روايه الجميلة والۏحش كامله بقلم سلسبيل احمد

الجميله والۏحش 1
وبعدين  
هو انت بتسألني انا! انا عايزه اكلم بابا كلمهولي طالما خت موبايلي دعدغته
هو انتي فكرانا بنلعب ببجي! احنا في مصېبه واقعيه حضرتك مش مدركه ده!
و اي علاقه الموبايل مش فاهمه 
يمكن عشان فيه جهاز تتبع و اي حد هيوصلنا من خلاله مثلا !!
رفعت كتافي احمم منطقي شوية
طب تسمحي بقي تركبي العربية خلينا نتحرك!

طب وانا اي يثبتلي انك تبع بابا مش تبع الناس الوحشه الأشرار الى بنهرب منهم! 
يا الله ! قولتلك كلمه السر الى بينكم 
مش كفايه
طب انتي عايزه نعمل اي دلوقتي نفضل على الطريق كده ! 
انت بتزعقلي ولا اي
جز على سنانه بعصبيه لاء.. اطلاقا
ركبت العربية مره تانيه بصمت فضل ساكت فا اتكلمت بأندفاع 
يعني هو بقي ادالك عنوان الكلية و قالك روح خدها و امشوا بعيد عشان في مشاكل طب مانا طول عمري بفضل فالفيلا وسط الحراسه! 
هو شايف كده افضل حاليا
مبعتش ليه اي بودي جارد من الى اعرفهم! اشمعنا انت واشتغلت امتي اصلا! وانت اسمك اي 
سيف الدين ممكن كفايه أسئلة بقا! لما يجي الوقت كلميه واسأليه براحتك انا اصلا فيا الى مكفيني!
سكت لحد ما وصلنا فيلا حلوة اوي و لكن وسط مباني غريبه وكأن المكان منبوذ ولكنه مش كده!  
دخلنا الفيلا ولاحظت انه بيتعامل كأنه في بيته 
اوضتك فوق على اليمين لو حابة تنامي و في شنطه هتلاقيها فيها هدوم 
أتنهدت بحزن هو كان عارف ان في حاجات هتحصل فا جهز المكان ده هو انت تعرف حصل اي 
لاء 
سابني و طلع وانا فضلت قاعده لحد ما نمت مكاني
تاني يوم الصبح الساعه 8  
صحيت رقبتي ۏجعاني بسبب النوم على الركنه بصيت حواليا ملقتوش اكيد لسه نايم ف اوضته فضلت قاعده شوية بحاول افوق غسلت وشي و صليت دعيت ربنا اخلص من كل ده امنيتي الى عمري ما غيرتها..  
بعد شوية خرجت بره فالجنينه و اتفاجئت انوه بره في ركن كده بيتمرن!  
روحت قدامه هو انت مبتنامش! 
حاولت مبصش ناحيته طب بابا مكلمش! 
رد وهو بيلعب على كيس الملاكمه لاء
طب انا عايزه اكلمه 
هنستني مكالمته
وانت بقا معاك موبايل اشمعنا انت
موبايلي عارف مأمنه ازاي 
كنت آمنت بتاعي بدل ما دغدعدته كدا
انا كسرت الشريحه بس و الكارت الفون موجود لما نخلص هبقي اديهولك
طب جعانه
التلاجه فيها كل الأكل 
اعملك معايا
مش باكل دلوقتي
روحت كلت لوحدي يعني اي الجديد .. خلصت و طلعت قعدت فالاوضة ولما زهقت نزلت الجنينه تاني وحاجه قمه في الملل و هو!!! مش بيتكلم معايا خالص 
بقولك اي هو احنا فين
مكان آمن 
فين علي الخريطه يعني
في القاهرة 
تؤ... طب اي المباني الغريبة الى حوالينا دي
معرفش
انت ممل اوي تعرف كدا ولا لاء ! 
أعرف 
طب انا عايزه اخرج زهقت او اكلم بابا انا هفضل قاعده كده لحد امتي! 
واحده في سنك تحب تعمل عشان متبقاش زهقانه! اجبلك فيلم كرتون
انت بتكلم طفله
أها عندها 19 سنه 
19 ونص 
يعني بتشوفي كرتون ولا لاء
بشوف طبعا! الكرتون لكل الأعمار! 
طيب يعني اجبلك كرتون و تستكي 
و فشار اعملي عشان بيتحر ق مني 
بصلي بنص عين و سكت لوهله وبعدين قام  
رجع بعد لحظات و شغل البروجكتور و كانت بدايه كرتون الجميلة و الو حش!! انا حفظاه بحبه اوي!!  
