روايه حبي الوحيد كامله بقلم هاجر العفيفي

ولا بحبها ولا هي بتحبني ومش طايقين بعض اروح يقولوا عليا منافقه
أحمد لاء مش نفاق اسمها انسانيه انا معرفش انتي بتعامليها كده ليه
أحلام دايما واخدين على مرات الاب أنها عقربه ووحشه ومهما حاولت اثبت غير كده عمرهم ماهيقتنعوا اصلا وبعدين أنت مالك متحيز للموضوع كده ليه هو انت تعرف مريم اصلا
أحمد بهدوء انتي حكتيلي وانا بنصحك ايه الغريب فى الموضوع بقا
أحلام امممم ماشى
أحمد انا هقوم امشي بقا علشان السوبر ماركت لوحده
أحلام ماشى يابني ابقا تعال علطول متقطعش بقا أنا زي أمك
أحمد بابتسامه حاضر ياخالتى
إياد برجاء يا أمي ساعديني ارجع مريم ليا بالله عليكى
كريمه انت شوفت بعينك اول ماشافتك عملت ايه بذمتك دي مريم ال كانت بتتمني رضاك دلوقتي مش طريقه تشوفك
إياد بضيق ماهي دي المشكله محستش بقيمة ال فى ايدي غير لما ضاع مني
كريمه بحزم كله الا الشرف يا إياد هي ممكن تسامحك فى اي حاجه الا انك تتهمها فى شرفها بالطريقه دي
إياد بتنهيده قولتلك كنت معمي عن الحقيقه خالص ومكنتش بفكر بعقلى اي حد فى مكاني هيعمل كده
كريمه ده مش مبرر فى رجاله عاقله بتفكر قبل ماتنفذ إنما انت حتي مكلفتش نفسك تشوف الحقيقه للأسف يابني مريم دي بنتي وانا لو كان عندي بنت مرضاش حد يعمل فيها كده وانا مش هأمن ليها معاك تاني
إياد بيأس يعني مش هتساعديني
كريمه بجمود لاء
بعد اسبوعين
رزق اظن يابنتى ده الوقت المناسب ال نتكلم فيه
مريم بهدوء عايز تعرف ايه يابابا
رزق ليه اطلقني انتي وإياد
مريم بتنهيده علشان اكتشفت ان إياد مش الشخص ال اقدر أكمل معاه احنا الاتنين مش متفاهمين هو هادي جدا وانا بطبعي بظهر حبي علطول حتي لو ال قدامي مش هيبادلني نفس المشاعر صدقني انا وإياد من الاول مكناش مناسبين لبعض بس كانت تجربه وللاسف فشلت
رزق بشك بس الموضوع أكبر من كده
مريم مرضيتش تقول لابوها على ال عمله إياد معاها لأن أبوها بيعاني بمرض القلب وممكن ينفعل ويتعب
مريم بابتسامه صدقني يابابا هي دي الحقيقه
رزق هترجعي معايا البيت امتي
مريم لما اتعافى شويه متقلقش إياد بيبات فوق فى الشقه وانا مع خالتي وملناش تعامل مع بعض خالص
رزق ماشى يامريم يابنتي ال يريحك صحيح أحلام كانت عايزه تيجي تطمن عليكي بس خاېفه لتحرجيها
مريم بدهشه تطمن عليا انا 
رزق أيوه والله هي ال قالتلى
مريم تمام خليها تيجي فى اي وقت
رزق ماشى يابنتي أنا همشي دلوقتي علشان العصر هيأذن ولازم ألحقه فى المسجد وهجيلك بكره
مريم ماشى يابابا
رزق باس دماغها وخرج من الأوضه والشقه بأكملها
كريمه دخلت الأوضه عند مريم
مريم تعالي ياخالتو
كريمه ايه ياحبيبتى عامله ايه دلوقتي
مريم الحمد لله بس حاسه ان مرهقه جدا ومش قادره حقيقي اتحرك انا حتي بصلى الفرض بصعوبه بس الحمد لله
كريمه معلش يابنتي ماهو ال انتي كنتي فيه مش سهل برضوا الحمد لله
مريم الحمد لله صحيح بقولك انا قررت ارجع بيت بابا بقا علشان مفيش لازمه بقا القعده هنا
كريمه پصدمه تمشى !!! ليه يابنتي ايه ال حصل فيه حاجه زعلتك مني
مريم مسرعه لاء والله ياخالتى مفيش حاجه خالص بس دلوقتي مينفعش افضل هنا خصوصا أن إياد مطلقني رسمي وحقه يجي البيت فى أي وقت ووجودى هنا هيمنعه
كريمه وانا مش هسيبك ترجعي تعيش مع أحلام تاني وبعدين انتي قعده فى بيت خالتك وإياد ليه شقته بره بيروح فيها
