روايه وقعت في حب خادمتي بقلم فرح القصاص مكتملة الجزء التاني
كان متعصب جدا بس خوفه كان اكبر علي ابنه وقال عمار پحده لزكريا
عمار
الولد فين يا زكريا..
زكريا بجمود
اهلا اهللا طيب بما انكم مع بعض يبقي تنفذو اللي هقوله بالحرف الواحد
_كان يقصد بكلامه يونس وعمار بس التلاته بصو للموبيل بأهتمام وقلق وهو قال
زكريا
الساعه ٧ بالليل تيجي يا ابو يزن ومعاك اخويا ومعاه العقد اللي بيتنطط بيه ده وهبعتلكم العنون ولو بقي عملتو فيها ناصحين عليا انا هعرف اخلص نفسي بس الولد الصغير الامور ده هيروح في الرجلين تمام
ما حدش هيعملك حاجه وكل اللي عايزه هنعمله بس ابني ما تحصلوش حاجه
زكريا ببرود
بالليل هبعتلكم العنوان
_قفل في وشهم كالعاده ويونس بص لعمار پغضب وقاله
يونس
انت السبب وانت اللي تحل الموضوع مع اخوك
عمار بضيق
حاضر
وبص لعز الدين وقاله
خليك انت هنا وانا همشي ووقت ما يكلمك يا يونس كلمني وانا هجيلك
طلع يونس وهو مدايق وقال عز لعمار
عمار اتنهد بضيق وقال
ماشي يا عز خليك انت هنا بقي ولو في حاجه كلمني..
_قال كلامه ومشي وعز الدين رجع مكتبه وكانت فيروز بتتكلم في الفون وهي مدايقه ولما شافته قالت لمامتها
فيروز
خلاص يا ماما اكلمك وقت تاني.
فيروز
خير يا عز بيه حضرتك تؤمر بحاجه
عزالدين
هو انتي عندك مشكله لو طلبت من عمار انه يدور علي سكرتيره تانيه وانتي تفضلي معايا هنا..
فيروز بتوتر
ااا اللي يشوفه عمار بيه انا موافقه بيه
عز الدين
خلاص تمام يبقي هنكمل سوا كنتي بتكلمي مين بقي..
نعم..
عزالدين
كنتي بتكلمي مين وشكلك مدايق كده فيروز بجديه
لو حضرتك اخدت بالك انا كنت بقول يا ماما فأكيد كنت بكلم ماما يعني
عز الدين
اممم انتي ليه بومه كده يا فايزه!
فيروز بضيق
اولا اسمي فيروز ثانيا ازاي يعني بوومه مش فاهمه
_فتح كاميرة موبيله ووقف جنبيها وحط الموبيل قدامها وقال
عز
بزمتك
دي خلقه اصطبح بيها كل يوم في الابتسامه الرقيقه اللي تفتح النفس
والله انا جايه هنا اشتغل مش جايه اوزع ابتسامات ولو حضرتك مش عجباك خلقتي امشي انا واختار انت سكرتيره علي مزاجك
عز بجديه
لا هو انا لسه هدور وبعدين بهزر معاكي احنا بنشتغل سوا ولازم تكون علاقتنا حلوه مش علي طول قالبه خلقتك عليا كده
فيروز بسخريه
ده مالوش علاقه بالشغل انا شكلي كده وقولت لحضرتك لو مش عاجبك شوف غيري
ده الملف اللي حضرتك هتبعته للحسابات فيه خمس غلطات كانو هيعملو مشكله كبيره ياريت حضرتك تاخد بالك او تقولي اراجع وراك ديما
عز بغيظ
وربنا هي..
فيروز
هي مين
عز بخبث
ابله فايزه مديرة المدرسه بتاعتي زمان نفس البوز اعوذ بالله
_قال كلامه وهو بيضحك ودخل مكتبه وهي ابتسمت بهدوء وقعدت علي مكتبها تكمل شغلها
بقلم_الكاتبه_رحاب_القاضي
_في بيت المنشاوي
كان عمار قاعد مع ابوه هناك وهو مدايق جدا بعد ما قاله علي اللي عملو زكريا..
عمار
ايه يا بابا ساكت ليه
المنشاوي بضيق
واقول ايه يا عمار انت السبب في كل اللي بيحصل ده
عمار پصدمه
ايه اناليه هو انا اللي كنت قولتله يخطف عيل صغير ويوجع قلب ابوه وامه عليه
المنشاوي پحده
ايوه انت بحاول احلي في صورتك قدام اخوك بس الحقيقه لا انت اللي غلطان ياما كنت بقول كتير عشان ما تكرهوش بعض اكتر من كده وبرضو كنت بقولك خاف علي اخوك يا عمار انت الكبير وانت ولا سمعت كلامي وضيعته
عمار بدموع
هو الكبير ده مش من حقه يتعب او طاقته تخلص ليه ديما هو اللي لازم يضحي انت نفسك لما هو زعل سيبتني وجيت ورااه هنا ونسيت ان انا كمان ابنك...
