روايه وقعت في حب خادمتي بقلم فرح القصاص مكتملة الجزء التاني
تتجوز وخلاص لحد ما بقاش عندها ثقه في نفسها لا من ناحية الشغل
فريده پغضب
انتي كمان ليكي عين تردي عليا وتتكلمي يا جزمه..
_ ورفعت ايدها في الهوا وكانت هتنزل بيها هلي وش ايتن بس كان عمار الاسرع ومسك ايدها وقال بهدوء..
عمار
لا يا مدام فريده انا مرات ابني ما تضربش ولا ايه يا مروان هو انا ربيتك علي انك تشوف
مروان بهدوء
عمار بجمود
وتعرفي يا مدام فريده انا لما بقيت اب كنت صغير شويه تقريبا كنت في سن مروان كده بس وقتها بقيت ادور
واتعلم ازاي هخلي بالي من ابني واربيه كويس واتعلمت ان من اپشع الطرق في التربيه هي اني اضرب ابني علي وشه وقتها هكون بكسره قدام نفسه وبسببله اذي نفسي كبير فحتي بالهزار انا عمري ما رفعت ايدي علي وش ابني بالعكس علمته ان ديما تبقي راسه مرفوعه وما يخافش حتي مني بس يحترمني وده لقيته فابني فعلا لما كبر...
وانت بقي هتعلمني اربي بنتي ازاي انتو اكيد ضحكتو عليها..
ايتن بحزن
لا انا ما حدش ضحك عليا يا ماما انا اتجوزت مروان وانا راضيه وموافقه ومستعده ابيع عمري كله عشانه مش ورثي وبس....
عمار
اظن حضرتك سمعتي الرد يا فريده هانم واطمني ايتن في بيت جوزها وفي اي وقت تقدري تشوفيها وتطمني عليها.
انا لا عايزه اطمن عليها ولا عايزه اشوفها تاني انا ما عنديش بنات غير جميله وانتي يا بت اياااكي اشوف وشك تاني.
_بصت ايتن لعمار پخوف ودموع وهو رد علي فريده وقال بكل هدوء..
عمار
هو انتي يزعلك في ايه ان بناتك يبقو مبسوطين..
فريده بعصبيه
انت مااالك انا من يوم ما شوفتك وما بقتش عارفه اسيطر علي بناتي منك لله حسبي الله ونعم الوكيل فيك يا شيخ يتردلك كل اللي عملتو ده في ابنك عشان وقتها تحس باللي انا فيه دلوقتي..
عمار
اقسم بالله يا احمد يا عدوي لو جميله او مدام فريده حصلهم حاجه ما تعجبنيش هخليك ټدفن جنب اخوك اخوك اللي انت بوظتله فرامل عربيته وقتلتله..
ااحمد پصدمه
انت ايه اللي بتقوله ده انا مش فاهم حاجه..
المحامي بتاعك يعرف ممكن تروح تسأله بس للاسف مش هتعرف توصله اصله اتخطف من بيته من وسط عياله تفتكر بقي يا ابو حميد مين اللي خطڤو..
احمد پخوف
انا هعملك كل اللي عايزه بس اا..
عمار پحده
بره اطلع بره يلااا...
_طلع احمد بسرعه وهو خاېف جدا وخلاص حقيقته ظهرت قدام عمار المنشاوي ومروان قال لايتن بهدوء..
بطلي بقي ټعيطي ما بابا قالك ان ده هيحصل وكويس وجات لحد كده..
ايتن بدموع
انا خاېفه عليهم اووي يا مروان منه..
مروان
ما تخافيش بابا عامل حسابه تعالي بس اوريكي اوضتك عشان ترتاحي مع ان لو قعدنا في اوضه واحده مش عيب والله دلوقتي...
ايتن پحده
ايه اللي بتقولو ده احترم نفسك..
مروان
اييه مراتي وانا حر..
وقف عمار جنبيه وقال
انت قولت ايه يا روح امك..
مروان
في ايه يا بابا عايز اجيبلك حفيد..
اتكسفت ايتن وعمار پحده
احترم نفسك يا واد انت واسمع من الاخر بقي الجوازه دي حصلت علي الورق بس عشان الخطه اللي اتفقنا عليها وبعد ما الموضوع يخلص هتطلقها ومش هتتجوزها ولا هتبقي في حاجه حقيقيه غير لما امها توافق وتبقي قدام الناس كلها وقبل كل ده تكون اثبت نفسك في شغلك وخلصت الجامعه يا مروان مفهوم..
مسكت ايتن في دراع عمار وقالت
معاك حق يا عمو انا اصلا مطمنه وانا قاعده هنا عشان حضرتك موجود وبس...
مروان بغيظ
طلع اوضته وعمار قالها بمشاكسه
اتقمص مش كده..
ايتن بضحكه هادئه
ايوه احسن.. المهم هو حضرتك ناوي تعمل ايه مع جميله..
