روايه الجميلة والۏحش كامله بقلم سلسبيل احمد

متخرجيش بره لوحدك ابدا 
انا عايشه اهو ماموتش يعني
لسه عايشه.. لو فضلتي تعاندي مش هتكملي يومين
انت أوفر 
اسمعي الكلام و في تلج فالفريزر حطيه على عينك لأنها هتورم... متبقيش ټعيطي بالشكل ده.
ابتسمت اوكيه جود نايت
احمم صباح الخير.. بقيتي كويسة
بصتله بأبتسامه دي أول مره تسألني عن حاجه .. بقيت كويسة بس كنت بتقول هقدر اكلم بابا صح
ايوه قريب إن شاءالله 
طيب مش هنروح لمامتك
خت إذن ياستي وهنروح كمان ساعتين
انت بتهزر
بتكلم جد
مقلتش ليه انا هطلع اللحق اللبس واجهز بسرعه
جريت على فوق وانا مكنتش فاهم هما ساعتين مش وقت كافي ولا اي انا بجهز في خمس دقايق!  
بعد ساعه ونص 
طلعت اغير هدومي و اجهز ونزلت استناها لما فات ساعتين وفضلت مستني كمان نص ساعه ومكنتش فاهم انا فين ولا بعمل اي ولا مستني اي واي ده  
سيف انا جيت خلصت خلاص
بصتلها احمم ساعتين ونص ليه
خت شاور و عملت شعري و حطيت ميكب وجهزت شنطتي و لبست وحطيت اكسسوريز ونزلت بس! 
بس هو في حاجات تانيه 
ضحكت مش باين اني بقيت حلوة ولا اي 
بصيت للعدم تمام يلا بينا
اتحركنا ودخلنا العربية  
اربطي الحزام و بصي بقي لو حصل اي صرب ڼار علينا تنزلي تحت علطول او حد حاول يخبطنا او
قاطعته انت اوردي قولت لي كل القواعد دي لما اخدتني من الكلية 
تمام مش عايز لماضه.. 
حاضر
وصلنا و برضو منطقه غريبه و هاديه نزلنا من العربية و وقفنا قدام فيلا بكذا دور وبعدين دخلنا..  
سلام عليكو
بصتله ست كبيرة بلهفه وحضنته سيف!! ازيك يا حبيبي وحشتني اوي!!
وانتي كمان والله يا ماما 
كده تغيب كل ده ومين البنوتة الحلوة دي!
ابتسمت لها وهو عرفنا ببعض وبعدين قعدنا
انتي بقي في كلية اية 
كلية فنون جميلة رايحه سنه تالتة 
ربنا معاكي يحببتي بص بقا يا سيف انا كنت بعمل مكرونة بشاميل حظك حلو 
تسلم ايدك يا ست الكل
وانتي يا ليلي بتحبيها 
هو انا يعني مش جعانه و
قاطعتني مش جعانه ايه ابقي شمي ريحتها بس الاول وبعدين نشوف 
ضحكت كنت حاسه ب جو غريب عمري ما حسيته قبل كده!! بس كان شعور حلو شعور خۏفت اني امشي واسيبه..  
ها اي رأيك بقا  
جميلة جدا شكرا يا طنط 
هجيب رز بلبن بقي عملته امبارح بليل 
بصيت لسيف فا قلب وشه بمعني مليش دعوه
انا مش قادره اتنفس!!
قوللها انتي بقا
دي مامتك انت قولها 
منك ليها
جت بطبق الرز بلبن والى كنت بقنع نفسي لو صغير ادوق منه لقيته بوله بحالها.!!.  
انا مش قادره اكل بجد يا طنط
تؤتؤ محدش يجي هنا و مياكلش ويحلي.
قاطعنا دخول بنت جميلة و معاها طفل صغير والى توقعت انه اخته.. الطفل جري على سيف بحب ونط لحضنه و هنا كنت بشوف جانب مختلف فيه سلمت عليهم والغريب اني محستش غريبة وسطهم..  
ليلي سيف بيغش 
فريده ولد عيب حد يقول على خالو كده! 
ضحكت أمير انت خسړت اعترف
صدقيني بيغش!! حتي اسألي تيته
سيف ادي اخرة الى يلعب مع عيال
انا و فريده بصينا و اتكلمنا فنفس الثانيه انا عيال! 
بصلنا وسكت اما احنا ضحكنا.. 