المنشاوي پحده
هو كان موجوع منك ما كنتش اقدر اسيبه
عمار بلوم
وانا كنت هتجنن من خۏفي ان كل تعبي يضيع بسبب غلطه عملها ابنك كنت محتاجلك جنبي بس انت زعلت علي زعله وقتها وسيبتني لوحدي انا وابني وانا اتحملت وجيت اصالحكم واعتذرتله بدل المره عشره اعمل ايه تاني
المنشاوي
بس اعتذارك ده جه متأخر يا عمار جه بعد ما اخوك راح في سكه ضلمه..
عمار بسخريه
برضو انا اللي هتحمل غلطه طيب يا بابا اطمن انا هتصرف واحل الموضوع ده ارتاح انت
_ قال كلامه وطلع وهو مدايق جدا وفي الوقت ده في شركة يونس
كان قااعد مع يوسف اللي بيحاول يواسيه علي ابنه اللي لحد دلوقتي مخطۏف ومش عارف يرجعه
يوسف
هو مش وحش لدرجة انه يأذي طفل يا يونس فاطمن..
يونس بضيق
اطمن ازاي بس ده مچرم واللي عنده ده يزن اللي اصلا العلاقه بينا متنيله لوحدها
يوسف بحزن
والله مش عارف اقولك ايه بس يمكن ده حصل عشان بعد ما يزن ان شاء الله يرجع تحاول تصلح كل حاجه بينك وبينه لان هو بيدفع تمن غلطك يا يونس مع البت اللي اسمها مايا دي_ رن موبيل يونس بوصول رساله مسك موبيله بسرعه ولقاها من رقم زكريا وفيها العنوان اللي هو فيه وبعدها بعتله رساله صوتيه بيقولو فيها
زكريا
تجيب عمار معاك وتيجي لوحدكم وانا متابع كويس كل حركه بتتحركوها فبلاش تغلط ده لو عايز تشوف ابنك تاني.
يوسف
انا هاجي معاك يا يونس
يونس بجمود
لا انت تروح عند شهد في بيتي وتخليك معاهم وتقولهم اني جايب يزن وجايعشان ما اكونش قلقان عليهن..
يوسف بقلق
طيب خلي بالك من نفسك يا صاحبي
_ابتسمله يونس بهدوء واخد بعضه ومشي راح لعمار ورااح للمكان اللي قاله عليه زكريا وكانت شقه في مكان مقطوع وفي دور ارضي
دخل هناك عمار ومعاه يونس وكان المكان فاضي وما فيش حد..
يونس پغضب
هو اخوك بيلعب بينا ولا ايه
عمار بقلق
مش عارف بس ااا
_ قبل ما يكمل كلامه لقي في اربع شباب دخلو عندهم كل واحد منهم قد الحيطه وقفلو باب البيت عليهم وقال واحد منهم..
الولد
زكريا موصينا عليكم اوووي وطالب انكم تتروقو علي الاخر
ضحك عمار بهدوء ويونس قال بغيظ
انت بتضحك علي ايييييه ده احنا هنتروق.
_قلع عمار جاكيت بدلته وقلع الساعه بتاعته وحطهم علي جنب في الارض وقال ليونس
عمار
نصيحه ليك شيل اي حاجه مهمه علي جنب زي ما انا عملت كده مس هتبقي خساره من كل ناحيه
يونس عمل زيه وقال بقلق
الله يخربيت معرفتكم
_ وفي مكان تاني قريب منهم كان زكريا قااعد هناك ومعاه عماد اللي قاله
عماد
ما تشوف يا عم الواد اللي قاعد جوه في الضلمه ده لا صوت ولا خبر
زكريا
خليه يخااف اكتر عشان ابوه يفكر مليون مره قبل ما يلعب معايا تاني
عماد بضيق
بس ده عيل صغير
زكريا پحده
واختك كانت صغيره برضو علي اللي انا وانت عملنااه فيها ف ما تعملش فيها حنين دلوقتي
عماد بضيق
صح افتكرت مش انا عرفت ان ابويا قبل ما ېموت قسم الورث بينا بالتساوي وطلع ما كانش افلس وكمان في شرط في الوصيه ان لو انا ومجدي اذينا جهاد الورث كله هيروح لجهاد وشيماء بسبس مجدي وشيماء خدو هما الجمل بما حمل لوحدهم
_بصله زكريا بأهتمام بس في الوقت ده دخلو رجالته ورمو عمار ويونس علي الارض والاتنين كان وشهم كله كدمات وقام زكريا ووقف قدامهم وقال
زكريا
ايه يا رجاله المنظر ده مش حرام الكيوت دول يحصل فيهم كدا
قام يونس وهو بيمسح وشه من الډم وقاله
ابني فين.
