روايه تزوجت جاري العنيد كامله بقلم رهف سيد

اهلا بالعرسان مش كنتو تقولو انكو جايين
ادهم...ازيك يا عمتو
خديجة... كويس انك لسة فاكر عمتك
ادهم...وازي ضغطك دلوقتي يا امي ان شاء الله تكوني بخير
زهرة ...ضغط اية يا ابني
ادهم...اصل رؤي اتص...ثم اتسعت عينة وقال بصوت عالي رؤؤؤؤؤي
رؤي...انتو عايزين شاي صح انا بقول
كدة برضو
جائت لتركض امسكها ادهم من شعرها
ادهم..يعني كل دة مقلب يا جذمة
رؤي...اصل يعني نور كانت وحشاني وكنت عايزة اشوفها
نور..ههههه حرام يا ادهم خلاص سبها
اخذتهم زهرة واجلستهم وجلس الجميع حولهم
زهرة ...وانتي يا بنتي خريجة اية ولا لسة بتدرسي
رؤي..يا ماما نور اكبر مني بسنة يعني ١٩
زهرة...تعرفي تحطي جذمة قديمة في بوقك وتسكتي
رؤي...ربنا يسامحك يا زوزو
نور...ههه لا يا طنط انا لسة بدرس
زهره... لا انا هزعل منك طنط اية قوليلي يا ماما زي فردة الجذيمة
القديمة اللي هناك دية
رؤي...يا ماما حرام كدة ما تتكلم يا علوة ولا انت سايلنت
على...مستني امك تخلص فقرة الاسئلة بتاعت الحما دية واتكلم
خديجة... وانتي بقى بتدرسي اية
نور..انا بدرس صيدلة
على....واللهي يا بنتي اقولك على حاجة
نور...اتفضل يا عمي
على ...طب بذمتك انتي ينفع تقولي لحماتك يا ماما وانا لا انا عايزك تبقي زي الجذمة القديمة اللي هناك دية وتقوليلي يا علوة يا كبير يا حج يا بابا
ادهم...طب انا لازم ارجع القاهره
بسمة...ما تخليك معانا يا دومة
نظرت له نور نظرة ڠضب
رؤي بهمس..اهدي يا منار
نور..مش قادرة يا عاطف هروح اسحبها من شعرها
سمعتهم زهرة
زهرة...بس يا بت منك ليها
نور..يعني شايفة يا ماما دومة في عينها انا عمري ما قولت لادهم كدة
زهرة...هي بتعمل كدة يا هبلة علشان تغيظك
نور..والمصحف هقوم اقټلها
خديجة... بتقولو اية
زهرة..ها لا لاا ابدا دية نور كانت بتقول انها فرحانة وكدة
على...ما تخليك يا ابني
ادهم...يا بابا انا كنت هاجي اخر الاسبوع واكون خلصت شغلي بس البركة في رؤي هانم
الفصل الحادي و العشرون
زهره..يا ابني خليك معانا اسمع الكلام
رؤي...لا وحياة امك اللي قاعدة دية انا مش هعمل المقلب دة علشان اقعد مع البت وفي الاخر انت تيجي تقول هتمشي
خديجة... خليك يا ابني قاعد
ادهم...خلاص حاضر
على...كويس اووي علشان الحق اقعد مع نور شوية دية رؤي فضلت تتكلم عليها كتير وانا عايز اتكلم معاها
ادهم...اية يا حج انا بغير
زهره...يعني انت لوحدك اللي بتغير في اية يا على
على..يعني مرحبش بالبت
نور..تسلم يا بابا
ادهم...ما تقومي تقعدي جمبو احسن
على...واللهي ما انا مزعلك يا ابني
سحب على نور واجلسها بجانبه
زهره بهمس...في اية يا على انا حاسة ان الواد شوية وهيقوم ياكلنا
على بهمس..خلي ڼار الغيرة تولع فيه
بسمة ...وانتي قولتي اسمك اية بقى
رؤي...بلاش غباء احنا من الصبح بناديها واصلا انتي لما تشوفيها هتعرفي اسمها على طول نور اسم على مسمى ولا انت اية رايك يا ادهم
ادهم بشرود...نور قلبي من جوا واللهي معاكي حق فعلا نور
اڼفجرت البراكين في وجه نور من الخجل وفي وجة بسمة وخديجة بالڠضب
رؤي ..هههههه عشت وشفتك واقع يا حبيب قلبي من جوا
زهرة ..بس يا بت مترخميش عليهم
بسمة ... انتو بتمدحو كدة لية مش الجمال الاوفر
رؤي..اية يا حبيبتي سلامة عيونك روحي اكشفي
نور..معلش اصل كل يرا الناس بعين طبعة
بسمة..يعني اية