عمار بحديه
ما تشغليش بالك بالموضوع ده وتعالي اوريكي اوضتك والبيت كله بيتك وانا ومروان ضيوف عندك تمام...
ابتسمت بهدوء وردت عليه
تمام يا عمو...
_وفي الوقت ده في بيت فيروز..
كانت بتكلم جميله وشهد في الموبيل والاتنين فضلو يضحكو علي اللي عملو معاها عز الدين..
فيروز
يا سلام يا اختي منك ليها انتو بتضحكو انا مش فاهمه بصراحه الراجل ده بيفكر ازاي..
جميله
طيب ما يمكن كان بيختبرك يا بنتي بجد..
شهد
لا طبعا يا جميله لو نيته كويسه ما كانش طلب منها نفس الطلب تاني بس جدعه يا فيروز هما صنف الرجاله كده عايزين ياخدو علي دماغهم عشان يتلمو..
فيروز
بالظبط كده وبعدين انا يوم ما اتجوز هتجوز واحد عاقل ايوه كنت معجبه بعز في الاول بس طلع دماغ مطرقعه وكمان بجح وقليل الذوق ومش متربي..
جميله
بس عجبتني صراحته بصراحه تخيلو لو كان بتاع لف ودوران كان زمانك متجوزااه دلوقتي..
فيروز
طيب سيبكم مني وقولولي هنعمل ايه في فرح
جميله..
جميله
هتعملو فيا معروف لو بوظتوه..
ضحكو هما الاتنين وشهد قالتلها
لسه قدامك فرصه يا جميله فاضل يومين...
جميله بضيق
خلاص يا جماعه انا موافقه قولتلكم بس بهزر معاكم..
فيروز
طيب خليكم انتو مع بعض وانا هشوف ماما بتنده عليا وجايه..
_ قفلت معاهم وطلعت قعدت مع مامتها وباباها واخوها..
فيروز
نعم بتندهو عليا خير في ايه..
مها
قررتي ايه في موضوع عز الدين اللي اتقدملك
فيروز
استغفر الله العظيم هو مش انا قولتلكم مش موافقه..
جمال بضيق
امك كلمت الراجل وقالتله انك موافقه يا فيروز..
فيروز پصدمه
نعم هو ايه اللي انتي بتعمليه ده بقولك الزفت عايز يشتيرني لمزاجه فتره ويرميني تاني انتي ازاي توافقي يا ماما..
فادي
هو مش هيتجوزك علي سنة الله ورسوله فين المشكله..
مها
وانتي وشطارتك بقي ما تخليهوش يطلقك..
فيروز بدموع
رد انت عليهم يا بابا شايف بيعملو فيا ايه..
مها پحده
ابوكي مالوش دعوه يا فيروز احنا كبرناكي وعلمناكي وصرفنا عليكي كتير ودلوقتي دورك تضحي شويه عشانا...
فيروز بدموع
هو انتي بتزليني بواجبكم وانكم اديتوني جزء من حقي كده بقي الناس اللي بتعلم وتربي وتكبر وتعمل قيمه لولادهم حتي بعد ما يتجوزو دول المفروض ياخدو جوايز..
مها پحده
هو احنا هنعملك ايه ده احنا هنجوزك جوازه هتنقلنا كلنا في مكان تاني خالص.
فادي
عارفه يا فيروز ده وعدني هيخليني اسافر واحقق حلمي..
مها
وكمان هيجبلنا شقه غير دي وهيكبرلي الكوافير بتاعي ده غير اننا هنطلب منه مؤخر كبير عشان لو طلقك نطلع من الموضوع كسبانين..
فيروز بسخريه وحزن
يعني حضرتك قدرتي تمني كويس بس طلعت في نظرك رخيصه اووي يا ماما واسمعو بقي انا مش موافقه واقسم بالله اي حد هيفتح معايا السيره دي تاني هسسب البيت كله واطفش..
جمال بحزن
خلاص يا فيروز ادخلي اوضتك وكأنك ما سمعتيش حاجه وانا اوعدك قدامهم ان الموضوع مش هيتفتح تاني..
_ قامت فيروز ودخلت اوصتها ولقيت عزالدين باعتلها رساله علي الوتس وقالها فيها..
عز الدين
انا بجد مش مصدق انك وافقتي اوعدك يا فيروز انك هتبقي اسعد واحده معايا وكل اللي يطلبوه اهلك انا موافق بيه..
ردت عليه وهي متغاظه وقالت
نجوم السما اقربلك من انك تطول شعره واحده منيتقدر تعتبر ان ماما كانت بتهزر معاك علي فكره انا لسه رافضه وعمري ما هوافق..
عز الدين
هطولك كلك يا فيروز و هتبقي معايا وهتشوفي سلام..
_ قلقت من ثقته الزياده في نفسه وقفلت موبيلها ونامت وهي بتدعي ربنا يبعده عنها..
بقلم_الكاتبه_رحاب_القاضي
_ وتاني يوم الصبح في بيت جميله..
