روايه ملاذي الآمن كامله بقلم نوري
تكوني فاكرة أنك هتعرفي تنفدي مني تاني انسي مش انا اللي اسيب حاجة بتاعتي سلام يا .. يا دكتورة
كنت حاسة إن مفيش مفر منه في اللحظة دي خلاص لكنه زقني رماني في الأرض ومشي كأنه معملش حاجة دخلت منة في نفس اللحظة كنت عمالة بكح جامد وبحاول اخد نفسي جريت عليا وهي مخضۏضة من منظري دة
منة ليلى .. ليلى مالك الحيوان دة عملك حاجة هو .. هو اية اللي جابه
_ انا هم..همشي
منة هتمشي ازاي وانتي في الحالة دي
_ انا كويسة .. كويسة
_ عشان خاطري يا منة محتاجة ابقى لوحدي معلش
لمېت حاجتي ومشيت نزلت ركبت تاكسي وروحت دخلت البيت وقفلت بابه اللي في كل حتة فيه ترباس مهو دة حال اللي تبقى فاقدة الأمان فاقدة ابوها وأمها بالرغم أنهم على قيد الحياة بابا وماما منفصلين من زمان وبينهم مشاكل كنا من ضمن أسر كتير اوي دخلت محكمة الأسرة زوج وزوجة متفقوش فا قرروا يتطلقوا بس بدل ما يبقى بهدوء واحترام بقا في المحاكم وانا اللي اتبهدلت انا اللي كنت بين نارين مابين اني اختار امي أو ابويا المحكمة حكمتلي اعيش مع أمي في بيتنا لأنها حاضنة كنت مفتقدة بابا اوي ومش عارفة هكمل من غيره ازاي ماما مقصرتش معايا في حاجة لكن معرفتش تعوض غيابه خصوصا بعد ما اتجوزت واحد تاني انشغلت معاه وابتديت احس انها بتتعامل معايا كتقضية واجب مش اكتر بابا كمان اتجوز ونسيني كان بيكلمني كل اسبوع مرة والاسبوع بقا شهر لحد ما مبقاش يكلمني خالص وبيبعتلي فلوس وبس وحياتي مشيت وكبرت على كدة اول ما اتخرجت واتعينت في المستشفى قررت ارجع بيتنا القديم واعيش لوحدي ماما معترضتش ودة كان في مصلحتي بعدها عمي طلب أيدي لابنه أدهم وطبعا انا رفضت أولا لأني كنت مركزة في شغلي اللي اتعينت فيه وثانيا لأني اكتشفت أنه بيشرب مخډرات لدرجة الإدمان ومن ساعتها وهو مش عايز يسيبني ومصمم إننا مخطوبين مع كل مرة برفضه فيها كان بيشرب اكتر لحد ما عمي قرر يدخله مصحة إدمان قعد فيها سنة وخرج وبعدين اختفى واهو رجع رجع متمسك بيا اكتر من الأول ودة راعبني دخلت الاوضة ونمت على السرير نمت وهربت زي ما طول حياتي بهرب من اي مشكلة تواجهني
_ م..مين
افتحي يا لولي دي أنا
اخدت نفس وحمدت ربنا انها طلعت منة فتحت الباب واتفاجأت بيها هي والبنات
منة مفاجأةةة
_ منة
زينب مالك يا ليلى وشك مخطۏف كدة
منة طب خليه ييجي هنا وانا اقطعله رجله
رغداء طب اسندي البت بس مش هنفضل موقفينها وهي وشها جايب مېت لون كدة
منة تعالي تعالي
قعدوني وهدير جابتلي ماية
هدير خدي اشربي واهدي
أميرة مټخافيش احنا جمبك
منة لا تخاف اية دي متبقاش ليلى بصي بقا يا ستي انا جمعتلك البنات كلهم وقولنا نيجي نبات معاكي النهاردة ونتونس سوا و البت زوزا سابت يزن مع مامتها عشان تقعد براحتها بس اخويا هييجي ياخدها بليل وتروح
منة يادي حسن بتاعك دة
شهد انا نفسي مرة تخليكي في حالك
منة وانا نفسي مرة تفهمي أنه خطيبك بس وملوش حكم عليكي
دعاء وانا نفسي تسكتوا شوية بجد جبتولنا وجبتوا للبت صداع
منة لا صداع اية دحنا هنفرفشها جبنالك كل اللي بتحبيه والبت الاء جابت معاها الفلاشة اللي محملة عليها كوم افلام عشان نروق على نفسنا هقوم اعمل الفشار بقا عقبال ما تشغلوا واحد وحد تاني يجيب باقي الحاجة يلا
قامو كلهم دخلوا المطبخ بالشنط
