روايه وقعت في حب خادمتي بقلم فرح القصاص مكتملة الجزء التاني
مع يونس في مطعم وهي ماسكه ايه وصوره تانيه وهما بيضحكو.. وبعدها في رساله مكتوب فيها..
حتي لو عملتي بلوك للرقم ده مش هيغير حقيقة ان يونس مش بيحبك يا مدام شهد..
رمت الموبيل جنبيها وقالت پبكاء
بس بقي كفااااايه... كفاااااااايه..
بقلم_الكاتبه_رحاب_القاضي
_ وفي بيت عماد كان قاعد مع سماح وقالتله پحده..
لا يا حبيبي انا اجيبلك منين فلوس كل شويه ده انا ليا عندك شئ وشويات...
عماد. بضيق
وانا اجيب منين الفلوس اللي اخدتها من ورث ابويا سدت بيها الديون اللي عليا...
سماح بخبث
طيب ما انت عندك اللي تاكل من وراها دهب..
عماد بعدم فهم
انتي قصدك مين يا بت يا سمااح..
سماح بخبث ردت عليه وقالت
انا قصدي البنت الحلوه الصغيره اختك دي لو سيبتهالي والله اخليك تمسك فلوس عمرك ما كنت تحلم بيها..
انتي اټجننتي يا بت انتي في دماغك ولا ايه انتي ازاي عايزه تخلي اختي تشتغل زيك..
سماح بغيظ
بقي كده يا عماد طيب وحياة امي ما انا غير لما تدفع اللي عليك...
خاف عماد وقالها
ايه بس يا سماح انا ما اقصدش ازعلك بس دي اختي وصية ابويا ما اقدرش اعمل فيها حاجه...
سماح پحده ردت عليه وقالت
_سابته سماح ومشيت وكان هو قاعد مدايق ومش معاه اي فلوس وكلم زكريا وقاله..
عماد
ايوه يا زكريا انت مش كنت عايز وحده من اللي عند سماح الليله دي...
رد عليه زكريا
ااه بس سماح كل اللي عندها يسدو النفس..
اتنهد عماد وقاله
زكريا
ياا عم ابعت بس وانا اشوف وعلي حسب ما تعجبني ابعتلك وانت عارفني بقدر الجمال كويس....
_قفل مع زكريا وبعدين طلع خبط علي اوضة اخته جهاد فردت عليه وقالت..
فتحت جهاد. الباب وقالتله
عايز ايه يا عماد..
عماد بخبث
لا ابدا يا حبيبتي
عايزك بخير انا بس كنت عايز اقولك متزعليش مني انا بس كنت مدايق بسبب الشغل وقولتلك كلام سخيف..
المشكله مش في كلامك بس يا عماد البنت اللي بتجيلك دي...
عماد بخبث قالها
اسكتي مش دي مراتي هظبط بس اموري وهتجوزها قدام الناس بس انتي بلاش تزعلي هو انا ليا غيرك يا اختي..
جهاد بضيق ردت عليه وقالت
خلاص يا عماد انت عايز حاجه اعملهالك..
عماد بتوتر
اا انتي مش كنتي بتدوري علي شغل مش انا لقيتلك شغل بفلوس حلوه..
طيب ماشي موافقه بس الشغل ايه هو..
ادايق عماد من نفسه وقالها
خلاص خلاص يا جهاد. بعدين..
_سابها وراح قعد في اوضته وكان تعبان اووي وطلع لقي جهاد قاعده قدام التلفزيون فقالها..
عماد
بقولك يا جهاد كنت عايز ابعتك مشوار...
جهاد
حاضر يا عماد بس مشوار ايه..
رد عليها عماد وقال بخبث
_تفتكرو هيحصل ايه..
بقلم_الكاتبه_رحاب_القاضي
_وفي السنتر اللي بتاخد فيه ايتن ومروان دروسهم..
كانو طالعين مع بعض وهو قالها..
مروان
خلاص هبقي اشرحهالك مره تانيه بس عشان تتأكدي اني بفهم اكتر منك..
ايتن
علي مره واحده يا مروان طيب ما انا علي طول بشرحلك..
مروان
وطي صوتك طيب ليه الفضايح دي تيجي نضرب كبده..
ايتن
للاسف متأخره وماما بتزعل اما بتأخر عن كده..
_قبل ما يرد عليها مروان جم وقفو معاهم اتنين من زمايلهم وقال واحد منهم..
ايهاب
ايه يا مارو مش كنت تقولنا ان طنط امك اتجوزت كنا جينا عملنا الواجب..
ادايق مروان وقال الولد التاني
يعم هنعمل الواجب امتي ولا امتي بس دي كل سنه بتتجوز سبع رجاله..
ضحك ايهاب وقال
رجاله ايه بس دول اصغر مننا تقريبا..
اتحولت ملامح مروان للڠضب وايتن قالتله بقلق
تعالي يا مروان نمشي عشان خاطري..