انا بحب الكرتون ده اوي !!!! 
طيب كويس يعني هتتلهي فيه و تسبيني في حالي
استني هنا اتفرج معايا! 
بصلها بجديه اتفرج علي اي  
الكرتون
انا مش بشوف العبىىط ده! 
بصتله بعيونها اتفرج معايا هيعجبك! مش عايزه اتفرج لوحدي لو سمحت وهقعد ساكته..
كنت هرفض رفض قاطع هبىل اي ده الى اتفرج عليه ده انا متفرجتش على كرتون وانا طفل هشوفه دلوقتي ولكن حاجه جوايا رفضت تزعلها خصوصا ان هي فعلا في ظروف مش افضل حاجه..
قعدت تاني بصمت وهي سقفت 
صدقني هيعجبك.
بدأنا نتفرج و كل شوية كانت بتبصلي وبتحاول تستخلص اي رد فعل مني ولكني لم ابدي اي تعابير و ريأكشن وشي متغيرش.. لحد ما اتكلمت 
زعقلها جامد اوي! مش مفروض يزعق كده
ماهو كان لازم تسمع كلامه ومتروحش الجناح الغربي هو حذرها برضو
وفيها اي يعني كانت بتستكشف
من حقه يحكم القصر براحته! 
بس هي بقت جزء منه خلاص و عايشين سوا! 
مردش فا قلبت عيوني بأستسلام و رجعنا نتفرج
خلص!! عجبك 
مش وحش
انا ليا كمان كرتون مفضل حورية البحر اريل و الكرتون ده بحبه اكتر شوية من كرتون الجميلة و الۏحش .. 
امممم نشغله بكره بقا ان شاء انا هاروح اطلب غدا عاوزة حاجه معينه
لاء مش هتفرق 
فات يومين كان دايما مشغول و بيخرج في المناطق الى جمبنا و يرجع كالعادة انا الى ببدء كلام بس عادي هو أكيد مش متعود يتكلم مع اهداف بيأمنها.. كنت زهقانه و عايزه اكلم بابا بأي شكل لكن مفيش فايده!  
انت جيت خلاص ولا هتخرج تاني 
جيت خلاص
طب لسه مش هكلم بابا 
للأسف 
ولا هنجيب فشار و نشغل الكرتون التاني 
خدي البروجكتور وهاتي الى تحبيه انا بخلص شغل
شغل اي مش انا شغلك برضو لو سمحت بقي تيجي تتفرج معايا
لا لا انسي يا انسة ليلي انا بس قعدت المره الى فاتت لأني كنت قاعد كدا كدا و مش مهتم بقي تشغلي كرتون ولا مهرجان حتي 
وانا بقي بطلب منك تقعد معايا
وانا بقولك ان ده مستحيل.. 
After 5 minutes 
انا مش فاهم يعني اي الممتع انك تتفرجي على شوية سمك و كابوريا مزعجه بتتكلم زي دي وكمان سودانيه
ده لهجته تحفه و دمه خفيف! وبعدين دول حوريات بحر كمان 
كلام فارغ 
اتفرج للآخر! 
في نص الكرتون 
شوفت عملت اي عشان عريق! 
شوفت اها مسمعتش كلام ابوها و مشيت ورا ساحرة المحيط الى معرفش إسمها اي 
اورسولا
واتيفر مش هتفرق عصت اوامر والدها
اتكلمت بعصبيه شوية هو اصلا مش مهتم بيها! ولا فاهمها لو كان حاول يفهمها من الأول مكنش حصلها كل ده هو غلط 
هو خاېف عليها و بيحميها فين الغلط ف ده
طريقته غلط 
لاء صح هي لسه صغيره ومش لازم كل حاجه تعرفها و تفهمها 
سكت ولكني رافضه كلامه وانا اكتر واحده حاسه بالموضوع ده اصلا و .. بيضايقني 
الحمد لله الكرتون خلص قومي نامي
وانت انت مش بتنام زينا ولا اي 
بنام أكيد اطلعي انتي
أوكيه جود نايت يا سيف. 
مشيت وانا اتنهدت انا حارس شخصي لطفله عندها 19 سنه ده انا لو قاعد بأولاد اختي مش هفرهد كده!  
