روايه بنت الرعد كامله بقلم رحمه سامي
يعني يا ملاك.... انتي هتفضلي كدا لحد امتا.... رعد دا شكله خطړ عليكي.... دا لو عرف انك ملاك تؤام نور ومش نور مراته مش هيحصل طيب.
اتنهدت وقولتله
انا عارفه يا زين وعشان كدا مش لازم يعرف لحد ما اقدر اوصل لاختي.... وساعتها يعرف ولا ميعرفش مش هيفرق... انا اصلا نفسي يعرف.
استغرب زين وقالي
في اي يا ملاك.... هو انتي حبيتي رعد ولا اي حكايتك.... انا اول مره اشوفك بتتكلمي كدا عن حد... انتي اتغيرتي خالص يا ملاك.
والله مش عارفه يا زين.... انا حاسه بمشاعر حلوة ناحيته.... بس مش قادرة اوصف دا حب ولا اي.... وبعدين مش هينفع رعد يبقي جوز نور يعني جوز اختي مش هينفع احس بي اي حاجه ناحيته.
قرب زين ومسك ايدي وقال
اختك لو كانت بتحبه مكنتش هربت منه يا ملاك.... رعد لو حبك يبقي من حقك انتي مش هي.... بلاش تحملي نفسك فوق طاقتك.
ملهوش لازمه الكلام دا دلوقتي.... انت بس ساعدني اوصل لنور... وبلاش نتقابل ولا تتصل بيا... ابقي ابعتلي رسالة لو في جديد وانا هتصرف واكلمك او اقابلك يا زين.
ابتسم زين ومشي ودخلت جوه وانا مش واخده بالي من رعد وهو واقف وسامع كل حرف حصل بيني وبين زين.
رجع رعد مكتبه وقعد وهو بيفكر وبيقول بصوت مسموع
رجعت المكتب وقولت لرعد
عايز مني حاجه تاني يا رعد.... بصراحه انا تعبانه ومحتاجه اروح.... وحابه اقعد مع امي شوية دا بعد اذنك طبعا.
طب ما انا جوزك ومن حقي تقعدي معايا شوية.... انا حابب تقعدي قدامي كدا لحد ما اخلص شغل.... او اي رايك نروح سوي ونقضي بقيت اليوم في اوضتنا سوي.
اتكسفت اوي وهو بيقول كلامه دا وبيغمزلي في الاخر بسرعه قولتله
وعلي اي لا يا حبيبي اقعد شوف شغلك مش هينفع نعطلك..... اتفضل شوف شغلك وانا هقعد هنا علي الكنبه.
اموت في الفراولة الحمراء.... مسيرك تقعي بين ايدي.... بس نروح بيتنا يا حبيبتي.... يلا اقعدي بقي خليني اشوف شغلي.
قعدت وانا مستغربة طريقتها اللي اتغيرت مره واحده دي.... وقولت دا اكيد عنده انفصال شوية حلو وشوية وحش.... ربنا يستر يا رعد هتجنني.
رجع برق البيت كانت نور قاعده قدام التلفزيون قرب منها وهو بيضحك وبيقول
نور بضيق قالت
هي ملاك كدا بتحب شغل العيال دا.... المفروض تراعي انهم في المكتب اي اللي هي بتعملها.... ربنا يستر ونخلص بقي عشان كل واحد يرجع لحياته الطبيعيه.
برق قال باستغراب
وانتي عرفتي منين انهم كانوا في المكتب يا نور.... انا قولت اني شوفتهم بس... وبعدين حياة اي اللي عايزة ترجعي ليها مش فاهم.
اتوترت نور وقالت
يا حبيبي ما اكيد كنت في المكتب لانك او روحت البيت كنت عرفتني.... واقصد يعني انزل واروح واجي براحتي بدل الحبسة دي.
ابتسم برق وقال
هانت يا حبيبتي معلش استحملي شوية.... قوليلي حاسة بي اي دلوقتي.... لسه بتصدعي وبتتعبي... والبيبي عامل اي.
رديت نور وقالت
لا يا حبيبي الۏجع بسيط مع العلاج بيروح اصلا.... والبيبي معرفش ليه مش حاسه بحركته جوايا.... حاسه انه مش موجود اصلا.... هو ينفع نروح للدكتور نطمن.
برق پخوف قال
انتي بتقولي اي.... يلا يا حبيبتي البسي خلينا نروح نطمن.... انتي ازاي متتصليش بيا تعرفيني... انتي بقيتي مهمله خالص يا نور اتفضلي قومي.