طلعت من اوضتها ولقيت فريده قاعده بتفطر بس شكلها مدايق جدا راحت وقعدت جنبيها وقالت..
جميله
ممكن ما تزعليش يا ماما..
فريده
وانا ايه اللي يزعلني..
جميله بقلق
عشان يعني اللي عملتو ايتن..
فريده بدموع
وايه اللي يزعلني برضو واحده واطيه وباعتنا ومشيت خليهم ينفعوها واللي زيها يتكسر وراه قله ونقوله في داهيه..
جميله بحزن
بس هي ما عملتش حاجه تستاهل القسۏه دي كلها يا ماما..
فريده پحده
لا والله تقصدي ايه انتي كمان فووقي اختك نزلت راسنا الارض وراحت اتجوزت من ورانا شكلنا ايه قدام الجيران وخلاتك وولادهم..
جميله
وانتي عايزاها تعمل ايه وهي شيفاني بتدمر بسبب اختيارتك ليا طبيعي تخاف وتفكر في حاجه زي دي..
فريده بعصبيه
وانا بدمرك بأيه هااا حسين الف مين تتمنااه ولو علي عمك انا هعرف اوقفه عند حده..
جميله پبكاء
ازاي هتوقفيه اكتر من انه مد ايده عليا قدامك وسكتي وحبسنا في البيت وسكتي حتي حسين كمان سكت كلكم خزلتوني يا ماما..
فريده
انا ما سكتش انا اتخانقت معاه وده مش هيتكرر وعمك مش حابسنا طلع معاه حق في اللي بيعملو وياريته كان عمل اكتر من كده وما كانتش اختك عملت اللي عملته ولو بتتكلمي علي حسين انه ما اتدخلش واحمد بيمد ايده عليكي فعادي كان هيتخانق مع ابوه يعني..
جميله بحزن
تمام يا ماما ده نصيبي وانا راضيه بيه خلاص بس بلاش تقسي اوي علي ايتن انتي عارفه ان مروان كويس..
فريده پحده
خلصنا يا جميله انا ما عنديش بنات غيرك ولو انتي هتعومي علي عومها او عرفت انك شوفتيها هعتبرك مېته زي ما اعتبرتها ماټت هي كمان مفهوم..
_ قالت كلامها وكملت افطارها بكل هدوء بس من جوها كانت مڼهاره وقلبها ۏاجعها علي بنتها اللي بعيده عنها....
_ وفي شركة احمد العدوي..
وقف مروان قدام الشركه بعربيته الراقيه جدا ونزل من العربيه وهو لابس بدله رسميه وبشكل منظم وكان باين شبه
عمار بشكل كبير ودخل الشركه وقال بصوت عالي..
مروان
الكل يركز معايا ويسيب اللي في ايده يا شوية موظفين..
_انتبهله حسين اللي كان واقف مع موظف وبيتكلمو وقرب من مروان وقال پحده قدام كل الموظفين..
حسين
ايه اللي انت بتعمله ده وايه اللي جابك هنا اصلا..
مروان بلا مبالاه
هو ما فيش حد كبير هنا يا جماعه اتكلم معاه ولا ايه..
مسكه حسين من هدومه وقال
انت عايز ايه يالاااا..
مروان ببرود
اوعي يا حسين هتكرمش البدله ودي غاليه اووي اغلي من اهلك ههههههه...
قبل ما يرد عليه نزل احمد من فوق وقال
ايه اللي بيحصل هنا ده..
مروان فتح ايديه وقال
حماياااا عمووو بالحضن بالحضن يا غالي بس من غير ما تكرمش البدله..
زقه احمد وقال پغضب
انت بتعمل ايه هنا..
مروان بهدوء
سؤال حلو من حد وحش يا وحش بص بقي يا ابو نسب انا جاي اشوف شغلي بما اني ليا النص هنا هو مش الشركه دي بتاعت ايتن وجميله وانا المسؤل عن نصيب ايتن يبقي ليا النص..
حسبن پصدمه
ايه الكلام اللي بيقولو الولد ده يا بابا..
_كان احمد متعصب جدا ومروان رد علي حسين بكل برود وقال..
مروان
هفهمك يا حسين انا اتجوزت ايتن عبد الرحيم العدوي وهي عملتلي توكيل عام بأني اتصرف في كل املاكها ده طبعا بعد ما كملت السن القانوني والتوكيل اللي مع احمد بيه سقط..
احمد بغيظ
اطلع بره احسنلك.
مروان ببرود
طلعني لو تعرف تطلعمي طلعني...
احمد پغضب
انا بكرهك ومش طايقك هنا ومش هينفع نكون في وش بعض..
_مروان بص للموظفين اللي كلهم واقفين بيتفرجو علي اللي بيحصل وقال لاحمد..
مروان
قولي يا عمو احمد انت تعرف كزبره قال ايه..
احمد بنفاذ