مريم بس
قاطعتها كريمه مفيش بس يامريم يابنتي الفتره دي انتي محتاجه رعاية ومفيش حد هيقدر يراعيكي غيري بلاش بقا تتعبينى وتقلقيني عليكي
مريم مرضيتش تزعلها بس كانت مقرره تمشى فى أقرب وقت وقالت حاضر ياخالتى
كريمه بابتسامه حضرلك الخير يا غاليه
كريمه بتعب يابني تعبت قلبى معاك قولتلك مريم مش هتسامحك خلاص بقا
إياد بانفعال انا عايز فرصه واحده بس أكلمها وبس
كريمه لسه هترد خرجت مريم من الأوضه وقالت عايز ايه يا إياد
إياد برجاء نتكلم
مريم اتفضل قول ال عندك
كريمه انسحبت بهدوء يمكن يتفاهموا مع بعض
إياد قعد قصادها وقال مريم انا عارف ان مليش عين اتكلم بعد كل ال أنا عملته بس انا مش عارف ازاى عملت كل ده ازاى دوست على قلبك بالطريقه وانتي متستاهليش مني كل ده انا عايز فرصه عشان اعوضك عن كل ال حصل فرصه واحده بس هتخليكي تشوفى إياد تاني خالص
مريم بجمود انت قولتها اهو بنفسك دوست على قلبى كنت فين يا إياد وانا محتجاك جمبي كنت فين وانا فى كل لحظه نفسى اقولك متسبنيش ولما قولتلك متتجوزش عليا قولتلى بكل جحود انا بحبها مستني تعمل فيا ايه تاني أنا لأول مره فى حياتي حد يدوس على كرامتي فى حياتي كلها انت الوحيد ال اديتك مساحه فى قلبى مديتهاش لحد ابدا كنت دايما أنا ال بحاول فى جوازنا وفى علاقتنا مع بعض وانت تهدم كل ال بعمله اقولك يلا نخرج شوية يا إياد تقولى انا تعبان ومش فاضى للعب العيال ده طب حاول تيجي تتعشى معايا تقولى اتعشى انتي انا هتعشى فى الشغل كان نفسي فى خمس دقايق من وقتك بس كان نفسى لما تعرف أن حامل تتضحي بكل حاجه علشاني أو حتي علشان ابنك إنما انت معملتش كده انت كنت بتروح عند نيرمين وتعيش حياتك هناك وانا أتألم هنا انت عارف شعورى وقتها كان عامل ازاى وانا پتألم علشان عملت كل جهدي علشان تحبني وفشلت وهي حتي محاولتش وانت بتحبها هي انا كنت بمۏت من القهر اكتر ماكنت بمۏت من السړطان
دموعها نزلت بۏجع وكملت وقالت وفوق كل ده شكيت فيا وفى شرفي حتي محاولتش تفهم نفذت ال فى دماغك طيب بلاش علشان بتحبني طيب انا بنت خالتك ازاى تفكر فيا كده ازاى تشك فيا وتثق فيها هي انت مدوستش على طرف فستاني انت دوست على قلبى وكرامتي ملعۏن الحب ال يذل صاحبه كده انا دلوقتي بدوس على قلبى مېت مره أن حبك فى يوم من الايام انت انسان أنانى يا إياد انسان مبتحبش غير واحد بس فى حياتك هو انت انا بقيت أكرهك
إياد كان منزل وشه فى الأرض من كلامها وقلبه بيتقطع عليها بس الكلمه ال صډمته هي كلمة بكرهك
إياد پصدمه بتكرهيني !!!!
مريم باحتقار وكرهه شديد على قد ماحبيتك على قد ماكرهتك يا إياد
إياد پقهر مريم بلاش تهدي كل شئ علشان خاطرى طب بلاش علشان خاطرى علشان خاطر ابننا ال راح
مريم پغضب الحمد لله أن راح قبل مايجي الدنيا ويكون عنده أب اناني زيك مفيش حاجه تربطني بيك غير القرابه حتي دي مش عايزاها لأن مبقتش اطيق وجودك أصلا
إياد بإصرار وانا مش هيأس ابدا معاكي يامريم وهخليكي تحبيني زي الأول
مريم بسخريه معرفتش مش أنا متقدملى عريس بس أجلت الموضوع شويه وشكلى هوافق قريب
إياد پصدمه عريس !!!!! انتي بتقولى كده علشان ابعد عنك لكن ده مستحيل
كريمه خرجت وقالت بس يابني مريم عندها حق فى عريس متقدم هو يكون أحمد ابن أخت مرات أبوها ومريم بتفكر فى الموضوع بجد
إياد