ايهاب
الا قولي يا مروان هي امك مدام بتحب العيال كده ما فضلتش ليه مع ابوك واهو علي الاقل كانت تربيك انت بدل ما تربي الغريب..
_ خلص كلامه وفضل يضحك هو وصاحبه ومروان بكل قوه وڠضب لكمه في وشه وفضلو يتخانقو..
_خافت ايتن جدا وخصوصا لما الموضع زاد عن حده وما حدش كان عارف يوقف مروان فطلعت موبيلها وكلمت عمار...
_ وعند عمار كان في شركه تانيه ومعاه جميله بيحضرو الاجتماع وكان عامل موبيله صامت وجميله قاعده جنبيه وميلت عليه وقالت..
جميله
هو ايه ده يا اخويا هو كله كده انجليزي..
عمار
اوعي تكوني مش فاهمه انجليزي اومال تعليم خاص ازاي..
جميله بضيق
لا فاهمه بس انا كنت بسقط كتير وبعدين دخلت المدارس الخاص وانا صغيره وكملت تعليمي في حكومي معادا الجامعه..
عمار بهدوء
طيب خلاص اقعدي ساكته وانا هركز..
جميله
طيب انا جعانه والناس دي بخيله اووي الا حتي من لما دخلنا ما وزعو علينا دور شاي..
عمار بنفاذ صبر
طيب روحي الكافيتريا واطلبي اللي انتي عايزااه..
جميله بغيظ
هو انت مالك بتتكلم كده وكأنك مش طايقني قول كده بقي انت كنت عايز ساره مكاتب النسخه المحليه..
عمار بعدم فهم
مين ساره دي جميله اطلعي بره..
جميله بغيظ
ماشي طالعه بس اللي ما يندمش..
_ طلعت جميله بره وهو فضل يتكلم مع اصحاب الشركه التانيه وفجأه دخلت جميله وهي بتجري وقالت..
جميله
الحق يا عمار ابنك الصايع پيتخانق قدام السنتر واختي معاه..
قام عمار وقال بفزع
مروان ماله في ايه..
بقلم_الكاتبه_رحاب_القاضي
_ رجع يونس البيت في وقت متأخر واول ما دخل اوضه لقي شهد قاعده مكانها بصلها بهدوء وقال..
يونس
مالك يا حبيبتي في ايه...
شهد بجمود
كانت حلوه سهرتك مع دارين..
_كان لسه هيغير هدومه بس لما سمع اللي هي قالته وقف وبصلها بقلق وهي قامت ووقفت قدامه وقالت..
شهد پحده
بلاش دارين علاقتك بمايان كانت كويسه و لا لا انت بتقولها مايا ولا مايان..
يونس بقلق
انتي جيبتي الكلام ده منين..
شهد بدموع
ليه تعمل فيا كده انا قصرت معاك في ايه لو علي اني انشغلت بولادك شويه وقتها انا جيبت دادا سعاد عشان ما اقصرش في اهتمامي بيك ليه توجعني كده وانا كنت كل حاجه شغلاني ازاي اهتم بيك وارضيك لو ما كنتش قادر تكمل معايا كنت سيبني بس ما كنتش عملت كده..
سكت يونس وبص للارض وهي قالتله بسخريه
مش لاقي كلام ترد عليا بيه علي العموم هي خلصت كده اي كلام هتقوله مش هيفيد بحاجه فياااريت لو عايز تفضل حاجه كويسه بينا طلقني من سكات من غير اي كلام بينا تاني عشان انا مش هعيش مع واحد خاني..
_جات نمشي من قدامه بس هو مسك ايدها بسرعه وقال بحزن...
يونس
استني يا شهد انا اا...
سحبت ايدها منه وبعدت عنه وقالت پحده
في مكان واحد اصلا طلقني يا يونس وروحلهم وروح لغيرهم انا كان ممكن اتحمل اي حاجه الا اللي عملته..
يونس بدموع
انا اسف يا شهد كانت غلطه والله ومش هتتكرر تاني ودارين اللي بيني وبينا شغل مش اكتر..
مسكت موبيلها وورته الرساله وقالت
انا ليه اتحمل يتقالي كده اي اللي ناقص فيا عشان واحده زي دي تقولي كده..
يونس بسرعه قال
والله العظيم كدب بصي كلمي يوسف واسأليه هيقولك اني ما فيش بيني وبينها غير الشغل وبس..
شهد بجمود
هو ده بقي كان سبب انك حابسني هنا في البيت مش بخرج اروح اي مكان غير معاك معادا طبعا مشاوير ولادك كنت خاېف من ايه اشوف واحده منهم واعرف حقيقتك ولا خاېف اللي بتعمله في الناس يترد فيك..
يونس بضيق
لا كنت خاېف عليكي انتي ومش عايز تطلعي بره من غيري عشان ما حدش يبصلك او يشوفك غير انك ليا انا..
شهد بدموع
بس انا ما بقتش ليك انا هبات عند ولادي وكلمت صبري وهو هيجي الصبح ياخدني..
