روايه وقعت في حب خادمتي بقلم فرح القصاص مكتملة الجزء التاني
بحيث كده دارين هتكون معاك لحد ما يونس يرجع...
_ قال كلامه وسابهم ومشي ودارين بصتله بغيظ وزكريا قرب منها وقال..
زكريا
ما فيش داعي تتوتري كده انا مش لسه زكريا بتاع زمان..
بصتله بسخريه وقالت
عارفه وباين جدا انك اتغيرت..
زكريا بهدوء
بفضلك انتي وعمار كل واحد فيكم دوره جااي..
مشي قدامها وقال
تقدري تشوفي شغلك وانا هكتشف المكان بنفسي يا انسه دارين..
زكريا
هو انت ليه مش مدير رسمي هنا...
يوسف بهدوء
وده يخصك في ايه..
زكريا
اللي زيك هيفضل كده نمبر تو عشان نضيف...
يوسف بضيق
انت تقصد ايه بكلامك ده..
زكريا
قهوه مظبوط احب اشرب قهوه مظبوط..
_ طلبله يوسف قهوه وهو طلع موبيله ولقي
رساله من سماح. بتقوله فيها..
سماح
النهارده هنروح لعماد بيته والسهره هناك...
_ ما ردش عليها بس علي ذكرها لعماد جات في باله جهاد وابتسم بهدوء وفي الوقت ده يوسف قاله..
يوسف
عجبك مكتبي مش كده..
زكريا وهو بيبص للمكتب
حلو مش بطال محتاج شوية تعديلات...
ما فهمش يوسف كلامه وزكريا قاله
هو انت بتثق في يونس لحد اد ايه..
اخويا ومستعد ابيع عمري كله عشانه...
زكريا بخبث
طيب وهو..
يوسف بضيق
انت بتلمح لايه..
زكريا مسك فنجان القهوه وقال
ما حدش بيتوجع اووي وبياخد الدرس صح غير لما بيثق في حد اووي...
_ قلق يوسف من كلامه بس سكت وما ردش عليه وفضل انه يكمل شغله احسن..
بقلم_الكاتبه_رحاب_القاضي
_ قدام شقة صبري..
اسر
عم يونس وحشني والله..
يونس
ابوك جوه يا اسر...
اسر
لا مش جوه بس بيجهز عشان نازل الشغل..
دخل يونس ولقاهم كلهم بيفطرو وشهد بتأكل ولادها ويوسف اول ما شافه جري عليه وقال بلهفه..
وحشتني اووي يا بابا..
يونس بهدوء
وانت كمان يا حبيبي اقعد كمل فطارك..
صبري
اتفضل معانا يا يونس...
يونس
عايز اتكلم معاك انت واختك بعيد عن العيال..
صبري بهدوء
تعالي يا شهد.. اعمليلنا شااي يا ام اسر..
زهره
من عينيا يا اخويا علي طول اهو..
_ قامت شهد وقعدت في الصاله مع صبري ويونس اللي قال لصبري بجمود..
يونس
صبري بضيق
وانت خنتها عرفت غيرها وعاشرت غيرها يا ابن الصاوي غلطت في حقها وحق ربنا قبلها وطلبت منك الطلاق بالذوق ركنتها وما عبرتهاش يبقي القانون بقي يخلصكو من بعض..
يونس پحده
هو انت عمرك ما غلطت في حق مراتك انا غلطت وغاطه كبيره بس بقالها سنين وكان غلط بعذر وقتها وهي عارفه..
شهد بدموع
لا مش عارفه حاجه ومش شايفه غير انك روحت لغيري وانا علي ذمتك قولت لوحده غيري بحبك لمست ست غيري وكل المشاعر اللي عشتها معاك وانا مراتك واحده غيري عاشتها معاك في الحړام..
دموعها نزلت وقالت بنبره مهزوزه
انا قلبي مش رخيص عشان اكمل معاك ولا اقبل ارجعلك فلو عندك ډم وكرامه طلقني...
يونس بجمود
انتي طالق يا شهد..
