روايه اقدرانا جوارنا كامله بقلم مي نهال

بيها لما أغلط 
ومتكلمنيش إنت ليه يا يحيى! 
أخر مرة كلمت حضرتك قولتلي هتكلم معاه وأنشغلت في حاجة تانيه مع إن مفيش حاجة أهم من حرص حضرتك على معاذ
كان نفسي الأرض تتشق لما شوفتهم بيتكلموا كدا هما الأتنين عندهم نفس الطريقة والأسلوب حتى نفس الصوت البارد رد عليه محمد وهو مربع ايديه قدام صدرة 
أنا فاكر إن لما قولتلي كنت بذاكر معاك حاجة في نفس الأهمية بردو 
لاء مش مهم إنك تبقى معايا لأن فى الأخر أنا مش إبنك زي معاذ زي ما طنط صفاء قالت
خلص كلامه من غير ما يرفع نظرة على محمد المصډوم ودخل أوضته بسرعه نظري فضل معاه لحد ما قفل الباب لقيت معاذ واقف والدموع في عنيه قرب من محمد وقاله 
عمتو صفاء لما سمعت يحيى بيقولي ياله على الجامع قالتله وإنت مالك يروح ولا مايروحش لتكون مفكر نفسك أخوه بجد!
خلص كلامه ودموعه مغرقه وشه قربت عليه وحضنته وأنا قلبي وجعني على يحيى حاسه بيه قد أيه الكلام السم دا بيسيب أثر كبير مش بيتعافه مع الوقت قولتله وأنا بطبط عليه بحنيه 
يا حبيبي بټعيط ليه هيبقى كويس هقعد أتكلم معاه 
بعيط عشان لو كنت روحت معاه الجامع علطول ماكنتش عمتو هتقوله كده أنا السبب أنا إلي زعلته
قرب محمد واخده من أيدي وقاله وهو مبتسم وبيمسح دموعه 
لاء يا حبيبي مش إنت السبب أنا كنت السبب من الأول ياله روح خليك مع أخوك 
حاضر يا بابا
خرج معاذ ودخل أوضة يحيى وقفل طلع محمد التليفون وكان وشه باين عليه العصبية رن على حد أنا حتى مقدرتش أتكلم شكله كان غريب وعروق وشه بارزة بشكل جديد وغريب أول مره يبقى كدا بعد شوية لقيت صوت صفاء وقبل ما تكمل عامل أيه قالها بعصبيه 
لما اتكلمتي مع مراتي زمان بأسلوبك المقرف ده كنت برد عليك لأجل إنك أختي عديت مرة وأتنين ويمكن تلاته أما تتكلمي مع أبني أبني كده أقسم بالله مستعد أخصرك أنت وأي حد يا صفاء لأجل دمعه من عنيه تبعدي عن ولادي بكل الطرق الممكنه عشان أنت جبتي أخرك معايا سلام
قفل التيلفون وبصلي وهو بيحاول يهدى مسكت كتفه وأنا بحاول أطمنه قفل عنيه وخد نفس وخدني ودخلنا أوضة يحيى كان ياحبيبي حاطت دماغه على رجل معاذ وهو بيمسح على شعره ودموعه عارفه طريقها قرب محمد وحضن يحيى وقاله 
هتفضل أهم وأغلى حد في حياتي وأول فرحة ليا وعلى فكرة مش هزعل من كلامك عشان منة كانت غبيبة زيك كدا 
مين إلي غبية يا محمد
مش أنت يا قلب محمد دا أنا 
لاء قولتلي