روايه ساكن الروح كامله بقلم ندي هارون

ماشية مش شايفة من كتر العياط
طب اقولك اسامحك إن جالي جلطة بسبب زعلي على نفسي وعلى قلبي ومشاعري اللي إنت محطتهمش ف حسابك وإنت بتبعد
ولا على ثقتي فيك اللي إنت خنتها وخوفتني م الناس ومبقتش عارفة اثق ف حد
اسامحك على إني مش هعرف أحب حد ولا أقرب لحد ولا أحاول علشان حد ولا اسامحك إنك خلتني كل ما اشوف واحد بيعافر علشان البنت اللي بيحبها اتقهر وأموت م الۏجع والعياط عشان أنا كنت استحق منك ده
ولا اسامحك إنك حسستني إني رخيصة وماليش قيمة عندك لدرجة إنك تنهي اللي بينا بمكالمة ! ومكلفتش نفسك وعملتلي اعتبار حتى !!
شاورلي كده يا الشخص الوحيد اللي حبيته ف حياتي كلها على الحاجة اللي عايزني اسامحك عليها وأنا أسامحك على طول 
كنت بكتب المسدج وأنا مڼهارة ومش قادرة ومش عارفة الكلام طلع مني إزاي وإزاي قلبي شايل كل ده !!
عملت إرسال وسيبت الموبايل ومن كتر عياطي نمت وصحيت تاني يوم الصبح وفتحت عيني على صوت بيقول بهدوء 
يلا بينا هنبدأ دلوقتي 
وأنا سرحانة ف اللي بيحصل حسيت إن فيه حد بيحضني بقوة لدرجة تكسر ضلوعي وبعدها الدنيا غيمت أوي وكأنها على وشك إنها تضلم أوي بس فيه نور بسيط أوي 
ف الوقت ده سمعت صوت أمي اللي مكنتش عارفة هقولها إيه لما تلاقيني كده ! شعري الطويل واللي بيطول كل كام دقيقة تقريبا ولبسي الأسود و 
روح بت يا روح
أيوة يا ماما
يا روح ! راحت فين دي !
هي مش سمعاني ليه دي عدت قدامي كأنها مشافتنيش ! أو هي فعلا مش شايفاني 
هو فيه إيه
هي مش هتشوفك ولا هتسمعك إحنا بس اللي هنشوف إنت دلزقتي مش عايشة حياتك إنت دلوقتي بتتفرجي على حياتك ومش مسموحلك تتعاملي كإنسانة هتتعاملي ك روح يا روح 
بعد ما خلص كلام ابتدى يبان ملامح الصوت اللي بيكلمني حد طويل وشعره طويل عيونه مرسومة بشكل قوي وسودة أوي وبيشع منها ضوء بسيط يكاد يكون مش باين أصلا 
بصيت له بتركيز جامد أوي بس مش بإرادتي أنا حسيت عيوني بتتسحب لعيونه وبتركز ومبتتحركش 
بعد كام ثانية لقيت نفسي بدوخ وهفقد الوعي بس وقتها هو حط إيده على عيني ومنع نور عينه عني ولما شالها لقيت نفسي ف مكان مهجور محفور فيه حفرة صغيرة أوي وضيقة 
وقفنا قدامها وبعدين بصلي بطريقة مفهومة وقالي 
يلا ننزل فيها 
ليه وهننزل هنا إزاي
هنا مفيش ليه وإزاي دي بسيطة 
حضڼي ف وقتها وفجأة بقينا في الحفرة وكانت كبيرة وواسعة أوي رغم إن مدخلها صغير 
كان فيها أوضة كبيرة أوي مكتوب عليها اسمي روح 
ولما دخلت لقيتها متقسمة لأوض صغيرة تانية كتير وكل باب أوضة عليه يافطة باسم معين 
أول باب عيني جت عليه واللي خلي قلبي يدق بسرعة البرق كان مكتوب عليه يزن اسم الإنسان الوحيد اللي حبيته واللي لسة بحبه 
فتحت الباب بهدوء وقررت أدخل بالراحة عشان أشوف إيه مستنيني ف الباب ده 
بس أنا لما دخلت ملقتش حاجة تتشاف أو تتعرف لقيت يزن نفسه جوة !! 
فتحت الباب بهدوء وقررت أدخل بالراحة عشان أشوف إيه مستنيني ف الباب ده 
بس أنا لما دخلت ملقتش حاجة تتشاف أو تتعرف لقيت يزن نفسه جوة !! 
ناديت عليه بس مردش لقيت الصوت اللي معايا بيقولي 
بيتهيألك مش شايفاه بجد