اتملت عيونه دموع وقال
ارتاحتي كده...
_حست للحظه ان الدنيا وقفت حواليها وحست ان الكلام مش راضي يطلع منها وهو قام وقالها...
يونس
وقت ما الولاد يحبو يشفوني كلميني وكل اللي يحتاجوه مسؤليتي انا وحقك هيوصلك..
_ خلص كلامه ومشي وهي كانت لسه قااعده مكانها قعد صبري جنبيها وقالها..
صبري
مش ده اللي انتي كنتي عايزااه اوعي تكوني زعلانه..
شهد ابتسمت وردت عليه
لا بالعكس انا مبسوطه جدا هقوم اشوف الولاد عشان ما يتأخروش علي المدرسه..
_ قامت شهد وراحت لولادها وكانت بتتعامل بهدوء شديد وبعد ما ولادها مشيو دخلت اوضتها وقفلت الباب وراحت قعدت علي السرير وبصت للدبله اللي في ايدها الشمال وفضلت ټعيط وافتكرت اللي حصل من سنين لما يونس جابلها دبله جديده..
_ فلااش بااك..
يونس
يا بنتي دي الماااظ وبتقوليلي مش عايزااها..
شهد
ايوه عشان بحب الدبله بتاعتي..
يونس
يس دي شكلها احلي واشيك واغلي..
شهد
مش بالشكل ولا بالتمن بالقيمه واول دبله لبستها في ايدي كانت دي ومنك انت فبالنسبالي مميزه وطول ما انا مراتك مش هقلعها من ايدي خالص..
يونس غمزلها وقال
كده هتفضلي عمرك كله لبساها..
شهد ابتسمت وقالت
طموح اووي انت..
يونس قعد جنبيها وخدها في وقال
ده ڠصب عنك علي فكره هو انتي تقدري تسبيني ولا انا هسمحلك تسبيني..
شهد ضحكت وقالت
هههههه اطمن قااعده علي قلبك لاخر عمري..
_ بااااااااك...
_قلعت الدبله من ايدها وشالتها
في الدرج جنبيها ونامت وكل ذكرياتها معاه بتتعاد قدامها..
بقلم_الكاتبه_رحاب_القاضي
_في شركة عمار المنشاوي..
وصل عمار الشركه واول ما دخل مكتبه لقي فيروز وجميله كل واحده مندمجه في شغلها بس فيروز لما شافته قالت..
فيروز
حمدلله علي سلامتك يا عمار بيه..
رد عليه وهو عينيه علي جميله
الله يسلمك يا فيروز..
وقرب من جميله وقالها بصوت واطي
كلمتك كتير بالليل ما كنتيش بتردي..
جميله بهدوء
ما سمعتش الفون خير حضرتك في حاجه..
عمار بضيق
كنت هعتذرلك علي كلامي امبارح وو..
وقغت وقالت بهدوء
حصل خير يا عمار بيه اتفضل وانا هجيب لحضرتك القهوه..
عمار بغيظ
ماشي بسرعه..
دخل عمار مكتبه وفيروز قالت
هو ايه اللي حصل احكيلي..
جميله بحزن
ما فيش حاجه بس قررت اركز في شغلي وابقي جد. شويه..
فيروز
يعني هتبطلي تقوليلي ساره مكاتب..
جميله
بخبث لا طبعا ايه العلاقه اصلا..
فيروز بغيظ
امشي يا جميله من وشي..
_ ضحكت جميله وراحت عملت القهوه لعمار وخبطت علي باب المكتب ودخلت حطت القهوه قدامه وقالت..
جميله
حاجه تاني يا عمار بيه..
عمار بضيق من طريقتها
لا بس القهوه دي بوش هو مش انتي اللب عملاها...
جميله
انا بعتذر لحضرتك بس انا مش جايه هنا اعمل قهوه لحد الاوفس بوي هيعملها وانا هجيبها لحضرتك بعد اذنك هروح اشوف شغلي..
عمار جز علي سنانه بغيظ وقالها
تمام اتفضلي..