بص زكريا لعمار وقال
العقد فين
_طلع عمار العقد ورمااه علي الارض قدامه مال زكريا علي الارض ومسكه فتحه وابتسم بأنتصار وفطعه ورمااه علي الارض تاني وراااح قعد جنب عماد وحط رجل علي رجل وقال.
زكريا
بعد كده اللي هيقف في سكتي مالوش عندي علقھ او خطڤ لا انا بخلص علي طول.
يونس پحده
ابنيييي فين
عماد
في الاوضه دي اللحقه احسن من لما جه قااعد في الضلمه يا حرام
يونس پغضب
انتو اييييه شياطين ده عيل صغير
_جري يونس علي الاوضه اللي فيها ابنه واول ما فتح الباب ودخل اتنفض قلبه پخوف لما لقي يزن قااعد في زاويه اخر الاوضه وبيعيط وبيتنفض بطريقه صعبه فتح نور الاوضه من بره ودخل وقرب منه وقعد قدامه وقال بدموع
يونس
ما تخافش يا حبيبي انا جيت
يزن پبكاء
انا عع عايز مم ماما..
_قومه يونس وخده في حضنه ودموعه نزلت بحزن علي الحاله اللي وصل ليها ابنه بسببه هو وشاله علي ايده وقام وقف وقاله بهدوء..
يونس
ما تخافش طيب وانا معاك اهو وهوديك لماما وهعملك كل اللي انت عايزه
يزن بدموع
مم مش هتخليني اا اقعد في الضلمه تت تاني
يونس بحزن
لا والله مش هسيبك لوحدك ولا هخليك تخاف تاني
_ وخده وطلع بره ولقي عمار لسه مستنيه فقرب منه وادااه يزن وراح بكل ڠضب مسك زكريا من هدومه فجات رجالتله تقرب منهم عشان يبعدو عنه يونس بس زكريا شاورلهم ما يتدخلوش وقال يونس پغضب
يونس
اقسم بالله لاندمك بدل المره الف علي كل لحظه ابني خاف فيها يا ابن المنشاوي..
_ وزقه جامد ووقعه علي الكنبه وبعدين راح اخد ابنه من عمار ويزن لاول مره حضنه بهدوء وهو خاېف من الكل معادا ابوه اللي جه واخده ودافع عنه...
جه يونس يركب العربيه بس عمار قاله
استني هات المفتاح انت خليك مع
ابنك وانا هسوق
يونس
طيب جيبت حاجتنا من جوه ولا لا
عمار
عندك في العربيه الناس دول محترمين اووي جابو الحاجه بنفسهم في العربيه
_حط يونس ايده علي وشه اللي كان فيه كدمات وقال پألم
يونس
امم واضح يلا بينا
وبعد شويه وصل يونس البيت وكان يوسف وهناء مستنينه
_قربت منه هناء واخدت يزن اللي كان نايم وقالت بقلق
هناء
بسم الله الرحمن الرحيم ماله الواد يا يونس
يونس
مالوش بس نام مني في الطريق
يوسف بهدوء
حمدلله علي سلامته بس انت مال وشك هو ايه اللي حصل
يونس
بعدين يا يوسف فين شهد
هناء
يوسف نايم فوق فلما عرفت انك قربت من البيت قالت تطلع تجيبه عشان تمشي علي طول لانها اتأخرت وما قالتش لاخوها حاجه..
يونس اخد منها يزن تاني وقال
هاتيه انا هطلعه انيمه جنب اخوه هي عايزه تمشي تمشي لوحدها..
هناء بقلق
قصدك ايه يا واد انت..
يونس وهو طالع فوق
اللي سمعتيه يا ماما هناء...
هناء بغيظ
الله يخربيت امك يا شيخ لازم يعمل مصېبه ما يقعدش هادي خالص..
يوسف
شهد هتعرف تتصرف معاه ما تقلقيش انا همشي بقي محتاجه مني حاجه يا طنط هناء..
هناء
لا يا ابني عايزااك طيب خلي بالك وانت ماشي وسوق براحه وسلملي علي بنت عظيمه..
يوسف بهدوء
حاضر...
_ مشي يوسف وطلع يونس فوق ودخل اوضة ولاده لقي شهد بتحاول تصحي يوسف فقالها وهو بينيم يزن علي سريره.
يونس
سبيه هيباتو هنا النهارده..
_قامت شهد وقعدت جنب يزن وباسته بدموع وقالت...
شهد
هو كان فين بالضبط..
يونس بهدوء
سبيه طيب نايم وهو كويس ولما يصحي هيقولك كل حاجه...
شهد
انا لازم اخدهم وامشي صبري كلمني اكتر من مره ومتعصب جدا وانا ما قولتلوش حاجه وو..
يونس بجديه
ولادي هيباتو هنا النهارده مش هصحيهم