_ قالت كلامها وسابته وطلعت بره اوضتهم وهو قعد مكانها وكان مدايق جدا وطلع موبيله وكلم دارين اللي ردت عليه وقالت..
دارين
هو مش انا كنت لسه معاك لحقت اوحشك..
يونس بعصبيه
اسمعي يا بت انتي رقم مراتي يتمسح من عندك واقسم بالله لو لقيتك بتكلميني في حاجه غير الشغل ما تعرفيش هعمل فيكي ايه..
_ خلص كلامه وقفل في وشها واقسم انه هيصالح شهد بأي طريقه ومش هيخليها تسيبه..
_ تفتكرو بقي هيحصل ايه..
بقلم_الكاتبه_رحاب_القاضي
موضوع_عائلي_2
الجميله والشعر الابيض
_البارت السادس
_ وصل عمار ومعاه قسم الشرطه اللي كان فيه ابنه مروان بعد ما اتقبض وكانت ايتن واقفه بره اوضة الظابط وبتعيط ومعاها امير صاحب مروان وصحابها هي كمان قرب منها عمار وقال بسرعه وخوف...
عمار
في ايه يا ايتن ماله مروان عمل ايه...
ايتن پبكاء
والله هو مظلوم يا عمو هما السبب هما اللي دايقوه الاول..
عمار بضيق
طيب اهدي يا حبيبتي ما فيش حاجه انا هتصرف...
وقرب عمار من العسكري وقاله
قول للباشا عمار المنشاوي بره...
دخل العسكري جوه ورجع قاله
اتفضل حضرتك..
_دخل عمار جوه وجميله قربت من ايتن اللي كانت بټعيط وقالتلها..
جميله
خلاص يا ايتن ما هو المحامي جوه وكمان ابوه جه اكيد هيطلعوه..
ايتن بحزن
انتي مش فاهمه حاجه يا جميله اسكتي...
قعدت جميله جنبيها وقالت بفضول
قوليلي هو ايه اللي حصل اصلا وليه مروان يتخانق بالطريقه دي مع انه مش كده..
_وجوه اوضة الظابط كان مروان واقف وعينيه في الارض والاتنين التانين واقفين وبيبصوله بغل وڠضب....
الظابط
يعني برضو ما حدش فيكم راضي يتكلم..
ايهاب بخبث
هو يا باشا اللي جه وھجم علينا الله واعلم شارب ايه ولا ماله ده..
بص عمار بعصبيه للولد والظابط قال لمروان
ها يا مروان ليه عملت كده مع زمايلك..
_كان واقف وباصص في الارض وساكت وما نطقش بولا كلمه والمحامي قرب من عمار وقاله..
المحامي
هو لازم يتكلم ويقول علي الاقل انهم استفزوه اي حاجه والا هيبقي موقفه صعب.
عمار قال بضيق
بعد اذنك يا باشا بس مروان وزمايله هيخلصو الموضوع ودي بينا وانا علي معرفه بأهلهم والموضوع هيتحل ان شاء الله..
الظابط
تمام يا عمار بيه انا مش عايز الموضوع يكبر انا كمان وخصوصا ان سنهم صغير وكلهم ولاد ناس...
_ اتنهد عمار بضيق وهو بيبص لابنه وكان متعصب جدا من سكوته وبعد شويه جم اهل ايهاب اللي اټخانق معاه والموضوع اتحل ودي بينهم ومشي عمار ومروان وكانت معاهم جميله وايتن واول ما نزلو تحت كان مروان مدايق جدا وعمار قاله پحده..
عمار
روح مع السواق وانا هوصل جميله وايتن...
مروان بضيق
مش عايز اروح انا اا..
زعق فيه عمار وقال
انت تسمع الكلام وبس هات مفتاح عربيتك يلااا...
جميله
لا خلاص انا وايتن هنروح بتاكسي مش مشكله...
عمار
لا انا هوصلكم يا جميله مش هينفع تروحو لوحدكم..
وبص لمروان وقاله پحده
ما تخلص هات المفتاح..
_ طلع مروان مفتاح عربيته وادااه لباباه وراح عشان يركب العربيه بتاعت عمار اللي كان بيسوقها السواق وقبل ما يركب العربيه بص لايتن بهدوء وابتسملها بمعني انه كويس وهي كمان ابتسمتله وفي الوقت ده جميله قالت..
جميله
هو ده وقت محڼ انتي وهو..
ايتن بغيظ
في ايه يا جميله بقي..
_ وراحت ركبت العربيه بتاعت مروان من ورا وجات جميله تركب جنبيها بس عمار قفل الباب وقالهت..
عمار
هو انا السواق بتاعكم ولا ايه تعالي جنبي..
جميله اتوترت وقالتله
مش قصدي بس انا عايزه اقعد جنب اختي..
عمار بهدوء
وانا عايزك تقعدي جنبي ممكن..
_قال كلامه وبكل شياكه فتحلها باب العربيه اللي جنبيه ابتسمت