_ طلعت جميله وابتسمت بأنتصار ومسكت موبيلها وقالت لشهد بصوت واطي..
جميله
الخطه نجحت با برووو وسيبااه شايط جوه...
بقلم_الكاتبه_رحاب_القاضي
_قدام شركة احمد العدوي..
وقف مروان بعربيته هناك وكانت جنبيه ايتن المدايقه جدا ومروان قالها....
مروان
يا بنتي اسمعي كلامي وخليني اروح معاكي..
ايتن بحزن
لا هيعمل مشكله لو شافك معايا انا هروح واجي بسرعه وكلمت حسين وهو مستنيني جوه..
مروان
طيب بسرعه هي ربع ساعه اتأخرتي عن كده انا هاجي اخدك....
ايتن
ان شاء الله مش هطول..
_ نزلت ايتن ودخلت شركة عمها وقابلت حسين اللي كان واقف مع الموظفين قربت منه بسرعه وقالت..
ايتن
ازيك يا حسين عامل ايه..
ابتسم حسين وقال
الحمد لله يا ايتن نورتي شركتك..
ايتن بسخريه
شركتي حته واحده بلاش تقول الكلام ده قدام لاحسن يزعل..
حسين
بس دي الحقيقه ڠصب عن اي حد..
ايتن
ممكن طيب تيجي معايا عشان اخد الفلوس واروح..
حسين
من عينيا يا ايتن سمعت ان جميله اشتغلت في شركة عمار المنشاوي..
ايتن
ايوه اهي بتجرب..
حسين
انا كان نفسي تبدأ هنا وانا كنت هساعدها ومش هسيبها ابدا..
ايتن
خلينا دلوقتي بعيد عن الشركه وكل حاجه بتيجي في وقتها...
_ ووصلو عند مكتب احمد ودخلو هما الاتنين وهو كان بيتكلم في الفون مع حد وبيضحك ولما شاف ايتن اتنهد بضيق وهي بان عليها الخۏف منه ووقفت ورا حسين...
احمد
خلاص يا باشاا انا وقت تاني هكلمك ونتفق مع السلامه..
قفل احمد مع اللي بيكلمه وقال لايتن
ازيك يا بنت الغالي نورتينا..
حسين
ايتن كانت جايه عشان اا..
احمد
روح انت شوف شغلك وهي فيها لسان تتكلم بيه..
حسين
حاضر يا بابا بعد اذنك..
طلع حسين وايتن كانت خاېفه جدا واحمد بصلها وابتسم بمجامله وقال..
احمد
اقعدي يا ايتن انا عايز اتكلم معاكي شويه..
ايتن پخوف
ااا انا متأخري وعندي سنتر وو..
احمد
اسمعي الكلام يا بنت هو انا هاكلك..
قعدت ايتن قدامه وهو قالها
انتي ناويه تدخلي كلية ايه..
ايتن
هندسه ان شاء الله..
احمد
لا هتدخلي تجاره زي اختك وهدخلك خاص كمان..
ايتن بحزن
بس انا حلمي ادخل هندسه...
احمد
انا افهم اكتر منك يا ايتن وبعدين انا بقول عليكي عاقله اكتر من اختك وهتسمعي الكلام من غير ما تتعبيني..
ايتن بضيق
ان شاء الله ممكن تديني الفلوس عشان امشي....
_ طلع احمد فلوس من الخزنه وحطهم علي المكتب قدام ايتن وقالها..
احمد
خدي اقل شويه من المره اللي عدت بس معلش قولي لامك عمي ظروفه صعبه..
اخدت ايتن الفلوس وقالت بدموع
حاضر بعد اذن حضرتك..
_ قالت كلامها واول ما فتحت
الباب لقيت مروان واقف قدامها..
ايتن
انت جيت ليه انا نازله اهو..
بص لعمها پحده وقال
اتأخرتي فقلقت عليكي..
قام احمد وقرب منهم وقال
مين الولد ده يا ايتن..
ايتن بقلق
دد ده مروان المنشاوي...