نور...يعني انتي شيفاني مش جميلة اووي علشان انتي عارفة انك مش جميلة اووي وهما شيفني جميلة علشان هما عارفين الجمال على اصولة
رؤي...بوم بوم بوم بوم نص جبهه خطيييير
بسمة...عن اذنكم
خديجة.. خديني معاكي يا بسبس
بعد ان ذهبو
رؤي..حد يقول لعمتي ان بسبس بنقولها للقطط
زهرة...بس انتي جدعة يا بنتي اوعى تسيبي حقك
نور..مټخافيش يا زوزو
على...خد مراتك واطلع ارتاح وهننده ليكم على العشا
ادهم...حاضر يلا يا نور
ذهبت معه نور وصعدو الي الجناح اغلق ادهم الباب
ادهم...زعلتي منهم يا روحي
نور...لا بس تعرف اية الحاجة الوحيدة اللي ضيقتني
ادهم..اية
نور بسخرية وهي تقلد بسمة ...خليك معانا يا دومة كنت ھقتلك واقټلها
ضحك ادهم بقوة واتجها اليها وضمھا الي صدرة بقوة
ادهم...معلش طب هعمل اية
نور..لا مشفتش كانت جاية عليك ازاي وطول القعدة كانت بتبص عليك ازاي
ادهم...دة انتي متابعة بقى
قطع
حديثهم طرق الباب توجهت نور وفتحت الباب
نور..خير
بسمة.. كنت عايزة دومة
نور..لية ان شاء الله
بسمة...حاجة خصوصي
نور...سوري لما تبقى تعرفي اية هي الحاجة الخصوصي ابقى تعالي
ادهم...في اية يا نور نعم يا بسمة
بسمة...نعم الله عليك يا دومة
نور بهمس لادهم...نعمة اما ترفصك انت وهي اتعدل
ادهم..احم عايزة حاجة
بسمة..عايز تتعشي اية انهرده
نور...وهي دية بقى الحاجة الخصوصي
ادهم...خلاص يا نونو تحبي تتعشي اية
نور ...مش عارفة
ادهم...امممم خلاص اي حاجة
بسمة... هختارلكم على ذوقي
اغلقت نور الباب دون الاستماع الي الحديث رمت نفسها على الفراش تمدد ادهم بجانبها ساحبها الي حضنة ليتكلمو قليلا ثم ينامو من شده التعب استيقظت نور قبل ادهم ونزلت الي الاسفل
رؤي...صباح النور على البنور
نور..صباح الجمال
بسمة ..اية النوم دة كلو
نور...ميخصكيش صباح الخير يا بابا انت وماما
على..صباح الفل يا روحي
زهرة...صباحك عسل يا بنتي
رؤي...تعالي يا نونو نحضر العشا
زهرة..عيب يا رؤي احنا مش جايبين مرات اخوكي علشان نتعبها
نور...ولا تعب ولا حاجة يا علوة انا متعودة
ذهبت الفتاتان الي المطبخ
رؤي...تعرفي انهرده انا فرحانة اووي
نور ...ربنا يبسطك كمان وكمان بس لية
رؤي...هقولك بليل
انتهو من صنع العشاء وبدء الجميع بالحضور
خديجة.. اومال ادهم فين
رؤي...لسة نايم يا عمتو
بسمة...انا هطلع اصحيه يا ماما
فتحت اعين نور پصدمة بينما كانت النظرات المتوترة من قبل على ورؤي وزهرة
زهرة...لا خليكي انتي يا بسمة اطلعي يا نور صحي جوزك
تقدمت نور مسرعة ووضعت الاطباق على السفرة وصعدت بخطوات اشبه بالركض
بسمة.. لية يا طنط
زهرة...علشان مينفعش مراتو تبقى موجودة وانتي تطلعي تصحيه
رؤي...وبعدين تطلعي تصحية بتاع اية دة انا اللي اختو مش بصحية
خديجة... هو فية كلكو على بنتي دية بتعتبرو زي اخوها
بسمة بتصنع البكاء...ايوة واللهي ادهم دة اخويا
على...خلاص فضوها سيرة وانتي يا بسمة مينفعش تصحي ادهم علشان مراتو
صعدت نور وهي غاضبة للغاية
نور...كانت نقصاها هي كمان وانا اخلص من الحربيات اللي في مصر تتطلعلي دية
كانت تتحدث بعصبية وهي تدور في الغرفة ولم تنتبة الي هذا المسكين الذي ينظر لها ويريد النوم انتبهت له نور
ادهم...خلاص خلصتي الحمد لله ممكن اعرف اية اللي معصبك
نور....الحيوانة اللي تحت كانت عايزة تيجي هي تصحيك بزمتك انت عمرك شفت واحدة زي دية دية قليلة ادب وعايزة تتربي وبعدين تطلع تصحيك بتاع اية ها قولي تصح....
