سكريبت المشوهه كامله بقلم سلمي جاد

..لما كان بيتكلم كنت سامعه صوت قلبي وهو بيتكسر ..أنا تعبانه اووي ياماما .. تعبانه اووي وعايزة أنام يمكن أعرف أهرب من اللي حاسه بيه
والدة رقيه طيب ادخلي نامي ياحبيبتي في أوضتك وأنا هاخد حمزه ينام معايا ..حبيب جدته شكله خاېف
رقيه دخلت الأوضه بتاعتها غيرت هدومها لبيجاما بيتي مريحه وفكت شعرها ونامت عالسرير بعد ماضمت ركبتها لوشها وأخدت وضعية الجنين اللي بتدل إنها زعلانه وراحت في النوم في أقل من ثواني
هي بتلجأ دايما للنوم للهروب من أي حزن جوها 
عند عنان 
واللي وقتها كان بيحلم بكابوس
انتي مشوهه .. أنا بقرف من شكل جسمك ..
صوت حزين بيقول عنان انت واعي انت بتقول ايه .. أنا بغمض عيني عشان مشوفش شكل جسمك .....
عنان لااااااااااااا
عنان صحي وهو بينهج والعرق مالي وشه ..بص عالسرير ملقاش رقيه نايمه جانبه كالعاده ..هو متعود إنها أول حاجة يشوفها في يومه ..هي راحت فين..
عنان لاحظ القميص اللي لابسه واستغرب إزاي نام بيه .. وفجأة ذكريات الليله اللي فاتت بدأت تيجي في عقله .. ده مكانش كابوس دي كانت رؤيه باللي حصل 
هو أخر حاجه فاكرها إنه كان مروح البيت بعد الحفله وفجأة جاله صداع شديد وبدأ يفتكر كل اللي قاله ..
وإزاي چرح رقيه بكلام قاله بدون وعي هو حتي مش عارف إزاي قال الكلام ده ..كإن عقله متبرمج يقول كده
عنان أنا إزاي قدرت أقول كده ..أنا مش فاهم أي حاجه 
عنان بدون تفكير غير هدومه وخرج من البيت بسرعه هو متأكد رقيه راحت فين .....
عند رقيه
حست بإيد بتلمس علي شعرها وخدها وأنفاس 
شخص قريب منها .. فتحت عيونها براحه واتفاجئت بعنان قاعد جنبها عالسرير وكعادة رقيه أول ماتصحي من النوم وتشوف عنان تبتسم ...ولكن بعد ثواني استوعبت هي فين وكل احداث الليله اللي فاتت جت في دماغها 
رقيه فجأة قامت مفزوعه وبعدت عنان عنها 
رقيه باڼهيار انت ايه اللي جابك هنا ابعد عني
عنان بحزن رقيه أرجوكي اهدي شويه واسمعيني بس
رقيه بدموع مش عايزة اسمع حاجه اطلع بره ..أرجوك مش قادرة أشوفك قدامي 
عنان بيحاول يمسكها انتي لازم تسمعيني 
رقيه بعند قولتك مش عايزة أسمع حاجه ولو عندك كرامه امشي من هنا 
عنان كتفها عالسرير وبقا شبه متحكم فيها مش همشي قبل ماتسمعيني رقيه صدقيني أنا مكنتش في وعي الليله دي ومش فاهم أي حاجه 
رقيه وهي بتحاول تفك نفسها والمفروض إني أصدقك بقا صح
عنان أيوة لازم تصدقيني ..لازم تصدقيني لحد ماأفهم اللي حصل في الليله دي ووقتها هقدر أفهمك كل حاجه 
رقيه فجأة سكتت وبطلت ټقاومه وبدأت ټعيط باڼهيار ..كل ما تفتكر أحداث الليله دي قلبها بينكسر ..طيب حتي لو مكانش في وعيه هل هتقدر تسامحه ..هل هتقدر تنسي كلامه 
عنان اتنهد بحزن وۏجع عليها هو كمان قلبه موجوع وهو شايف منظرها كده قومها وقعدها علي حرف السرير وركع علي رجله علي الأرض قدامها ومسك إيدها وقال 
رقيه ارجوكي متصعبيش الموضوع عليا ..وحياتك عندي مكنتش في وعي ..وحياة ابننا حمزه اللي نايم هناك ده أنا مش فاهم ايه اللي حصل الليله دي ولا حتي عارف أنا قولت كده إزاي 
رقيه بدموع حتي لو مكنتش في وعيك ايه مبررك إنك تقول الكلام ده .. الإنسان لما ميكونش في وعيه بيقول الكلام اللي في قلبه يا عنان 
عنان رقيه انتي عارفه كويس إن مش ده اللي في قلبي ..من أول يوم جوازنا وأنا قولتلك إن الموضوع ده مش فارقلي ..وإنك انتي أهم حاجه عندي
رقيه