روايه موضوع عائلي بقلم رحاب القاضي الجزء الأول متكمله
قاعدين
تاخد برأي يا حج حامد المعلم يونس غلطان ما توصلش لدرجة انه ېخرب الفرح....
بصله يونس بجمود وقال
كمل. كلامك سامعك يا معلم سالم..
سالم
وعشان اللي حصل ده غلط فانت هتاخد نص الفلوس اللي ليك عند المعلم رضوان وتتراضو بقي..
حامد ابتسم وقال
ايه رئيك يا يونس في الكلام ده..
يونس بهدوء
قولي يا حج سالم هي الحجه الوالده مدفونه فين..
في المدافن بتاعت العيله بس انت قصدك ايه من الكلام ده..
يونس وقف وقال پحده
روحلها وهتلاقي كلامك ده عندها لامؤخذه..
اتعصب سالم وقال
عاجبك الكلام ده يا معلم حامد ابنك بيقل مني و..
وقف يونس وخبط علي الترابيزه وقال
خلص الكلام انا ما اخدش علي قفايا يا سالم ومن غير معلم كمان قدامكم جمعتين والفلوس تكون عندي وعليها النص اللي سالم كان هيخصمه من حقي..
بس كده افتري يا يونس..
يونس
المعلم يونس مش يونس يا رضوان ودي قرصة وده عشان ما تجيبش واحد. زي سالم يعمل عليا كبير...
و ابوه وقال
يلا بينا يا حج الكلام خلص...
_ واخد يونس ابوه ومشيو ومعاهم الرجاله بتاعته وحامد بصله وابتسم وقال..
حامد
راجل يا يونس رفعت راسي..
يونس بجمود
تربيتك يا حج ده انت كنت ليا الاب والام بعد ما امي ماټت وما خلتنيش اروح مع هناء وعيالها زمان..
لسه قلبك شايل يا يونس ده عدي عمر علي اللي حصل ده...
_ قبل ما يرد عليه طلعت نور من بيتهم وهي لابسه اسدال الصلاه وقالت..
نور
عايزاك في كلمتين...
حامد پحده
طيب قولي ازيك يا حمايا الاول ولا مش قد المقام يا دكتوره...
نور ببرود
ازاي حضرتك يا اونكل حامد..
اتنهد يونس بضيق وحامد رد عليها وقال
الله يرحم يا بت فايز لما ابوكي كان ينزل يسلك البلاعه ويقول ابعتولي مخده اصلها مريحه اكتر من الارض اللي هرت ضهري...
فاتحها في موضوع كتب الكتاب واللي بتدفعه عليها وهي في بيت ابوها ادفعه وهي في بيتك...
_قال كلامه
ومشي ومعاه رجالته ويونس بصلها بعصبيه وقال...
يونس
وبعدين معاكي بقي خفيهم شويه مع ابويا ده حماكي وفي مقام ابوكي...
نور قلعت الدبله بتاعتها وقالت
خد. يا يونس انا وانت يا ابن الناس سكتنا مش واحده انا واحده هبقي دكتوره فاهم يعني ايه..
هعد. لتلاته ولو مالقتكيش لبستي الدبله وقولتي تصبح علي خير يا سي يونس زي زمان اقسم بالله ما هخليكي تلمحي الشارع حتي مش الكليه بس..
نور لبست الدبله بسرعه وقالت
والله العظيم انا بهزر بس انت ليه كده ليه مش بتديني فرصه اخد. موقف قدامك ده انا لما بقفش منك بتضربني يا يونس هو في كده..
خلاص طيب ما تزعليش حقك عليا..
نور پبكاء
لا هزعل بجد. وبص براحتك وانا مش هتجوز..
يونس بغيظ
طيب غوري بقي لفوق وللصبر حدود يا بت فايز وفايزه..
نور ضړبته علي كتفه وقالت
مالكش دعوه باسم ابويا وامي وطالعه من غرر نا تقول اصلا..
_ خلصت كلامها وطلعت فوق ويونس فضل ماشي مدايق ولقي يوسف قاعد تحت بيتهم راح قعد جنبيه وقال..
يونس
قولها يا يوسف ما تبقاش غبي وتسكت..
يوسف بسخريه
هو انا يعني عاقل بزمتك هو في واحد. يحب واحده اسمها بطه لا وكمان اصغر منه يجي ب سنه..
ضحك يونس وقال
بصراحه لا بس انت عارف بطه دي زي اختي واكتر ولو هختار اجوزها لحد هيكون انت..
يوسف بحزن
وواحد زيي بيكمل عشااه نوم ولسه قدامه اخواته البنات بيتجوزو ويتجهزو هيقدر يتجوز..
يونس
ما انا قولتلك يا جدع انا هساعدك انت اللي منشف دماغك..
يوسف
وانت قولت من شويه انت اخوها وانا مش هقبل اخد مساعده من اخوها عشان اتجوزها..
يونس
انت طالبه معاك نكد وانا شربت منه واستكفيت من بت الجزمه نور وطالع انام...