ادهم...بسسسسسسسسس حرام عليكي يا شيخة خلاص مش انتي اللي طلعتي يبقى مش لازم نكد خلاص متزعليش بقى
نور...حاضر بس يلا قوم علشان نتعشى
ادهم....حااااااااضر يا ماما
نور...قوم يا غلس
ادهم...بقى في واحدة تقول لجوزها يا غلس
نور...مش انا قولت
ادهم...يبقى في
نور...الله عليك وانت فهمني يا بيبي
ابتسم ادهم ونزل هو وهي من على الدرج وهم يضحكون
رؤي...صباح الناس اللي بتضحك
ادهم...صباح الناس اللي بتحسد
رؤي...اخص عليك يا دومة انا برضو دة انا عيني حلوة
نور...اسالي مجرب ولا تسالي خبير يا حبيبتي
على...والمصحف انت بتقولي كلام فللللله
رؤي...جرى اية يا علوة جرى اية علي متهدي كدة
نور..اهدي انتي يا منار
رؤي...مش قادرة يا عاطشف
زهرة....اه يا دماغي قاعدة في حضانة
خديجة.. ممكن تسكتو وتكملو اكل
صمت الجميع وبدؤ بالاكل
ادهم...تسلم ايدك يا حبيبتي
رؤي..لا معلش استنى لحظة انت عرفت ازاي ان نور اللي عملت الاكل
ادهم...نور معروفة في كل حاجة يا بنتي
رؤي...هييييييح يا محڼ
زهرة...يا محڼ بقى هي دي تربيتي نهار اسود
رؤي....في يا جدعان عايزين ننبسط
على...انتو عملتو اية فبنتي فين بنتي
نور...هههههههه جبت حاحة من عندي
رؤي...ادعيلي يا امي والنبي
زهرة...ربنا يهديكي ويرزقك بابن الحلال
رؤي وهي ترفع يدها....يا رب يكون مز بس وشبة عمر
زهرة...عمر مين يا بت
رؤي...عمر يا ماما بتاع حب للايجار ولا بوراك اموت انا
نور..لا دة كدة طمع انتي خدي واحد وانا هاخد واحد انا هاخد عمر وانتي حلو عليكي بوراك
رؤي...لا وحياة طنط انا عايزة عمر والله متنازل
عنو ابدا مهما يكون
بسمة...يعني هو هيبصلكم
رؤي...اسم الله عليكي يا اختي
ادهم...ممكن اعرف مين عمر وبوراك دة
نور...دول ممثلين تركين بس اية يا ادهم مززز بمعني الكلمة
ادهم بغيرة...طب اعملي حسابك ان انتي ممكن تباتي عند رؤي انهرده
رؤي...عشت وشفت ادهم بيغير
نور...يا حبيبي دول ناس مشهورين والكل بيحبهم
الفصل الثاني و العشرون
زهرة...هي كدة غيره الرجالة تخنق يا بنتي
خديجة... ممكن تفضوها سيرة بقى وناكل
ادهم...انا هسافر بكرة
زهرة...لية كدة يا ابني انا ملحقتش اشبع منك
ادهم...معلش يا امي كلها كام يوم وهرجع ليكم
رؤي...بس انا مشبعتش من نور لسةة
ادهم...هي لو عايزة تفضل خليها
رؤي..ايوة خليكي يا نور
نور...مش هعرف اسيب ادهم لوحدو
بسمة...لية ان شاء الله صغير ولا مش بيعرف ياكل نفسو
زهرة ...اصيلة يا بنتي بس بردو انا عايزاكي تفضلي معايا انتي من اول يوم وخلتيني بحبك اومال لو فضلتي هتعملي ايةة
نور...بس بردو الراي الاول والاخير لادهم
على...والله وعرفت تختار يا ادهم
رؤي...اية المحڼ دة يا جماعة راعو شعوري انا سنجل
نور بخبث..سنجل بردو