خامس يوم في الفيلا 
رجعت من بره بصيت ف انحاء البيت ملقتهاش خمنت انها نايمه فا طلعت اخدت شاور و خرجت وفضلت ساعتين شغال على اللاب ف هدوء لحد ما الساعه جت 10 بليل و كده طول اليوم متشرفتش بغلاستها وكلامها الى مش بيخلص طلعت خبطت على اوضتها كتير مفتحتش فا زقيت الباب و الأوضة كانت فاضيه!!!! قلبت البيت عليها مكنتش موجوده ف اي مكان خرجت الجنينه بسرعه و..
يتبع..
الجميلة_والوحش 2 
رجعت من بره بصيت ف انحاء البيت ملقتهاش خمنت انها نايمه فا اتنهدت براحة.. طلعت اخدت شاور و خرجت وفضلت ساعتين شغال على اللاب ف هدوء لحد ما الساعه جت 10 بليل و كده طول اليوم متشرفتش بغلاستها وكلامها الى مش بيخلص طلعت خبطت على اوضتها كتير مفتحتش فا زقيت الباب و الأوضة كانت فاضيه!!!! قلبت البيت عليها مكنتش موجوده ف اي مكان خرجت الجنينه بسرعه و فتحت موبايلي و قبل ما اعمل مكالمه شوفتها على سطح الفيلا من تحت!! فا طلعت بسرعه لعندها..  
انتي كل ده كنتي قاعده هنا !! بتعملي اي على السطح انتي خصتيني!! 
حاولت امسح دموعي و ابصله آسفه.. مكنش قصدي
طب انتي كويسة انتي معيطه 
تؤ 
طيب تعالي ننزل ونتكلم تحت هنا مش امان تعالي
نزلنا وفضلت ساكته وكانت مطفيه..! 
قعدت قصادها بعد ما جبتلها عصير المانجا الى بتشربه من وقت ما جت
كل ده عشان عاوزة تكلمي باباكي صح 
....................
عموما هحاول اوصله ف اسرع وقت متقلقيش
ماما
بصتلها بتركيز ايه 
ماما و اخويا.. ماټو في حدثه زي انهاردة من 13 سنة كان عندي ست سنين وقتها مكنتش فاهمه راحو فين مكنتش اعرف إن هيعدي كل ده و هكره حياتي عشان هما مش فيها هما وحشوني و انا حاسه اني مش قادره اكمل من غيرهم انا تعبت وانا لوحدي مليش غير بابا و هو.. هو مش مهتم بيا !! انا طول الوقت حتي في حطر من غير ما اعرف ليه لو حصلي اي حاجه هبقي لوحدي! أنا كان نفسي يكونوا جمبي
فضلت ټعيط وانا عمري ما كنت مهنج كده ومش عارف اتصرف.. حاولت على قد ما اقدر اساعدها  
لكن والدك بيحبك جدا و عمل حاجات كتير عشانك مش لازم تعرفيها كلها و لكن .. مفيش اب مش بيحب بنته او قاصد ميهتمش بيها يمكن هو لسه عنده جانب انتي مشفتيهوش واكيد مامتك واخوكي في مكان احسن وهما جمبك لكن انتي مش شيفاهم..
سحبت منديل وناولته لها فا خدت و مسحت دموعها
بصتله هو انت باباك موجود 
لاء.. ربنا يرحمه من 17 سنه كده
ربنا يرحمه
و يرحم اخوكي و مامتك
يارب.. و مامتك موجوده
أها 
و ازاي سايبها كل ده 
قاعدة مع اختي هو بيت للعيلة فيه شقة ليا و تحتها شقه اختي وماما فالدور الأرضي
مفروض تزورها برضو
ظروف شغلي بقا هعمل اي 
هو عشان تبقي حارس شخصي لازم تبعد عن الى بتحبهم و متهتمش بيهم
مش بالظبط اكيد بروحلها
هو احنا ممكن نروحلها انا و انت نزورها ولا هي مش بتحب الأغراب 
لا هي بترحب عادي.. هشوف الأول لو ينفع نتحرك ونخرج من هنا
هتشوف مع مين بابا 
لاء القيادة بتبلغني أوامر
ليه
طبيعيي اي حارس شخص بيأمن الهدف بتاعه بيتلقي أوامر من القياده مش بيتصرف من مخه.
القيادة بتبلغك اي 
بحزم تؤ تؤ كفايه اوي لحد كده كلام روحي نامي عينيك شكلها تعبان 
أوكيه 
استني.. بعد كده