يوسف
طيب امسك ده مفتاح العربيه عشان رايح مع امي بكره نجيب شوية حاجات في جهاز اختي..
يونس قام وقال
خلاص انا هبقي مكانك بكره في الموقف..
يوسف ضحك وقال
ولا زماان يا اسطي يونس فاكر ايام ما كنت ماسك الموقف زمان..
يونس ابتسم وقال
وهي دي ايام تتنسي اهو هنرجع الذكريات بكره..
_ وطلع بيته ويوسف مشي تفتكرو ايه اللي هيحصل في الموقف بكره..
الكاتبه_رحاب_القاضي
_ وتاني يوم طلع مازن من اوضته لقي الفطار علي السفره وشكله حلو اووي فرح وراح قعد وقال..
مازن
ايوه كده يا هنونه فكي الكيس واعمليلنا فطار عليه القيمه..
طلعت هاجر من المطبخ وقالت
لا مش امك اللي عملته ده انا نزلت بدري جيبت شوية حاجات وجهزتلكم الفطار..
مازن بتوتر
احم انا اسف خلاص انا هشوف حاجه في المطبخ اكلها..
هاجر بغيظ
ايه ياربي العيله المتربيه بزياده دي اقعد يا عسل كل انا عامله الفطار للكل حتي امك مع انها مش بطيقني..
قعد مازن وقال
هي بتطيق مين بس غير الشيخ محمد بس والله طيبه ومسيرك تتعودي عليها..
هاجر
هما هيصحو امتي اخوك صحي الفجر وراح صلي وجه نام هو بيقوم امتي في العادي..
مازن
كمان خمس دقايق هيقوم يصلي ركعتين شكر لله انه لسه علي قيد الحياه وبعدين هينزل المحل تحت.. بس بما انه عريس اكيد النظام هيتغير..
لوت هاجر بوقها وقالت
قلبك ابيض هو خد اذني ينزل الشغل وانا قولتله ينزل وكمان شويه انا كمان هنزل شغلي..
_ وقبل ما يرد عليها طلعت هناء من اوضتها وقعدت جنب مازن وقالت...
هناء
صباح الخير يا مازن انت رايح الجامعه..
مازن
ايوه يا ماما شايفه هاجر عملت فطار حلو ازاي..
هناء بسخريه
ماله يعني فطار زي اي فطار بيض وجبنه وفول وطعميه ومربي وبعزقه علي الفاضي...
هاجر اتنهدت وقالت
محمد قالي انزلي هاتي اللي عايزاه من تحت براحتك..
هناء بسخريه
عيني عليك يا ابني جات اللي هتنهب مالك من غير رحمه..
هاجر بغيظ
افطري با حماتي بس ابقي خلي مناب محمد جوزي اللي اطلب منه اللي عايزااه..
هناء پحده
جوزك ايه يا بت وتطلبي ايه ده ابنييي وبعدين اوعي يا سكر تنسي انه متجوزك صدقه..
هاجر بهدوء
والله ما فيش راجل بيعمل كده ان ما كنتش عجبته ما كنش اتجوزني وعلي فكره يعرفني من قبل ما يتجوزني حتي اسأليه..
مازن بقلق
لا الموضوع كبر بصو انا ماشي والعبو مع بعض عيب كده..
هناء پحده
غور يا ولد انت اصلا هي وكلامها ولا يهزني..
طلع مازن بره وهناء قالت
يالهوي نسيت اقوله يجيبلنا شوية فاكه نوزعهم صدقه علي روح المرحوم ابويا ولا نسيت الموضه اليومين دول في الصدقه الجواز..
هاجر بضيق
اللهم طولك ياروح بقولك ايه يا حماتي طلعيني من دماغك وبلاش الجو ده معايا انا قلبتي وحشه وانا بحاول احترمك..
هناء بثقه
اخرك هاتيه هو انتي فاكراني هخاف من حتة سرنجه زيك..
طلع محمد من الاوضه وهاجر قالت
انا بقولك ايه انت تجيبلي مكان اقعد فيه بعيد عن امك...
هناء
شايف من اولها عايزه تاخدك مني يا محمد بعد ما ضحيت بعمري عليك انت واخوك...
محمد بقلق
في ايه بس يا ماما انتي وهاجر حصل ايه بس..
هاجر بدموع
امك يا شيخ محمد بتعايرني عشان انت اتجوزتني صدقه اوعي كده..
_ قالت كلامها ودخلت اوضتها وهي بټعيط ومحمد قرب من امه وقال..
محمد بهدوء
بلاش يا امي لو سمحتي
الكلام ده مالوش اي لازمه وهاجر دلوقتي غلبانه وبقيت مراتي قدام الناس وربنا..
هناء پبكاء
يعني هي غلباانه وانا اللي شيطان اول مره في حياتك تزعلني تبقي عشان السرنجه الصفرا دي..
محمد بغيظ
هو انا قولت كده يا امي ولا عمري يا ست الكل اقدر ازعلك اصلا..
وقفت هناء وقالت
قولت وقدرت وكله منها جات وغيرتك عليا...
