اسكربيت ( طال غياب الحب ) بقلم ياسمين الكيلاني

مهو انا ملقتش غير المانجا....!
ابتسم كريم بهدوء واداها العصير ف شربت منه حبه وجت تسند الكوبايا ف اتزحلقت السلسلة من علي الطربيزة... 
جي كريم يمسكها لكن ادم لحق وجبها بسرعه من قدامه...
_اي يا بني مالك خۏفت كده ليه....!
_مفيش بس دي حاجه غاليه اوى عندي ومبحبش حد يمسكها غيري....
ظنت انها هديه من حبيبته التانيه ف اضايقت جدا واتكلمت باندفاع
كريم انا بقيت كويسه يلا بينا....
اصرت انها تمشي بعد ما حست ب الضيق من ناحية خصوصا بعد ما بين اهتمامه الكبير ب العقد اللي ف ايده...
_ملك انت كويسه...
_الحمدلله يا كريم عن اذنك هدخل ارتاح هكلمك الصبح....
قفلت الباب بهدوء بعد ما مشي ودخلت اوضتها وفتحت باب الذكريات من تاني لأكتر انسان حبته 
مسكت صورة قديمة تجمعها بي واتكلمت بۏجع جواها
ليه يا ادم..! انا اذيتك ف اي عشان تجرحني كده! 
حاولت انساك بطرق كتير ومعرفتش 
ليه تيجي وتهد كل الاحلام اللي بنيناها سوي!
كانت حاسه ب خذلان كبير جواها وحزن محاوطها من اشتياقها لي
ف نفس الوقت اللي هو كان واقف فيه قدام المرايا وبيغسل وشه عشان يفوق ويبرد الڼار اللي ملته من ساعة ما شافها... 
بص لنفسه ف المرايا واتخيل صورتها قصاد عينيه واتكلم بۏجع معرفش يخبيه
مش قادر اقولك وحشتيني ذي زمان! 
للدرجة دي نسيتي حبنا! 
ونسيتي كل حاجه خططنا ليها عشان منفترقش!
مواقف يمكن متوجعش علي قد ما الكلام ممكن يجرح وميلقيش اللي يهون عليه ذي الأول... 
_أنت ازاي تعمل حاجه ذي دي من غير ما تقولي أو حتي تاخد برأيي!!
_فيها اي يا ملك ادم صحبي من زمان وهو عزمني مره وجي الوقت اردهاله....
_خلاص اعزمه أنت مدام صحبك....
_مينفعش لأن نرمين جايه معاه...
ايديها اترعشت وهي ماسكه الكوبايات ف اتحكمت ف اعصابها واتكلمت بحزن
مين نرمين! مراته
_لا هو قالي انها صحبته وف نفس الوقت سكرتيرته الخاصه بس باين كده فيه مشروع جواز بينهم لأن ادم متعرفش علي ولا واحده من بعد حبيبته الأولي..
_طيب خلاص يا كريم خليهم يجوا وانا هحاول اكون لطيفه معاهم....
قرب منها بحب وحنان 
انا عارف إنك جميله يا ملك ودا اللي حببني فيكي بس ادم والله لو عرفتيه فعلا هتحبيه ذي ما انا بحبه...
باس ايدها بهدوء ف لحظه شرودها ومشي 
حاسة انها بتتعاقب علي كل سنين عمرها اللي فاتت والايام اللي جايه... 
_ملك لو سمحت تعملي فنجانين قهوه ليا ولأدم وبعدين يلا قومي الناس وصلت....
_خلاص يا كريم ثواني واكون عندك...
_ماشي يا حبيبتي اه نسيت اقولك القهوه بتاعتي ذي العادة انت عرفاني بحبها ساده وادم....
_عارفه عارفه مظبوطه وف كوباية.....
لحظات واستوعبت اللي قالته وهو كمان استغرب جدا انها عارفه كويس نوع القهوه بتاعته.. 
_ملك عرفتي منين إن ادم بيحب القهوه ف كوباية دايما مش فنجان وكمان مظبوطه...
اتوترت جدا واتكلمت برتباك
مهو... مهو... أنت اللي قولتلي!
_مش فاكر إني قولتلك حاجه ذي دي.... 
افتكر صحبه اللي قاعد بره ف اتكلم بتسرع
طب يلا اعملي القهوه وانا هقعد معاهم بره....
اتنفست بصعوبه بعد ما مشي وشاردة ف ذكرياتها القديمه
_الله الله اي الرضا دا يا ست ملك!
_عشان تعرف بس إن خيري عليك...
شرب من القهوه بحب واتكلم ببتسامه
طول عمرك فهماني يا ملك...
_ومين يفهمك غيري يا دوكش بس يكش يتمر...
_الله ليه الوش دا! انت كدا هتخليني افكر ف واحده غيرك اشرب معاها قهو.....
خدت كوباية القهوه واتكلمت