت اوفق واديها مقابله ولو محصلش قبول انا واثقه ان بابا عمره ما هيجبرني علي حاجه 
تاني يوم ماما صحتني وقومت عشان اروق وامسح معاها البيت وخلصنا علي بليل داخلت لبست دريس بينك عليه طرحه بيضه وهيلز ابيض وجهزت وقعدت استنيت العريس واول ما جرس الباب رن حسيت بتوتر ولغبطه وبدأت ادعك في ايدي من كتر توتري بعد شويه ماما جات اخدتني ودخلنا المطبخ اخدت الضيافه وداخلت عليهم وانا عيني في الارض ومن كتر التوتر والخۏف حاسه اني هيغمي عليا وعماله امشي بحذر عشان العصير ميقعش وتبقا كملت بجد 
فقت من سرحاني علي صوت بابا وهو بيقولي  
تعالي جنبي يا نور 
قام بابا وخد مني الضيافه وقدمهالوا وقعد جنبي وبعد شوية كلام بينهم وانا ساكته وعيني في الارض بعد شويه بابا قرر يسبتا مع بعض وقعد في وشنا في مكان بعيد شويه واول ما بابا قام سكتنا شويه وبعدين هو حمم بخشونه 
احم احم 
رفعت راسي ليه و اتفاجأت