وعلت صوتها وقالت
واسمعي ياا بت يا انا يا انتي يا سرنجه وبتعصبك سرنجه انا بقي مش هقلك غير سرنجه..
فتحت هاجر باب اوضتها وقالت لمحمد. پحده
خليك انت كده بتتفرج وانت ساكت وانا قريب هقطم في زمارة رقبة امك حرفيا...
_ودخلت وقفلت الباب وقبل محمد ما يتكلم هناء قالت بعصبيه..
هناء
والله عال بټهدديني في بيتي طيب ماشي يا سرنجه وانت خليك ساكت وامك بتتهدد قدامك...
_ ودخلت اوضتها وقفلت الباب هي كمان ومحمد قعد علي السفره وقال..
محمد بهدوء
ربنا يهديكم هتكرهوني في الجواز وانا لسه بتجوز اصلا.. وانا بقي لا هراضي دي ولا هراضي دي انا هفطر وانزل اشوف شغلي...
بقلم_الكاتبه_رحاب_القاضي
_ وفي الجامعه كانت ولاء اخت هاجر واقفه مع صحابها واللي كانو بتنين وتلات اولاد وواحده منهم قالتلها..
سالي
بصراحه انا كنت متاكده انك بتكدبي انتي مين هيتحمل عصبيتك ويحبك اصلا...
قالت كده وكلهم ضحكو وولاء قالت بدموع
لا انا مش بكدب انا في واحد بيحبني بجد..
عمرو
طيب هو فين ما تخلينا نتعرف ولا انتي مش بتعتبرينا صحابك..
علي
طيب هو من الجامعه ولا بره فينه عشان افهم بيتحمل عصبيتك ازاي..
_ ادايقت ولاء من كلامهم وجات تمشي بس لمحت ان مازن مقرب عليهم وافتكرت اللي حصل بينهم امبارح وهي رايحه لهاجر واول ما جه يعدي من جنبيها وقفت قصادهه وابتسمت وقالت..
ولاء
وحشتني اووي يا حبيبي...
مازن بص وراه وقال
انا!...
ولاء بتوتر
انا ما كنتش عايزه اكلمك في الجامعه بس صحابي مصممين يتعرفو عليك..
مازن پخوف
انتي مجنونه صح اوعي كده سيبي ايدي اا..
ولاء وقالت برجاء
ايدك هما خمس دقايق اعمة فيهم حبيبي وامشي...
علي وقال
انت بقي حبيبيها يا كابتن..
_بصتله ولاء پخوف ودموع وهو اتنهد بضيق وبص لصحابها اللي مستنين رده وسحب ايدها من ايده وقال...
_ تفتكرو بقي مازن هيقول ايه...
موضوع_عائلي
_الحلقه الرابعه
سحب مازن ايده من ايد ولاء وقال
انا ما اعرفهاش اصلا يا جماعه واضح كده ان في سوء تفاهم يا انسه...
_ قال كلامه وسابهم ومشي وصحابها فضلو يضحكو وهي دموعها نزلت وحست انها مش قادره تاخد نفسها وايديها بدأت تترعش وجات تمشي قبل ما حالتها تزيد بس لقيت مازن في وشها وابتسم وقال..
مازن
انتي ليه عيوطه كده انا بهزر معاكي يا حبيبتي..
ابتسمت وقالت
بجد يعني انت موافق اا..
مازن بسرعه وقال
دول بقي صحابك اللي انتي بتحكيلي عليهم..
علي بغيظ
انت بقي اللي بتحبها غريبه شكلك مش معانا هنا في الكليه..
مازن
فعلا انا من هندسه وكنت اا جيت يعني عشان.. اا..
بص لولاء وهو مش عارف اسمها وقال
عشانها هي دي يعني..
ميلت عليه ولاء وقالت بصوت واطي
اسمي ولاء..
سالي وقالت
بس انت ليه ما كنتش بتجيلها قبل كده هنا..
مازن بهدوء
بنخاف من الحسد والعيون المدوره...
ضحكت ولاء وقالت
طيب اعرفك بقي بصحابي يا حبيبي دي سالي ومي وساره وعلي وعمر..
مازن
اهلا وسهلا يا جماعه وانا مازن ممكن بقي اخد ولاء شويه..
سالي
اكيد طبعا اتفضل بس ابقي خلينا نشوفك بقي..
مازن ابتسم وقال
اكيد طبعا..
_ واخد ولاء ومشيو واول ما بعد عن صحابها ساب ايدها وزعق فيها وقال..
مازن
انتي با بنتي عبيطه اي حد معدي كده تشبطي فيه..
ولاء بتوتر
مم ما هما اللي كانو بيتريقو عليا وقالو ان ما فيش حد ممكن يحبني..
مازن بغيظ.
ما بصراحه معاهم حق انتي يا بنتي ايه اللي جابك الجامعه طلعتي من الحضانه ازاي اصلا..
اتعصبت ولاء وقالت
انت بتقولي كده طيب اهو انت وغور امشي من هنا عشان ما اتغباش عليك..
مازن پحده
بقي هي دي شكرا بس انا اللي غلطان اني كنت جدع مع اشكالك..
زقته