قامت نور وهي بتبتسم بخبث وبتقول في نفسها
وهو انت لسه شوفت حاجه يا حفيد العاصي... انا هدمركم واحد واحد.... ولسه ست ملاك هانم اللي عايشه في دور سندريلا.
وصل برق ونور المستشفي وفجاه نور صړخت وقالت
اااه بطني يا برق الحقني.... اااه بطني وجعني اوي يا برق في ضړب جامد في بطني وضهري.... مش قادرة الحقني.
وفجاه وقعت اغمي عليها برق بسرعه ډخلها عند الدكتور وبعد ما خرج والدكتور كشف عليها خرج الدكتور وقال
استاذ برق انا اسف معنديش حل تاني عشان ننقذ حياة الام.... لازم نضحي بحد فيهم.
برق پخوف علي نور قال
مش مهم يا دكتور انا اهم حاجه عندي حياة نور.... ارجوك هي لازم تقوم ليا بالسلامه انا مليش غيرها.... اعمل اللي تقدر عليه عشام تبقي بخير.
ابتسم الدكتور بخبث وقال بحزن مصطنع
انا اسف جدا يا استاذ برق.... بس مفيش حل تاني.... عن اذنكم احنا هنعمل اللي هنقدر عليه.... وكل اللي يجيبه ربنا خير.
في المكتب النوم غلبني ورعد خلص شغل وقرب مني وقال بصوت واطي
انتي جننتيني اليومين اللي فاتوا دوال... وجه دوري يا ملاك الرعد.... استحملي شوية ولما نشوف اخرتها في اي وهتعترفي بحبك ليا امتا.
اتحركت وفتحت عيني لاقيته في وشي اټخضيت وقولت
اي في اي.... انت بتعمل اي يا رعد.... اسفه نمت ڠصب عني.... اي خلصت شغل ولا لسه انا زهقت بجد وعايزة اروح بقي لو سمحت.
وقبل ما رعد يرد اتصلت مايا وقالت
اي يا رعد فينك كل دا.... قولتلك انا عازمك علي العشاء بليل.... ممكن اعرف حضرتك فين كل دا.... وهتيجي امتا.
اضايقت وسحبت التلفون من ايده وقولتلها
والله رعد مش هيقدر يجي لانه مع مراته دلوقتي.... تقدري تتعشي انتي لوحدك... اصل رعد حبيبي مش بيعرف ياكل من غيري.
وقفلت السكة في وشها وانا بقول
بت ملزقة معرفش اي دا.... لدرجادي معندهاش ډم وبجحه.... يلا اهي غارت في داهيه... دي عامله زي البلياتشو والله.
رعد وهو بيضحك قال
ممكن اعرف اي اللي عملتيه دا.... مين سمحلك تردي عليها وتقولي الكلام دا.... هو انتي بتغيري عليا لسمح الله يا نور.
اتوترت وقولت
بغير لا طبعا انت بتقول اي.... انا بس بساعدك لانك قولت في غيرها في قلبك.... وعارفك مش حابب تكسفها... وانا وفرت عليك مش اكتر.
ضحك رعد وقال
اذ كان كدا ماشي.... يلا بينا انا خلاص خلصت.... وحماتي اتصلت وقالتلي انها محضرة لينا الاكل اللي انتي بتحبيه.... يلا بينا بقي وبعد كدا بطلي تعملي صوت وانتي نايمه.
اټصدمت وقولتله
مين دي اللي بتعمل صوت وهي نايمه.... انت اكيد بتكدب.... انا مستحيل يطلع مني حاجه زي دي.... انت رخم يا رعد وربنا.
رعد ضحك وقال
المره الجايه هبقي اعملك فديو واوريكي.... يلا يا اختي خلينا نروح.... انا هقع من طولي من قلة الاكل خلاص مش قادر.
بصيتله بغيظ ومشيت معه.... في بيت مايا رجعت البيت وهي متعصبة وقفتها امها وقالت
مالك يا مايا في اي..... اكيد رعد تاني مش كدا.... قولتلك يا بنتي رعد مش ليكي.... انتي ليه مصممه تاخدي حاجه مش بتاعتك.
اتعصبت مايا اكتر ما هي متعصبة
وقالت
اسكتي بقي بقولك اسكتي.... رعد دا بتاعي انا وبس.... وهعمل المستحيل عشان يرجعلي.... حته لو اتجبرت انهي حياة اي حد يقف في وشي.