نكزتة رؤي في كتفها
انتهى العشاء وصعدت نور لتجهز حقيبة ادهم دخل ادهم 
ادهم...عايزة تفضلي
نور..مش عارفة انا حبيت ماما وبابا اووي وعايزة افضل معاهم وفي نفس الوقت مش هاين عليا اسيبك
على رأي رؤي اية المحڼ اللي على المسا دة انا حبيت اطمن على مرارتكو
ادهم...طب خلاص اه رايك اسافر واخلص شغل واجيلك بسررررعة
نور...مش عارفة انا دماغي لفت
ادهم...خلاص خليكي انتي هنا وارتاحي شوية
لفت نور 
ادهم...هتوحشيني
نور...وانت كمان
وانا موحشتش حد انا عارفة اني غلسة 
استيقظ الجميع ونزلو لتوديع ادهم
ادهم..هتوحشيني يا ماما كلها كام يوم وهبقي عندك
زهرة..خاي بالك من نفسك وكل واشرب كويس
ادهم...حاضر وهشرب لبن نيدو قبل ما انام وهغسل سناني ورجلى وهعلق هدومي حاجة تانية
زهرة...يالمض
ادهم..من عاشر قوم يا زوزو 
نور..لا ابدا ودة ينفع برضو
ادهم بهمس لوالدتة...خلي بالك يا ماما على نور من عمتي
زهرة... متخافش هتبقى كويسة
على...متطولش يا ادهم
ادهم....لا متخافش هو انا اقدر ابعد عنكم
رؤي بخبث...عنا برضو ولااا عن نور اعترف اعترف
ادهم....بصراحة لا طبعا عن نور انت في ستين داهية بس هي لا
ضحك الجميع عليهم بينما هناك اعين كانت تراقبهم بالغيرة والكرة
على...ههههههه يخربيتك يا اخي
رؤي...على فكرة انت غلس يا رب انت عارف ان هو حيوان واتجوز حيوانة والاتنين اندل من بعض هموتهم وربي
نور...مش هرد عليكي علشان انا محترمة
رؤي... اية اية اية ايه محترمة فين الاحترام دة تقريبا من كتر الاحترام بدء يشر لغيط ما انتهى
ادهم...طب هتوحشيني يا ام لسان طوويل
رؤي...وانت كمان يا ابو الاداهم والمصحف
ادهم...الاداهم !!يخربيت التعليم المجاني
خديجة... اشوفك على خير يا ادهم
ادهم....تسلمي يا عمتو
ادهم..خلي بالك من نفسك
نور بدموع...متتاخرش
رؤي... حد يجبلي فشار علشان اعرف اتفرج عدل
زهرة..يخربيتك بت انا معرفتش اربي
رؤي..اية الجديد يا مامتي
ضم ادهم نور الي صدرة بقوة ليعلق في رئتية اكبر قد من رائحتها
رؤي..يا جماعة عايزة فشار اتفرج على الفيلم اللي قدامي يا رب اوعدني بالرومانسية دية
ادهم...خليكي في نفسك وخلي بالك من نور
بسمة...هو يعني هناكلها
ادهم متجاهلها ....خلي بالك منها يا رؤي
رؤي...متخفش في عيني يا ادهم
غادر ادهم واتجهت رؤي عند نور وذهبو نحو الحديقة
رؤي... انتي وادهم بتحبو بعض
نور...ايوة
رؤي...ربنا يسعدكم يا رب
وتابعت حماس هو انا مقولتلكيش
نور...لا في اية
رؤي...عمار قالي ان هو بيحبني وهيتجوزني
نور...بجد يا حياتي على الرومانسية
رؤي...قل اعوذ برب الفلق خمسة في عينك
على... بتتكلمو في اية يا بنات
نور...تعالي يا بابا اقعد معانا
رؤي...مفيش يا بابا
على...تعرفي يا نور انا