ليلي خلينا نشوفك تاني
اتشرفت بحضرتك يا طنط ومبسوطه اني اتعرفت عليكم 
نزلت لمستوي أمير وميلت على ودنه احنا صحاب ها انا مش زي سيف 
ابتسم وحضني انتي جميلة 
سلمت عليهم و سيف ودعهم وبعدين ركبنا العربية و اتحركنا 
هي اي العلبة دي  
احمم ده اكل و التانيه رز بلبن
ضحكت امممم .. طنط اكلها جميل و .. انا حبيتهم اوي
وهما كمان واضح حبوكي
انت محتاج تقعد معاهم اكتر منك كده واضح انهم كانو مفتقدينك اوي و .. انت باصص على اي 
فكي الحزام وانزلي تحت بسرعه
في اي! 
قرب مني وفكه بسرعه وهو سايق وحط ايده على دماغي ونزلت لتحت و.. 
يتبع..
الجميلة_والوحش 3
هي اي العلبة دي  
احمم ده اكل و التانيه رز بلبن
ضحكت امممم .. طنط اكلها جميل و .. انا حبيتهم اوي
وهما كمان واضح حبوكي
انت محتاج تقعد معاهم اكتر منك كده واضح انهم كانو مفتقدينك اوي و .. انت باصص على اي 
فكي الحزام وانزلي تحت بسرعه
في اي! 
قرب مني وفكه بسرعه وهو سايق وحط ايده على دماغي ونزلت لتحت و.. 
في عربية ماشية ورانا خدي الموبايل من جيبي و 
مكملتش كلامي لقيت العربية بتقرب والشباك بيتفتح
ما تهدي ياعم سيف ده انا 
يوسف! 
ركنت العربية على جمب اطلعي خلاص مفيش حاجه لحظه واحده هنزل واجيلك تاني.. انتي كويسة 
انا تمام مين ده!!
متقلقيش ده تبعنا
نزلت من العربية بصتله بعصبيه
انت مچنون يا يوسف ما تبقي تقولي انك ورايا افتكرت حد غيرك بيراقبنا ولا مزقوق!
لما تبقي تفتح موبايلك ياعم! الريس قالي اطلع وراك على الطريق آمنك بدل معتز ماهو كان وراك وانت رايح مختش بالك منه
لا خت بالي طبعا و كنت عارف انوه ورايا لكن المفروض وانا راجع هتبقي نفس العربية الى ورايا الى فيها معتز حدفوك عليا ليه وغيرت لون العربية افتكرتك حد تاني بديهي!!
ماهو معتز جاله تأمين ضروري فا جيت مكانه وكلمتك كتير اقولك انا راكب عربية لونها اي واني وراك بس انت قافل الفون يا ذكي
نسيت افك الشفره.. ما علينا يلا نكمل
اتنهدت ودخلت العربية
مين ده بقي ولما هو تبعنا خلتني انزل تحت ليه! 
سوء تفاهم 
حمدلله على السلامه انا هرجع للقياده بقا ابقي افتح موبايلك ها
ماشي يا معلم سلام انت 
نسيت اقولك حاجه يا سيف
في ايه ما تقول
ميل عليا لأنها كانت باصه علينا من بعيد
انا سامع اخبار مش مطمناني عن أبوها 
سمعت منين 
مانا روحت الجهاز امبارح و.. شوفته
شوفته! طب و  
حالته وحشة خليك حريص انها متاخدش الموبايل عشان متعرفش اي حاجه
أكيد انا قاطع اي اتصال بالنت اصلا عندي 
تمام
سابني ومشي وانا رجعت لها مكنتش عارف اعمل اي حاسس الدنيا بتتعقد اكتر واكتر كل شوية و هي متعرفش اي حاجه.. و ده فحد ذاته ظلم ليها. 
طلعنا الفيلا و نامت في صمت وانا فضلت سهران شوية بظبط كام حاجه وبعدين نمت..  
تاني يوم الصبح الساعه 7  
طق طق طق طق  
أيوه جايه... سيف انت بجد بتصحيني الساعه سبعه!
أيوه 
ليه هنبيع لبن لو هننزل نبيع لبن قولي
فوقي كده وانزلي تحت عايزك 
انا عايزه انام
قدامك ربع ساعه
مشي فا زعقت اوووووف علفكرا !! 
دخلت الحمام بصيت فالمرايا وكمان شافني منكوشه!!!! 
