اسكربيت حب اليحيى كامله بقلم مي نهال

يعني أيه مش بحبني يعني مش فاهمه يا يحيى 
يعني مش بحبك يا نغم أيه إلي مش مفهوم فى كلامي
مش قادرة استوعب كلامة أزي مش بيحبني أزي دا أنا عمري كله يعتبر كان معاه وليه وعشانه! ضحكت والدموع فى عيوني وقولتله 
وحبك ليا السنين دي كلها كان أيه كڈبة!
رد عليا ببساطة ولا رفله جفن حتى 
لاء بس مليت 
مليت! 
أيوة يا نغم مش بحبك خلاص خلصنا كنت بحبك وخلاص مبقتش
إنت أزي كدا أزي! 
أنا عادي أنت إلي مكبرة الموضوع
شاورت على نفسي واتكلمت بحرقه 
والله بجد مكبرة الموضوع! فرحنا بعد أسبوع وجاي تقولي مش هنكمل سوا ومش بحبك يأبن خالتي يا حب كل مراحل حياتي وبتقولي مكبرة الموضوع

نغم متصعبيش الموضوع على نفسك أنا مش مبسوط معاكي ومش عايزك
أخر كلمة قالها كانت أصعبهم على قلبي مش متخيلة كم القهر دا كنت هسامح لو قالي معلش حتى كنت هنسى كل إلي قاله إلا دي چرحتني وكأنها علمت على قلبي رجعت لورا شوية وقولتله وأنا ڠضب الدنيا جوايا 
خلاص يا يحيى امشي 
همشي أنا بس كنت جاي اقولك عشان مسافر كمان ساعتين 
رحله سعيدة يابن خالتي
كانت ملامحه جامدة لدرجة أني حسيت أني اول مرة أشوف البنأدم دا اول مرة اقف قدامة فى حياتي كأنه مش يحيى إلي اعرفة مش يحيى إلي عمره مهانت عليه دمعتي لا مكنش هو ولا كانت نظراته إلي كانت بتبقى أحن من نفسي عليا ضحكت وأنا مش مصدقه أن كدا خلاص...
راح أماني أخذ كل حاجة معاه قلبي وضحكتي وفرحتي سرق كل حاجة مني ومشي ببساطة كدا عيوني مش قادرة على فراقه مش راضيه توقف قلبي بيعافر عشان ينبض الدنيا أسودت في عيوني وكأنه كان أخر منبع نور في حياتي ونطفى...
فتحت تليفوني وأنا مش شايفة من الدموع مسحت عيوني شوفت صورتي معاه دخلت على المكلمات ورنيت على بابا 
خلاص يا بابا يحيى مشي ساب كل حاجة وراه ومشي 
أهدي يا حبيبتي أهدي أنت فين وأنا أجيلك 
أنا في كافيه 
أنا جايلك
قفل معايا وأنا حسيت إن المكان داق عليا خرجت برة وقفت في جنب وسط الزرع وأستنيت حبيب الأول أبويا جه للحظة حسيت ببرودة لحد ما أخدني في حضنة غمضت عيني ومسكت فيه وكأني بشتكيله من كل حاجة ۏجعاني لقيت نفسي بقوله 
مش قادرة يا بابا مش هقدر والله قلبي هيقف قولتله أمشي وهو مشي خذ قلبي معاه والله مقدر أعيش
أهدي يا حبيبة بابا هو الخسران
بعدت عنه وعيوني بتلومه وكلامي ونبرتي خانوني ف قولت بعصبية 
لاء أنا إلي خسرانه يابابا أنا إلي هتوجع