روايه أحببتها فى الارشيف بقلم روان احمد

انام فى اوضه راجل بس اول مره اقعد فى اوضه راجل غريب .
پغضب قصدك اى بالكلام دا .
بعصبيه ليه هو احنا معندناش رجاله فى بيتنا .
تنهد براحه قصدك باباكى .
بنفى لا انت عايز امى تجرى ورايا وبعدين احنا معندناش غير بابا يعنى هو الراجل الوحيد فى البيت .
بتشنج قصدك اخوكى .
هزت رأسها وابتسمت بثقه .
هو بتشنج اكتر بقا ابو 10 سنين خلتيه راجل .
بعصبيه وماله يخويا ابو عشر سنين هو مش محسوب ذكر ولا اى .
حاشا لله دا ذكر ونص كمان .
ايوا كدا اتعدل .
بس دى مش اوضتى .
مش مشكله المهم انها اوضه وانت راجل يبقى اى .
بهدوء عندك حق .
سكتنا تانى 
وبغبائى قطعت الصمت دا للمره التانيه وقولت
انا جعانه اوى .
للاسف وانا كمان .
طب ما تقوم بعضلاتك دى اكسر الباب .
ضحك وقال انتى هبله دا باب جامد هما يعنى هيعملوا باب يتكسر اى حرامى يدخل يكسره ويسرقه .
يسرق اى دا ورق قديم كله ملوش فايده .
دا من وجهه نظرك انتى لو ملوش لازمه كانوا هيعملوا ارشيف ليه .
عندك حق .
وسكتنا تانى او تالت مش فاكره 
بقولك اى .
يبنتى انتى مش بتعرفى تسكتى دقيقتين .
علفكرا بقا انا بقالى كدا خمس دقايق او اكتر متكلمتش .
طب عايزه اى .
تفتكر كل اللى فى الشركه روحوا وسابونا .
اكيد روحوا الساعه دلوقتى ممكن تكون وسكت شويه يخمن واتكلم وقال ممكن تكون تمانيه مثلا .
يا نهار ابيض اتلاقى عيلتى قلقت عليا .
اكيد .
عيطت وقولت هو احنا ممكن ڼموت هنا ومحدش يعرف عننا حاجه .
يستى تفائلى خير ان شاء الله هنطلع من هنا وبطلى عياط بقا .
مسحت دموعى وقولت بس انا جعانه وفجأة صړخت بفزع .......
فى مكان تانى
يلهوى يا إبراهيم البت اتاخرت اوى وتليفونها مش بترد عليه .
اهدى يا ام فرح زمانها جايه .
بنتى اتخطفت يا إبراهيم وانت تقولى زمانها جايه ربع برودك يا أخى قوم دور على بنتك قوم .
قام وهى قامت وراه فضلت ټعيط فى الشارع وناس الشارع اتلموا عليها وهى بتقول بنتى اتخطفت يا ناس يارب احميها .
متقلقيش يختى ان شاء الله هترجع جات ام خالد وهى بتقول خالد كمان مرجعش لحد دلوقتى انا قلبى واكلنى عليه .
الستات اتلموا حواليهم وهى قعدت جنب ام فرح وبتقول مش بنتك شغاله مع ابنى فى الشركه .
ام فرح طب رنى عليه نطمن عليهم .
ام خالد ماهو تليفونه مقفول هو كمان يكونوا اتخطفوا سوا .
شهقات من النساء المتجمعه حولهم وبدؤا الثرثره يكونوا يختى هربوا مع بعض .
اتلاقيهم يختى بيحبوا بعض فى السر وبيتسرمحوا هنا ولا هنا وزمانهم جايين .
زعقت ام فرح فيهم انتوا بتقولوا اى يناس يا ناق..صه دى بنتى اللى مفيش فى اخلاقها فى الشارع كله تقولوا عليها كدا اخس عليكوا عالم وس..خه تعالى يام خالد ندخل جوا ودخلت هى وام خالد وقفلت الباب فى وشهم .
احد الستات شوفى يختى الوليه بتبجح فينا ولا اكن بنتها شيخه مش بتتسرمح مع خالد .
ست اخرى يستى دى فرح مفيش فى اخلاقها مش معقول تعمل كدا .
واحده اخرى ياما تحت السواهى دواهى ايش عرفك انتى .
كل واحده على بيتها ربنا يرجعها لامها بالسلامه هى وخالد بدل ما تقفوا مع جيرانكوا فى المحنه دى تتكلموا عليهم .
انت جيت يا حبيبتي احطلك تأكلى.
لا يا امى انا مش جعانه ودخلت الاوضه بتاعها
انا حاسه بالذنب ليه بس هى تستاهل خليها تتعلم الادب
فلاش
باک .
بعد
ما