غسلت وشي وفضلت بالبيجاما وسرحت شعري ونزلت
نازله بالبيجامه 
هوا في اي اللبس اي يعني الساعه سبعه الصبح
ترينج! مثلا
انا عايزه انام
مفيش نوم في كام حاجه لازم تعرفيهم وتتعلميهم
ها اي هما واي الحاجات الى ماليه جنينه الفيلا دي
دول هتتمرني عليهم 
ليه هو انا هدخل بطولة الامم
انتي عندك امتحان فالكلية كمان شهر جوه اللجنه انا مش هبقي معاكي و هبقي بره في حاجات لازم اعلمهالك عشان لو حصل اي حاجه يبقي معاكي كام ثانيه تلحقي نفسك بيهم عبال ما اللحقك انا
انا عايزه اعرف حاجه!! مبدئيا انا اكيد مش هقعد معاك شهر مش هقدر استحملك لاء تاني حاجه هي اي نظرية المؤامره الى انت عايش فيها دي ! انا طول الوقت في حراسات عاديه انما انت اوفر ! 
هو انتي مش بتعرفي تقولي حاضر 
انا زهقت!! بجد زهقت 
قعدت على الارض بقلة حيلة يارب تخدني من هنا بسرعه يا بابا انا تعبت !! انا زعلانه منك اوي عشان سايبني كده 
عيوني دمعت فا مسحت وشي وحاولت معيطش..
نزل لمستوايا طيب.. انا مقدر الى انتي فيه لكن فعلا الظروف مش تمام دلوقتي وحياتك ممكن تبقي في حطر يادوبك هتتعلمي كام حاجه تفيدك و ازاي تدافعي عن نفسك و علفكره الحارس الشخصي مش بس بيفضل مع الهدف بتاعه لما ميبقاش في حد مسؤل عنه لما والدك يرجع احتمال افضل معاكي برضو
وهو فين بابا 
اوعدك اني هخليكي تكلميه قريب
انت قولت كده كتير! 
هكلم القياده تانى تحاول توصلنا بيه و تكلميه
طيب اوعدني بده 
أوعدك 
شاور على قلبك! 
اي مش فاهم 
شاور على قلبك و اوعد يعني وعد لازم تنفذه
لازم اشاور يعني! 
أها هو انت مشوفتش كرتون البيت الى بيطير ! 
يارتني ما قولتلك اني معرفش كرتون البيت الى بيطير كنت كدبت ارحم 
اتفرج بقا الله! انا وعدتك لما نتفرج هعملك الى انت عايزه و نتمرن 
طب اتفرج على اي بذمتك كلب بيتكلم و حيوان غريب شبه البطه 
اسمها جميل ودي ابو الفصاده مش بطه! 
ايا كان! انا مش بشوف انا الكلام ده ده بتاع عيال 
طب اتفرج وكفايه كلام 
قلبت عيني بملل الصبر يارب
...
ها... اهو خلص الحمدلله 
عجبك صح متنكرش 
امال اي طبعا نفذي وعدك
طيب هطلع اللبس و انزل نتمرن 
طلعت لبست ترينج اسود ينفع للتمرين و انا نازله شوفت موبايل سيف على الترابيزة بينور .. و جاتلي فكره هتاخد وقت بس مش مهم..  
بصي بقي احنا هنبدء ب حركات سهله وبعدين همرنك ازاي تصربي مش بس تدافعي لكن انتي محتاجه تشيلي أوزان جبتلك اربعه كيلوا تلعبي بيهم كل يوم 
انا بفرهد بسرعه وفرهدت من كلامك
كويس يبقي يلا نبدأ 
انت ماسك ايدي جامد افك نفسي ازاي
انا وريتك ازاي نفذي 
مش عارفه! 
اضربي براسك لورا على الهدف الى هو أنا ! 
مانا كده هخبطك ! 
ياستي اخبطيني ياستي 
رجعت براسي لورا فا خبطت فيه  
انت كويس 
كويس اي يا ليلي كويس اي ده كأن كيس مخده خبطني .. بصي استخدمي رجلك أكيد هتبقي اقوي اصربي تحت و بعدين احبطي براسك واجري 
عملت زي ما قالي و فضلنا نتمرن كتير بعد كده لبسني القلبظات ف ايدي كأني هلعب ملاكمه وفضلنا نتمرن حوالي ساعه.. 
سيف انا تعبت
طيب تعالي نفطر 
ياريت..
قعدنا على الترابيزة بعد ما عملنا اكل سوا  
انا متفاجئ إن ليكي في المطبخ
انا هتم 20 سنه كمان كام يوم! وهمتحن وبعدها ادخل تالتة كلية يعني مش صغيره
بالنسبالي صغيره
ليه عندك كام سنه 
27 سنه 
و ده يخليك تفضل تقولي