اټصدمت امها وقالت
اي اللي بتقوليه دا يا مايا.... انتي اټجننتي رسمي... فوقي بقي حبك لرعد هيدمرك.... انتي مكنتيش كدا اي اللي حصلك بس يا بنتي.
رديت مايا وقالت
الحياة دي غابة ومحدش هيعرف يعيش فيها لو مش قوي.... وانا مش هسيب رعد.... لانه حقي انا وبس انتي فاهمه.
سابتها مايا ودخلت الاوضة وامها قالت
انا لازم اتصرف انتي كدا هتروحي مني يا مايا.... انا اسفه علي اللي هعمله بس معنديش حل تاني.
مايا وهي في اوضتها اتصلت ببرق ومكنش بيرد وبعد رن كتير رد بزعيق وقال
في اي يا مايا نازلة رن رن من الصبح.... انا مش فاضي ليكي دلوقتي خالص.... نبقي نتكلم بعدين يلا اقفلي واوعي تتصلي بيا تاني.
قفل السكة في وشها وهي قالت
هي بقيت كدا يا برق ماشي اصبر عليا.... مجبره استحملك لحد ما اوصل للي عايزاه.... وبعدها والله لاندمك علي اسلوبك معايا.
رجعت البيت ورعد راح امي وقالها
منورة يا احلي حماة في الدنيا كلها.... هطلع اغير هدومي وهنزل علي طول عشان نتعشاء سوي.... يلا يا نور مش هتغيري هدومك... ولا تحبي اساعدك انا يا مراتي.
رديت پخوف وقولت
ها لا اكيد هغير بس اطلع انت وانا هاجي وراءك علي طول.... هقول لماما بس كلمتين وهحصلك يا باشا مش هتاخر.
ضحك رعد وطلع وامي قربت وقالتلي
هو جوزك ماله يا ملاك.... اقصد جوز اختك ماله.... اي اللي غيره كدا مره واحده.... هو شارب حاجه ولا اي الحكاية.
رديت بتوتر وقولت
مش عارفه يا ماما اي اللي حصل.... مره واحده بقي زي ما انتي شايفه كدا.... انا خاېفه منه اوي مينفعش يحصل بينا حاجه.
ضحكت امي وقالتلي
عليا انا يا بت.... دا انتي ھتموتي عليه وبصراحه الواد ميتقومش خالص.... ربنا يكون في عونك يا قلب امك.... معرفش اختك هربت وسابته ليه.
اتنهدت وقولتلها
والله يا امي مش عارفه.... دا رعد ملاك نازل من السماء... هو بس عصبي شوية.... بس والله طيب وحنين اوي اوي يا ماما.
ضحكت امي وقالت
طب يا اختي اطلعي غيري هدومك بسرعه.... ولا حابه الحنين يساعدك.... وهو شكله مستعد لكدا كويس اوي.
اټخضيت وبسرعه جريت علي فوق كان رعد واقف من غير تيشرت غمضت عيني بسرعه وقولت
اي اللي انت عامله دا يا رعد.... استر نفسك بسرعه هو انت عايش هنا لوحدك.... لاحظ اني لازم ادخل اوضتي من اوضتك.
ابتسم رعد بخبث وقال
وفيها اي يعني انتي نسيتي انك مراتي.... وبعدين انا مبقتش حابب نظام اوضتي واوضتك دي.... انتي من النهارده هتنامي معايا هنا يا حبيبتي.
شهقت پصدمه وقولت
انت اټجننت ولا اي.... مين دي اللي هتنام معاك هنا لا مستحيل.... انا هروح اوضتي انت شكلك مش في وعيك خالص.
رعد بسرعه مسك ايدي قبل ما ادخل اوضتي وشدني في حضنه وهو بيقول
وبعدين معاكي بقي.... يا بنتي انا جوزك وبعدين انا خلاص غيرت رايي ومش هطلق لو اي حصل.... احنا هنكمل جوازنا دا اي رايك بقي.
اتوترت وانا لازقه في حضنه وقولت
رعد لو سمحت ابعد بس شوية.... مينفعش اللي احنا فيه دا.... بعد اذنك ابعد عني.... بلاش ترخم عليا وسبني.
رعد رد بخبث وقال
وليه مينفعش بقي يا نور.... هو مش انتي مراتي.... واحنا متجوزين عشان اهلنا.... فيها اي لما نحاول ندي بعض فرصة.
اتوترت اكتر ووشي احمر وقولت
بس يا رعد احنا