مروان بهدوء
انا زميل ايتن في المدرسه وطنط فريده طلبت مني اوصلها وارجعها البيت تاني..
ايتن
بعد اذن حضرتك يا عمي..
_ونزلت هي ومروان واول ما ركبو العربيه قالها بضيق.
مروان
الراجل ده انا مش بطيقه..
ايتن
ولا انا برضو المهم يلا بينا عشان ما نتاخرش علي السنتر..
مروان ابتسم وقالها
هنضرب كشړي وقصب الاول..
ايتن ابتسمت وقالت
لا اذا كان كده نكنسل السنتر اصلا..
بقلم_الكاتبه_رحاب_القاضي
_بالليل في شركة يونس الصاوي..
طلع زكريا وقبل ما يركب عربيته وقفته دارين اللي قالت..
دارين
استني يا زكريا لو سمحت..
قفل باب العربيه وقال
نعم..
دارين
ايه اللي انت طلبته من يونس ده..
زكريا
ايه اللي يخليكي تسيبي شركة ابوكي وتيجي تشتغلي عند يونس الصاوي عاجبك مش كده...
دارين بتوتر
حاجه ما تخصكش رد علي سؤالي يعني ايه عايز تبقي مكان يوسف انت عايز تفرقهم ليه بتعمل كده حرام عليك...
زكريا بجمود
حاجه ما تخصكش...
دارين
تمام بس يونس مش هيوافق ده صاحبه وعشرة عمره..
زكريا بسخريه
بيبقو اخوات ومن ډم واحد وبيبيعو وبتبقي حبيبه والدنيا كلها وبتطلع ندله...
_ بصلها پحقد وركب عربيته ومشي ودارين كانت واقفه مدايقه جدا ويونس جه وقف جنبيها وقالها..
يونس
دارين انا عايز اعرف كل حاجه بيعملها زكريا تفتكري مين ينفعني في موضوع زي ده..
دارين
مش عارفه بس زكريا في حاجات كتير بيعملها غامضه وما حدش بيعرف يوصله فيها..
يونس
طيب انا عايز اعرف حاولي تتصرفي.
دارين
حاضر.. هو انت مروح يعني تاخدني في طريقك..
يونس
طيب تعالي...
_ ابتسمت دارين بحماس وراحت معاه...
بقلم_الكاتبه_رحاب_القاضي
_في بيت عماد..
كانت جهاد علي طول قاعده في اوضتها وعماد قاعده علي طول بره في الصاله يا لوحده يا معاه سماح وفي يوم كانت قاعده بتصلي وماكسه المصحف بتقرأ فيه ودموعها علي وشها وفجأه الباب فضل يخبط جامد طلعت لقيت اخوها في الحمام فراحت فتحت بعد ما ظبطت الحجاب بتاعها واول ما فتحت الباب اټصدمت انها شافت زكريا واقف قدامها ومعاه سماح اتنفض جسمها پخوف وقالت..
جهاد _
انتو بتعملو ايه هنا عايزين ايه..
ضحكت سماح وقالتلها _
ههههههه هنكون عايزين ايه يا ست الشيخه وسعي كده اخوكي قال انه مستنينا..
_سابتهم جهاد ودخلت اوضتها وحطت الكرسي ورا الباب وقعدت خاېفه منهم ومن اخوها كمان وبره كان زكريا قاعد مستغرب هي البنت اللي راحتله دي بتعمل ايه في بيت عماد وليه لابسه كده فسأل سماح وقال..
زكريا_
بت يا سماح هي مين البنت اللي فتحت الباب دي وبتعمل ايه هنا عند بيت عماد..
ردت عليه سماح بسخريه وقالت _
دي الست الشيخه جهاد اخت عماد...
وقف زكريا وقال پصدمه _
اييييه اخته ازاااي يعني..
سماح
هو ايه اللي ازاي يعني بقولك اخته هو انت ما تعرفش ان اخته قاعده معاه هنا..
_اتنهد زكريا بضيق وسابهم ومشي وهو بيقول في نفسه ازاي يبعتله اخته ازاي قدر يعمل
